الجزء 177 من واش طيبتي اليوم ك وزينة

[روعة الصحراء]

من فضلكم طريقة تحميل الصور للمنتدى وشكرا

[om obaida]

المشاركة الأصلية كتبت بواسطة أم يوسف2

اخاه لالا لالا هاني دخلت ماكلاه البشماق ياسيدي ماعلاباليش بلي راني عزيزة عليكم ربي يخليكم ليا ان شاء الله ويحفظكم
او شكرا للي راسلوني
ام عبيدة عيد ميلاد سعيد وكل عام وانت بالف خير يارب
ام موح ليزاتي ام هدول حيوتة ام ابراهيم بيلسان اروج توبتي شاوية ‘البقية قااااااع ان شاء الله تكونوا بخير

كون درينا البشما يجيبك كو جبت كلاكات سلفي يلبس 44 ونعطيك طريحة

منورة ام يوسف

[om obaida]

المشاركة الأصلية كتبت بواسطة روعة الصحراء

من فضلكم طريقة تحميل الصور للمنتدى وشكرا

حنونة باش راكي تخدمي تيليفون ولا ميكرو

[om obaida]

نداء لام هدول راهي مفقودة يلا شافها واحد يقلنا ويلا سمعت هي النداء نقلها تجي ولا نجيبوك كيما ام يوسف بالبشماق

حيوته علابالنا العذر ونتي

[أم يوسف2]

ام عبيدة ربي يخليك قتلتيني بالضحك صافي ام هدول تان مابانتش ديرولها كيما انا باش تدخل وانا مانزيدش نعاود عود تجي ليا ب44والله راسي كان قد الدار ويتزير عليا وعينيا ماقدرت نفتحهم مافهمتش يالاك لاطونسيو مانعرف

[أم يوسف2]

هاني درت غريبية المشقوقة تاع ام وليد جات مليحة بصح الذوق طغى عليه النوادكوكو الخطرة الجاية نديرها بالقارص خير

[om obaida]

بصحتك ام يوسف نموت على لغريبية بصح نخاف نديرها تجيني يابسة

[om obaida]

المشاركة الأصلية كتبت بواسطة ابني نور عيني

اريج صح واش قلتي ودا تاع فريال حطيلي رابط الوصفة ادا امكن

بيلسان كاين عضوة اسمها فريال
ام عبيدة رانا كامل خواتاتك عند ربي هوني عليك ماتبكيش في عيد ميلادك والله نبكي معاك و راجلك ماشي ينساك ياك هموم الدنيا عما اللي ينسو وهو مسكين تعبو وشقاه غير عليكم وخاصة راه في الغربة ياحليلو وحليلكم
صدق العطاء بصحتكم الطعام هنيئا مريئا و ماقلتيليش جربتي الروز ولا مزال ؟؟؟؟
شاوية حرة وشراكي مع الحمل وكيفو البيبي؟؟؟؟

ام محمد مفهمتش راكم في الغربة حنونة راني غير هنا ندور وسماوني الميقريه لخاطر كان الميكرو نتاعي يكتب بالعربيه فسدلي كي خدمناه راحتلو العربيه ولا يكتب غير فرونسي على هذا سماوني الميقرية ومن بعد متميت عليه نرجعتو عربي متاصل

[روعة الصحراء]

المشاركة الأصلية كتبت بواسطة om obaida

حنونة باش راكي تخدمي تيليفون ولا ميكرو

بالميكرو اختي

[oum islem]

السلام عليكم ورحمة الله

مساء النور حبوباتي دبدوباتي بطبوطاتي السمينات الرشيقات الطيبات
أم يوسف كل بنات الكوزينة عزاز علينا ولي تغيب نحسو بغيابها وتخلي بلاصتها فارغة

شفت خيرات الحراير ربي يبارك من الحلو للمالح الممكنة يا مييييي
ولي بقى في بالي أطباق عسل المنتدى ليزا روائع ما شاء الله يعطيك الصحة حبيبتي وإذا تقدري راسليني نحتاجك ضروري أنا من العام لي فات ما قدرت نراسلك

أم محمد يعطيك الصحة راكي قايمة بينا كما يلزم ولسانك ينقط عسل

[oum islem]

روعة الصحراء خسارة ما نقدرش نعاون أختي يارب يدخلوا البنات يعاونوك ونتمتعو بحنة يديك

أم عبيدة كل عام وأنت بألف خير

أم إبراهيم ربي يسلكك على خير ويرزقك الذرية الصالحة
الحمد لله حبيبة لي طمنتينا عليك

أم هدول وين اختفيتي راني نشوف في البنات يحوسو عليك؟؟؟!!!

[oum islem]

صورت لكم من العرضة إياها تاع هذاك النهار لكن في نص التحضيرات قالولي بلا ما تتعبي رايحين يتعشاو برا



سوفلي قطني والحشو اممممم والتزيين التغى بعد تغيير البرنامج

حساء الكمأة لي هي الترفاس من ألذ ما تذوقت



روز بالخضر في الفرن وشرائح سمك أبيض بصلصة الطماطم وسلاطة وجلبان بالترفاس يهبل والشكر الكبير موصول لدائمة الحمدلقمر 77 وأم رجاء لي عاونوني

[kouka a]

السلام عليكم ورحمة الله وبركاته دخلت لقاني لخير لي حاطتو أم اسï»»م مشاء الله كلشي يشهي بصحتك حنونة
وقلتي بلي دائمة الحمد الي عوناتك معناها راهي بخير والله ليها وحشة كبيرة هيا وام ماجد أم رحاب

[oum islem]

ياشووميي قريب نسيت أريج ما نحبش الفارني خلاص بصح الحنة يا عمري نموت عليها واطباقك علامة كاملة يعطيك الصحة

وتفكرت أسماء البابيشة الرشيقة واطباقها والشوارما ولي قتلني الغرايف توحشتو من زماان ما كليتو

ونعنوعة وميلسات وبيلسان وكل البنات ربي يبارك
وزقزوقة ونوال وروعاتها ولا هذيك الكوكا تهبل تهبل

[oum islem]

المشاركة الأصلية كتبت بواسطة kouka a

السلام عليكم ورحمة الله وبركاته دخلت لقاني لخير لي حاطتو أم اسï»»م مشاء الله كلشي يشهي بصحتك حنونة
وقلتي بلي دائمة الحمد الي عوناتك معناها راهي بخير والله ليها وحشة كبيرة هيا وام ماجد أم رحاب

الله يسلمك كاووكا عويناتك الحلوين ودائمة الحمد وبزاف بنات ذكرتيهم في تعليقك السابق راهم بخير والحمد لله

وتفكرت البقلاوة لي قلتي نخليلك حقك تفضلي وتخيلي راكي تاكلي صح



ما لقيتش البقلاوة ما عليش لاكرام قلاصي من العرضة يهبل مع معجون الفراز