وزني سبب لي عقدة نفسية

[مشكلتي]

السلام عليكم ورحمة الله وبركاته
تكمن مشكلتي ياسادتي والتي لحد الان لم اجدلها حل واحدثت لي عقدة في نفسي واصبحت ثقتي بنفسي في الحضيض خاصة الان وانا في سن الزواج وعمري27 سنة فقد اصبحت اشك في انه السبب لعدم تقدم الخطاب لي ي,,, والنظرات القاسية الموجهة لي من قبل الناس والعائلة فاصبح هاذا المشكل يشكل لي ازمة في نفسي اصبحت اتفادى الخروج من البيت او الدهاب لزيارة العائلة فمرات يتعمدون جرحي بكلماتهم القاسية وانني لن اتزوج مادمت نحيلة ..جربت كلشي ومافدني شي وانا الحمد لله صحتي جيدة علما ان وزني46 وطولي160 سم
اريد من كلمات تريحني وان اقنع وارضى بجسمي وبحالي ,,

[فريال العلمية]

يا اختي و الله غير ضحكتيني انا رانيميتة باش نولي كيما نتي انا قريب ما قتلت روحي ب الريجيم و جاوني اللاف الامراض و دوكا عندي 3 سنين و انا رجيم قاسي جدااا
باش منزيدش 1 غرام


يا اختي علابالك بلي كي توني مشيانة تباني صغيرة و مهما كبرتي ميبانش فيك العمر و احمدي ربي ليل و نهار الناس راهي تصرف الملاين باش تولي كيما نتي
و لا حبيتي تسماني كولي كل حاجة راكي حابتها في بلاصتي ههههه والله يا اختي اخطيك مدواوات
و احمدي ربي على هادي النعمة

[hodahodahoda]

لا تياسي

حاولي

[3ab2ou]

و انا اللي كنت حاسب روحي عود
55 كلغ الطول 170 سم هههه
----
المهم يا ختي الله يسهلك ان شاء الله

[أناييس الربيع]

السلام عليكم ورحمة الله وبركاته :

يا أختي راكي عادية جدا المهم أنك تتمتعي بصحة جيدة

الوزن ليس سبب في عدم الزواج وانما مكتوب فقط

المهم أنتي أرضي بما أعطاك الله تكونين أسعد الناس

واذا تقبلتي نفسك فالناس كلها ستتقبلك كما أنت

ولا تكترثي للكلام الناس فهم لن يتركو أحد ولازم ديمو يجبدولك نقص

أحمدي ربي أنها جات في وزن وغيرك في مرض أو اعاقة و،،،وقانعين وحامدين ربي

[fadi02]

راكي في نعمة

[هلاص2]

شوفي يا ختي أنا كنت كيفك و مرة كان يوجعني راسي بزاف رحت عند طبيبة في مستوصف عندنا درت لاشان ودخل ليها صفرة رايحة نموت قاتلي راكي انيمي قتلها لالا دارتلي التحاليل في الساع لقاتني نورمال مدتلي دواء تاع الراس اسمو migrazen و معاه دواوة اخرين قلتلها متمديليش لي رقد برك لأني مهندسة و ديما نخدم و ملازمش نرقد و عليها يوجعني راسي من الميكرو و الله ياختي كليتو كل يوم حبة هو فيه 40 حبة وليت نوزن 62 في شهر برك و زينت و بهيت و تنحاتلي كامل الصفورية و التكشريد جربيه و رديلي لخبر راه معندوش حتى تأثير لكن تولي توكلي مليح و ترقدي

[هلاص2]

شوفي يا ختي أنا كنت كيفك و مرة كان يوجعني راسي بزاف رحت عند طبيبة في مستوصف عندنا درت لاشان ودخل ليها صفرة رايحة نموت قاتلي راكي انيمي قتلها لالا دارتلي التحاليل في الساع لقاتني نورمال مدتلي دواء تاع الراس اسمو migrazen و معاه دواوة اخرين قلتلها متمديليش لي رقد برك لأني مهندسة و ديما نخدم و ملازمش نرقد و عليها يوجعني راسي من الميكرو و الله ياختي كليتو كل يوم حبة هو فيه 40 حبة وليت نوزن 62 في شهر برك و زينت و بهيت و تنحاتلي كامل الصفورية و التكشريد جربيه و رديلي لخبر راه معندوش حتى تأثير لكن تولي توكلي مليح و ترقدي

[وهج الحياة]

ربي يهديك اختي تمسكي بالله وبثي له شكواك بقيام الليل وان شاء الله تفرج امورك

[" أبو عبود"]

كنت أظن العكس. صدقيني الرجل ندما يقرر يتزوج لا يتزوج السمينة بل النحيفة او العادية. وفكرة ان العريشة هي التي تتزوج فكرة خائطة والدليل ىلاف البنات نحيفات وتزوجن. وما دمت لا تعانين من اي مرض فالمشكلة تكمن في امرين اثنينك الاول يجب ان تعرفي ان راحة البال هي التي تساعد على السمنة واذا لم تكوني مرتاحة نفسيا فلن تسمني ولو اكلت بقرة يوميا. يجب ان تنامي باكرا وتاكي جيدا ولا تكثري من " التخمام". الامر الثاني هو نوعية الغذاء لانها تاثر سلبا على شكل الانسان. جربي الحلبة في الاكل وايضا النبق وهو ثمار السدرة فه تعطي نتائج باهرة

[first first]

ياختي واش نقولك
نبدالك بالزواج......................مناه باين هو لي مقلقك والناس منو تبدى ديروجي فيك
شوفي معايا المتزوجات .قديما وحديثا ..واش تلقاي....؟؟؟
تلقاي الطويلة متزجة.......هناك طويلة لم تتزوج
هناك قصيرة متزوجة ........وهناك قصيرة لم تتزوج
هناك انسانة ممتلئة متزوجة.........وهناك ممتلئة غير متروجة
هناك نحيلة ......ونحيلة جدا ....ونحيلة جدا جدا متزوجة........وهناك احسن منها او انحل منها ولم يتزوجة؟؟؟؟؟؟؟
والناس ادواااااااااااااااااااااااق ............علاش المجتمع تاعنا يحب الامتلاء والله لااعرف؟؟؟؟؟ لعله غباء؟؟؟؟العالم كله يحارب السمنة وينفق اموال طائلة وبرامج مشددة لتوعية الشعوب ومحاربة السمنة ونحن في الجزائر العضيمة نتعايرو لاننا لم نطرق باب السمنة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


شوفي اختي ..........................الصحة هي كلش....................سمينة ولا نحيلة......................انت اخرجي واثقة من نفسك...........................راكي في نعمة مايشفهاش غير لي عطالو ربي عقل في راس.

مع اني هنا مانيش حابة نقي ساي انسان........الوزن ليس مقياسا للنجاح اوالفشل.......يعني لي وزنها زائد والله اراها جميلة ولي وزنها ناقص ايضا اراها جميلة.
لكن لانختلف على شيء ان الوزن الزائد راه ماشي مليح على صحة الانسان..............واي شي اغلى من صحة الانسان.


ونزيدلك حاجة..................المجتمع تاعنا راه مامخلي حتى واحد....حتى لي وزنها زائد راهم كرهولها عيشتها.رغم انهم يتمناو يكون مثلها........ارواحي انتى وافهمي هاد المجتمع.

اتمتعي بالرشاقة لي عطهالك ربي.......................ولي تجبدلك الهدرة على الوزن قوليلها عاجبتني روحي هكدا.......................والمهم الصحة.

[وصال سلام]

راني نتيجتك في الوزن راني 48 ونتيجتك في العمر راني داخلة في 27 وهذي الحاجة ماراهيش مقلقتني ابدا بالعكس راضية على روحي مية بالمية مع العلم لا احد يطرق بابي مع توفر كل المواصفات لكن الحمد لله على كل حال راني لاتية بصحتي عندي فقر الدم والدوا اللي قاتلك عليه الاخت راهو مليح مدهولي الطبيب ونفعني, اما على الناس انا راهم مهبليني على الخدمة هههه عكسك يقولولي السماء لا تمطر ذهبا تقول الخدمة راها تطايش وانا باخلة روحي بيها


ما تعمريش رااسك راكي انتي السببب في الحالة اللي راكي فيها لاخاطر اقنعتي نفسك بهذا الشي ومادامك بالحالة اللي راكي فيها نقولهالك ماراكيش راح تسمني نحي عليك التوتر والقلق والتخمام هذا هو اللي هلكك وربي يسهلك اموورك ويرزقك الزوج الصاالح يااارب

[malikdz01]

ما هذه الردود الطفلة نحيلة وحابة تسمان ووزنها مقارنة بطولها صح قليل اذن اعطوها وصفات باش تسمان ...

[دموع الفـرح]

اختي مانيش رايحة نقولك سيي تخرجي هدرة الناس من راسك و كوني قوية وووووو
رايحة نقولك مادام انتي تشوفي في روحك ضعيفة وحابة تسماني لازم تكون عندك ارادة قوية وتحققي وش راكي حابة لانو ماهو شي لا عيب ولا حرام ولا مضر بالصحة ولا مستحيل
لازم تديري برنامج الي تمشي عليه ماعليش عام ولا عامين ونشالله تلحقي لمبتغاك في مدة اقل خاطر ضكا كلش كاين والبنات كامل راهم ياكلو فالادوية باش يسمانو
مافيها حتى عيب هادي تاع واحد ضعيف كلا حاجة تفتحلو الشهية وتعاونو باش يزيد في وزنو
اختي زوري طبيب ممكن يقدر يفيدك كثر منا
مع انو كاين حوايج بزاف نسمع بلي يسمنو كيما مسمنة الاحلام- سوبر ابيتي -قروسيفيت ..الحلبة........الخ لكن الشرط هو الاستمراية لمدة لا تقل على 3 اشهر باش تبدى النتيجة تظهر
انا متاكده انك لة تسماني رايحة تتحسن نفسيتك وتزيد ثقتك بروحك .......نوصيك الارادة ثم الارادة ونشالله تعاودي تدخلي وتقولينا راني 60 كغ
بالتوفيق اختي

[دموع الفـرح]

اختي مانيش رايحة نقولك سيي تخرجي هدرة الناس من راسك و كوني قوية وووووو
رايحة نقولك مادام انتي تشوفي في روحك ضعيفة وحابة تسماني لازم تكون عندك ارادة قوية وتحققي وش راكي حابة لانو ماهو شي لا عيب ولا حرام ولا مضر بالصحة ولا مستحيل
لازم تديري برنامج الي تمشي عليه ماعليش عام ولا عامين ونشالله تلحقي لمبتغاك في مدة اقل خاطر ضكا كلش كاين والبنات كامل راهم ياكلو فالادوية باش يسمانو
مافيها حتى عيب هادي تاع واحد ضعيف كلا حاجة تفتحلو الشهية وتعاونو باش يزيد في وزنو
اختي زوري طبيب ممكن يقدر يفيدك كثر منا
مع انو كاين حوايج بزاف نسمع بلي يسمنو كيما مسمنة الاحلام- سوبر ابيتي -قروسيفيت ..الحلبة........الخ لكن الشرط هو الاستمراية لمدة لا تقل على 3 اشهر باش تبدى النتيجة تظهر
انا متاكده انك لة تسماني رايحة تتحسن نفسيتك وتزيد ثقتك بروحك .......نوصيك الارادة ثم الارادة ونشالله تعاودي تدخلي وتقولينا راني 60 كغ
بالتوفيق اختي