تارتولات القطايف بالكريم باتيسيير و الفواكه رووووعة

oum ibrahim · 2013-07-21, 11:06

بسم الله الرحمن الرحيم
السلام عليكم اخواتي
اليوم جبتلكم طريقة جديدة لتقديم القطايف غير الي متعودين عليها و هي قطايف على شكل تارتولات
المقادير
قطايف
سمن
ماء الزهر
للتزيين
كريم باتيسيير
فواكه
عسل
التحضير
في اناء حلي القطايف و رشيهم بشوية سمن و ماء زهر
في قوالب التارتولات ديري كمية من القطايف وسويها مليح مع الاطراف مع الضغط عليها حتى تاخذ شكل القالب

ديريها في الفرن تطيب حتى تتحمر شوية ماشي بزاف

عسليها بشوية عسل مخفف بماء زهر
نحضر كريم باتيسيير انا استعملت الجاهزة لكن تقدري تخدميها
2حبات بيض
نصف لتر حليب
100غ سكر
2مغارف كبيرة نشاء
فانيليا
في اناء نخفق البيض و السكر و الفاني ثم نضيف النشاء من جهة اخرى نكونو سخنا الحليب على النار نفرغو تدريجيا على خليط البيض مع التحريك حتى ما يطيبش البيض ثم نرجع الخليط فوق النار و نبقى نحرك حتى تثقل الكريمة ننزعها و نخليها تبرد ثم ندخلها الثلاجة
طريقة تحضير الكريمة الجاهزة

تفرغي محتوى الكيس في نصف لتر من الحليب البارد و تزيدي 3 مغارف كبيرة سكر تخلطي ثم فوق النار مع التحريك المستمر حتى تثقل الكريمة ننزعها و نخليها تبرد ثم ندخلها الثلاجة
هذي هنا طيبتها مازال مابردتش

لما نخرجها نخفقها بالباتور و نضيفلها الزبدة او المارقرين و نبقى نخفق حتى تخف و تبيض هكذا نكونو تحصلنا على كريم موسلين
نعمر التارتولات بالكريمة و نزين بالفواكه المتوفرة انا زينتها بالعنب و شرائح من الخوخ و العينة
و هاهي النتيجة النهائية روووعة و الذوق رهيب قرمشة القطايف مع حلاوة العسل والكريمة الناعمة و الفواكه اممممم

و هاذي عن قرب امممممم

نتمنى نكون افدتكم بفكرة جديدة لتقديم القطايف و تجربوها خاصة في هذا الشهر الفضيل
رمضان كريم و كل عام و انتم الى الله اقرب

leila ben · 2013-07-21, 11:08

شكلهم روعة يعطيك الصحة أختي

حياتي نبع امل · 2013-07-21, 11:15

يبانو يهبلو يعطيك الصحة

أنواار الإيماان · 2013-07-21, 11:19

روووووووووووووووووووعة الله يبارك
بارك الله فيك ومشكورة على المجهودات

ladymillion · 2013-07-21, 11:23

روعة يا ام ابراهيم فكرة جديدة عجبتني وحابة غير نذوقهم ههههههه يعطيك الصحة أفدتيني شكراااا

hamida2012 · 2013-07-21, 11:39

و الله فكرة هايلة و اكيد الطعم مممممممممممممممممم يعطيك الصحة

أم ياسين الزهراء · 2013-07-21, 11:49

ماشاء الله على افكارك ياعسل امممممممممممممممممممممم هايلة تستاهل نجربها

sakura be · 2013-07-21, 12:07

امممممممممممممممممممممممممممممممممممم والله تشهي يعطيك الصحة يا ام ابراهيم راكي شبعتينا باطباقك المميزة والسهلة ركزيلي على السهلة ربي يجازيك بالخير وربي يدومها نعمة وربي يرزقك من حيث لاتحتسبين سلام

حقا ابعتيلي سهمي ياك:d:d:d:d:d:d