اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 103

آيات سرمدية · 2015-09-27, 23:03

اختي...ام باسم وبيسااااان...كبري قلبك....راني عرفتك انسانة حنينة....وع قدر من الأخلاق. ..مين قتلك ع التوقيع تاعك....وصلتني روحك الطيبة...

اختي....روضة...جزاك الله خيرا....ربي يجعل قبرك وقبري .....روضة من رياض الجنة...نهار الي ماينفعنا غير عملنا وقولنا....اللهم إنا برحمتك نستغيث....

البقية...الي ماشفتهمش...اسمحوووووولي.....هادا واش قدرت نقرا....ليوم راني مليحة ودرت رقم قياسي....موالفة زوز صفحااااات منزيدش عليهم....ولكن اجوائكم تاع العيد خلاتني نزيييييد باه نشلل عينيا....بصور من كل اسر بلادي الحبيبة....

سلاااااام وفي اماااااان الله .....الى الملتقى.....استغفر الله الذي لا اله الاهو واتوووووووب اليه....

ام أمينة · 2015-09-28, 06:25

السلام عليكم ورحمة الله وبركاته
صباح الخير والنور والسرور يوم سعيد موفق للجميع هيا نوضو لنجي نكب عليكم لماء باررررررررررررررررررررررد

ام أمينة · 2015-09-28, 06:29

آيات سرمدية شكر وتقدير لك على كلامك الطيب أن شاء الله في أعياد الجيا نعيدو في بلدنا الحبيب

ام أمينة · 2015-09-28, 06:33

ام جوجو حسبتك راكي قعدا ونتي صبحتي في سابع نوم
وشراهم ولدك ربي يشفيهم أن بني رهو سدرو دار فيه حل زعمة يشرب في دواء ليوم منديهش يقرأ نخليه يرقد مزالو صغار مساكن
سلامي لي ينوضو من ورايا

lahna moka · 2015-09-28, 07:18

صباح الخيرات حبيباتي الحلوات
اليوم نضت مدقدقة قلت نقعد فالدار ما نخدم ما والو كرهت
أم سهام و روضة تسلمولي يا الغاليات و فرحت كي عجبكم مشروع القرن
آيات سرمدية كواليسك ممممممممم سلمت يداك و عيدكم مبارك سعيد
أم أمينة مبكرة كي العادة صباحك فل و ياسمين

الرجاء الاماني المجد · 2015-09-28, 07:45

صباح الخير ام امينة وايات ولهنا احنا رانا وحدنا ونصبحو مدقدقين وين انت بالحمل ربي يجعلك وقفة ساهلة

أم ياسين الزهراء · 2015-09-28, 07:55

صباح النور على الحلوات
راجعت البارح في الليل من بورتابلي وروعة خاصة بيبروات لهة مت بالغيرة هاتيلي واحد لي ربي يسهلك
ام باسم خير برك واش بيها الحبيبة ماحبوش يحطولك الشواء المشحاحات معليش تسلك ام محمد على خير وتشبعك زرير خير
ايات ماشاء الله عليك راكي فحلى خير مني وكل عيد وانت واهلك بخير لعقوبة للعام الجاي
ام انس معليش حنونة كبري قلبك وماتعيشيش لهدي الوساوس راهو الحمل اللي يديرلك هكى قلبك حنين نعرفك وربي يحفظ الرجال بسلامتهم ويسلكك على خير

بنتي سماح كوزينتك كانت معمرة بالخيرات والاطياب الله يكملك ونفرحو بيك
زهرتي واش راكي وصحى عيدك روحتي ولا مازال

واسمهان وام وابنة وام هبوبة والرجاء وام عبدو وروضة وام امينة اللي ترقد الاخيرة وتنوض الولى كيبنتي اميرة هههههههههههههههه يوم موفق وكل الاخوات
غدايا شربة فريك وخبز الدار ونحبسو شوي من اللحم والله تخمنا والحمد لله

نزنق شوي

ام و ابنة · 2015-09-28, 08:06

السلام عليكن
الحمد لله بنتي نقصت لها الحمى شويا و لكن الصوت وااالو و كيما قال لي الطبيب لازم نعسها خاصة كي ترقد لا تتخنقلي ربي يحفظها بعينه التي لا تنام

اليوم راني في الدار انا و اولادي انا ثاني لاااازم نريح عيييت بزاف و سي السيد راح تفاهم مع اختو و راجلها و اولادها لعشية يجوني و انا و الله عيانة و القاطو خلاصلي رايحة نعمل موسكوتشو سامط شوي لانو راجلها عندو السكر و كذلك هي ما تحبش الحاجة الحلوة بزاف و حقها تع القاطو بعثتهولها و نقولو يزيد يشري من برة كش حاجة الله غالب ما نقدرش و علابالهم اولادي مراض

روضة علاش نزعف من اختي بصح ما تنسايش وليدي راهو يقرا ضرك يعني حبيت و لا كرهت لازم يروح كل يوم للماترنال و طبعا بنتي لازم نديها معايا بصح خلاص الخرجات من و من ضرك نوليو لنظامنا يعني يروح يقرا برك و نجيبو للدار يريح

اختي ايات عندك الحق خلاص راني لحقت لمرحلة الارهااااق ماشي غير التعب و رايحة نحاول نعمل بنصيحتك و نقسم خدمتي بش ما نطيحش لنو فعلا رانا بصحتنا و ما لقيناش اللي يوقف معانا او عالاقل يقدر المعروف و الجميل فمابالك لو تروح الصحة الحمد لله برك انا كي نخدم حاجة ننويها لوجه ربي سبحانو

أم محمد تاج · 2015-09-28, 08:08

صباحوووووو يا اعز رفقة وحبايب
الله يخليكم ليا ام انوووس وآيات وام الجووود وزنووووبة وام ياسووووووو ووووووالقائمة طويلة وعريضة والله بيكم مطلعة المورال ومايش المورال طايح لاسمح الله من والووو حبيباتي راكم مجربين هاذ ليامات تاع الحمل والعد التنازلي عليها نمخمخ هههههه وياخي عمبالكم مخيخي عصافيري ههههههههه
تسلمن على الدعاء حبيباتي وماننساش وقفتكم معايا
ام ياسووو يا اغلى داية نخبرك حتى نص الليالي ههههههههه
حبيباتي غدايا بربووووشة ولله الحمد والمنة
سموووحة سامحيني يالغالية ماحطيت والوووو انا قلت نولد في كوزينتك ونحطلك مريوووووووومة بصح قاتلي مازال الحال هههههههه
نزنق شوي

oum ibrahim · 2015-09-28, 08:08

صباح الورد على الفحلات
الداية المسرارة صح عيدك كل عام و انت بخير
عزيزتي ام صلاح للاسف ماعندي حتى خبر على ام اماني انا تاني تحيرت عليها ان شاء الله يكون خير
تفكرت ام يسرى القاورية و ام افنان الي جات تعيد في البلاد ان شاء الله يكونو بخير

ام الجود بصحتها روزا ان شاء الله تعيشو و تديولها ربي يهنيها يا رب
ايات يعطيك الف عافية على كواليس العيد ماشاء الله تبارك الرحمن
بلا ما ننسى ام منصف الفحلة اممممممممممم على الاطايب تسلم الايادي و الي هبلني اكثر المقروط اذا ممكن الطريقة لاني جربت بزاف وصفات و للاسف فشلت واااااااااع
هذا عشانا البارح لكوت مقليين و فريت و حميس و فواكه و لله الحمد و المنة
بسم الله

اللهم لك الحمد كما ينبغي لجلال وجهك و عظيم سلطانك

oum ibrahim · 2015-09-28, 08:13

ياااااااااااااااي بطبوطتي مازالك تدوري هنا ما تمخمخي ماوالو ارمي حمولك على الله و ان شاء الله مايكون غير الخير
ام و ابنة بالشفاعليك و على وليداتك

أم محمد تاج · 2015-09-28, 08:13

اقتباس:

المشاركة الأصلية كتبت بواسطة ام أمينة

وقيلا كامل رقدتو كي جيت هربتو هربين
والله يا ام تاجو ركي تهربي تسجلي حضورك وتهربي رني علبلي وش راكي ديري تنشي في ذبان خخخخخ ههههههههههه بصحتك

تصبحو على خير ليلة سعيدة سلام عليكم ورحمة الله وبركاته

هههههه يعطيك الربح مصيبة والله ضحكت بالدموووووع واخخخخصصصص من الذبااان اخخخخخخصصصصصص علاش كاشمة بقى هههههههههههههه مصيبة

ام و ابنة · 2015-09-28, 08:14

ام انس فعلا انقطعت الرحمة من القلوب الا من رحم ربي اولادك هوما الصح ربي يبارك لك فيهم و الباقي مايستاهل ش

ام امينة ربي يشفي وليدك ريحيه في الدار و يعطيك الصحة عالكواليس يالفحلة

ساجدة الحمد لله على رجعتك توحشناك و كواليسك رووووعة الله يبارك

المعلمة ج توحشتك وشراهم وليداتك علابالي جوزتي العيد سامط ربي يشفي اهل زوجك

كل وحدة حطت كواليسها نقول لها الف شكر و جزاك الله خيرا فعلا متعت نا و كذلك علمتونا بزاف الله يبارك لكم جميعا

راني نكتب لكم و بنتي راقدة في يدي فاعذروني ما نقدرش نعاود نراج كلش والله راجعت و نسيت

حبيبتي ام جوجو وين راكي ماشي عوايدك

يوم موفق للجميع
الرجاء ربي يعاونك

أم محمد تاج · 2015-09-28, 08:16

الفين مراحب ام برهوووومي حبوووبي الحبيييب والله ليك وحشششة يالغالية ومواحاتي يالكبيدة وسبحان الله وبحمده سبحان الله العظيم
وطيابك مممممم كالعادة يا بطة ولي قاطو شفتهم البارح تححححححفففة تسلمي يالغالية

ام أمينة · 2015-09-28, 08:18

صباح الخير لهنا وشراكي لا بأس والله يعطيك الصحة ركي قريب تولدي وتخدمي كون انا منقدرش ربي يسهلك في لولدة ونفرحو بيك وبنتك بصح وش راح تسميها
الرجاء صباحك فل وياسمين وش صبحتي لاباس وش غداك ليوم
ام ياسين صباح النور بصحتك شربة صح تخمنا من الحم
ام وابنة صباح الخير ربي يشافي ولدك ولدانا كامل