لحابة تتزوج لازم تكون خدامة و مرسمة

[nouna l maghbouna]

ربي يهدي ما خلق

ناس i3ayeiiiiww

[mohamed160]

المشاركة الأصلية كتبت بواسطة ayaamira666

السلام عليكم
هادي خالتي تحكيلنا على سلفتها كانت سلفتها في الخدمة و جات عندها صحبتها و قالتلها ولد خالتي حب يشوفك و يتعرف عليك و اذا كتب ربي راهو ناويك للحلال
قالتها مكاش مشكل
جا عندها السيد حكاو و تفهامو على كلش (بلاك 3 او 4 خطرات جا لعندها) و في المرة الاخيرة سقسها على الخدمة قالتلو مابقليش بزاف و تفدلي الكونترا
من تلك اللحظة ذهب و لم يرجع
المخلوقة مسكينة حارت قالت والله ماهدرت كلمة خارج الطريق و كنا متفاهمين
حبت تستفسر من صديقتها عن سبب الهروب المفاجئ (بحكم انو السيد ولد خالتها لصاحبتها) من بعد صاحبتها سقسات قالتلو واش بيك هربت واش صرا بيناتكم
قاللها والله ما صرا والوا و الطفلة مكان ماخصها بصح انا حاب ندي واحدة خدامة و مرسمة
رجعت الهدرة لصاحبتها حارت مالقات ماتقول
شوفو الوقت لوصلنالو ولاو الرجال يحبو المراة لتخدم ويزيدو يشرطو لمرسمة
وخالتي عندها 5 اولاد ذكورا كسمعت لحكاية قالتلي انا تاني و الله ما نخطب لولادي غير مرا خدامة مارانيش مهبولة نجيب عروستي قاعدا في الدار مرتاحة و ابني يخدم عليها و الله تاكل الرهج تروح تخدم على روحا ماشي ولدي يخدم و يتعب و هي مرتاحة هي تاني تخدم و تعاونو
واش رايكم فيه انا دخت

ههههههه هدا مريض على جل خلصة الكونترا

[شيء من رجاء !]

المرأة تتزوج لتكون في ظل رجل
إذا خرجا الاثنان من يبقى في الدار ومن يربي الأولاد
زمان يسير بالمقلوب

[nono hydrau]

وكاين وين عارفها خدامة ومترسمة ويجي يخطبها ويقولها اقعدي في الدار
والله ما فهمنا رانا نشوفوا في العجب
ربي يعينك اختي ويجيبك ربي لي خير منه
وعسي ان تكرهوا شيئا وهو خير لكم

[الفلة البيضاء]

الي يحب فتاة زوجة له يقبلها كيما هي ماشي يشرط عليها الخدمة هذا جنون راكم تشوفو المظاهر وين لحقت

[ayaamira666]

المشاركة الأصلية كتبت بواسطة nono hydrau

وكاين وين عارفها خدامة ومترسمة ويجي يخطبها ويقولها اقعدي في الدار
والله ما فهمنا رانا نشوفوا في العجب
ربي يعينك اختي ويجيبك ربي لي خير منه
وعسي ان تكرهوا شيئا وهو خير لكم

يا ماشي انا اختي علاش راكي تفايلي عليا
هذي خالتي تحكي على سلفتها
شكرا على الرد

[مريم الصابرة]

السلام عليكم اختي
ربي يهدي ما خلق صدقيني وإسمحيلي نضحك لأانو قصة تضحك وتبكي على وضع شبابنا حاشا البعض يعني هذا داخل على طمع هذا صرالو كيما هنا عندنا غير مدو علاوات للمعلمات إنخطبو كامل وحتى الكبارات كبرو وما تزوجوش تزوجو انوغرو هههههههههه راحت علينا اللي فالدار ما يدوش شومارا يدو المرسمات ثاني ماشي خدامة وخلاص ربي يهدينا وسن وصلنا
وهذي تهنات منو صراحة ما عندوش شخصية ربي يهدينا

[ميمي سمية]

اختي انا ارى قصص في مجتمعي عكس هذه القصة

فهناك امراة اعرفها ارادت ان تزوج ابنها فوجد واحدة تخدم قالتلو لالا كي سقسيناها علىه

قاتنا مانجيبش لولدي المراة الخدامة لخاطر مبعدة تعود تهز في روحها عليه وتتمزى عليه


اترك لك التعليق.......

[صفــاء]

الأغلبيــــــــة يردها متعلمة ماكثة في البيت

فأتعجب عندما أجد رجل يبحث عن امرأة عامـــــــــلة فأي رجولة هده

[TOKYO]

يرحم والديك علاه نخدمو و نطيحو صحتنا و من بعد تاني لما نكبرو ندفعو فواتير المرض و ادوية وكاننا لم نعش حياة جيدا لم ندق طعم حياة لا حلوها و مرها و الزوج يعمل و زوجة تعمل و اطفال تربيهم حضانة و المدارس خصوصية و عيش انت و اكبر و من بعد لما يكبرو اطفال تتربي فيهم افكار الغرب و تقاليد غربية في نسخة العربية و من بعد نتحسر و نندم على العمل الزوجة
الله يجب الخير للامة هده

[TOKYO]

بالصح عائلات راهي تطلق بناتها للخدمه والله بقيت حاير وين كانوا قبل 2000 حالة تدهورت بزاف بعد عودة الامن
للاسف الصح تلقي بعض متعلم و متخرج و يقولك نحوس عليها تخدم او غلاء معيشه و لحقناش و باش تعاوني و انت مازالت قديم هديك لى قاعده في الدار بالصح للاسف نقولك حاجه
اساس في الدار مكاش الام و الاب وين هو الدور تاعهم وين كانو جدودنا و كيفاه تزوجت البنت بكري و كيفاه تزوج شاب
تم غسل عقول شباب في جامعه بالتلفزيون و النت و تلفون
الله يهدينا

[عبد الله 22]

السلام عليكم : كل شخص له منظور معين لعائلة، عن نفسي وجدت المراة التي احلم بها بادق أدق التفصيل، إلا ان العمل كان النقطة الفاصلة ، فبما أن أعتقد أن الزوج من مراة عاملة زوج يحمل بذور الفشل منذ اتخاذ هذا القرار و على المدى البعيد سيكون الفشل ، بما أني أعتقد ان العائلة ليست أجر + شهرية = عائلة فلا يمكن أن أغامر بحياتي وعائلتي مع إمرة قد يكون يوم ما عملها افضل من ولد ترميه عند الحاضنة، عدم إستقرار لتلك العائلة لان ربها في العمل هو من يسيطر و تحكم في حياتها ، أكيد مع إحترمات لمراة العاملة وما تفكر فيه ، مع العلم أن المراة العاملة مهمة في المجتمع ولها دور يكلفها أن تفقد وتضحي بالكثير - وكمقولة كانت شائعة أن العسكري يعشوا عايلتوا هو ما يعيشش- أما المراة العاملة ماتعيش هي ماتعيش عائلتها ولهذا لا أحب ان تكون زوجة عاملة – ولا تدفع الثمن زوجة وعائلة رجل أخرى غيري

[imane bela]

hna kayen imam fi boufarik rah yekhteb fi dar 3andhom 2 bnat wahda takhdem w lokhra 9a3da werawlou eli 9a3da 9alhom nn ana hab nedi eli takhdem
c grave wlh elwe9t wela ma yerhamch
mais loukan eji tchoufi yed wahda matsefe9ch lazem elmra w eradjel yet3awnou w ya rebi ila kfaw

[الزبرجد]

جننتونا جننتونا جننتونا

أنا لا أكذبكم لذلك أقول لكم جننتونا

و الله الذي لا إله إلا هو : كل من أعرفهم و هم قرابة الخمسين و هم في سني و هناك من يفوقني سنا و هناك من اقل بقليل و كلهم في سن الزواج

ولا واحد فيهم استطاع أن يجد امرأة خريجة جامعة تقبل المكوث بالبيت

معظمهم بدون زواج ........أما من تزوج فكلهم لم يتزوجو بالجامعيات عدا واحد

[ahlam92]

والله لقد انقلب الزمن منذ 28 سنة تقدم حبيبى لخطبتى امه قالت نحن نقبل بكل شروطكم على ان تقبلو بشرط ابنى و هو التوقف عن العمل لقد كنت مترسمة و خريجة جامعة حتى ان راتبى يفوق راتبه وقتها و لقد تركت العمل اكراما لحبيبى ونحن الان نعيش سعداء مكتفين براتب تقاعده لا نملك الكثير من المال لكننا نلك التفاهم و القناعة والبنين والبنات والحمد لله و مازلت احبه و ساحبه للابد