~ ~ ~الجزء 124 من واش طيبتي ليوم : ابداع ، نشاط ، حيوية ~ ~ ~

[wahibaazel]

سطيف مليئة بالمناطق الطبيعية الرائعة ،لكن ما يؤسفني بشدة هو الفاظ الناس هنا فكلها بذيئة الا من رحم ربي ،وخاصة سب الذات الالهية والله قلبي يكاد ينفطر .كما يقال عن الشيخ الابراهيمي (لست متأكدة من المقولة لكنها تنطبق على المجتمع السطايفي ):بلدة طيبة وشعب كفور .
السطايفيات انا ثاني سطايفية ما تزعفوش ،لكن هذا هو الواقع .

[زينب 83]

المشاركة الأصلية كتبت بواسطة اسمهان79

حبيبتي ربي يرجعولك بالسلامة وبخير وعلى خير
انا راني نعد في الايام وقتا يرجع نهار الجمعة ان شاء الله يرجع يجي على العاصمة اااااااه يا الجمعة واش راكي بعيدة

ههههههههه اسمهان راك قريب تقولي الشعر ، روميو و جولييت ، انا زوجي يقعد 6 ايام و يجي ان شاء الله راح لقطر و مباعد مكة المكرمة

[زينب 83]

المشاركة الأصلية كتبت بواسطة wahibaazel

سطيف مليئة بالمناطق الطبيعية الرائعة ،لكن ما يؤسفني بشدة هو الفاظ الناس هنا فكلها بذيئة الا من رحم ربي ،وخاصة سب الذات الالهية والله قلبي يكاد ينفطر .كما يقال عن الشيخ الابراهيمي (لست متأكدة من المقولة لكنها تنطبق على المجتمع السطايفي ):بلدة طيبة وشعب كفور .
السطايفيات انا ثاني سطايفية ما تزعفوش ،لكن هذا هو الواقع .

وهيبة حنا الحمد لله في العلمة رحمة ربي يا اختي ماعدى بعض الاستثناءات

[ريتاج تيارتية]

السلام عليكم صح عشاكم المنتدى ماجا يتحلي بالعذاااب
ليزابيل حبيبتي واش راكي توحشتك وربي يحفظك ويخليك وربي يكون في عونك حبيبتي
زينب ماشاء الله مناظر روووووووعة حطيتيها الله يبارك
وهيبة ماشاء الله منظر هاايل انا امنيتي نزور سطيف الله يبارك مناطقها هايلة وبلادنا قاع شابة ربي يحفظهالنا

[ريتاج تيارتية]

ياختي وهيبة في كل بلاصة تلقاي الناس الشينة والزينة وين ماتروحي ربي يهديهم

[wahibaazel]

ان شاء الله تزوريها اختي ريتاج في اقرب وقت ،علبالي اختي وين نروحو نلقاو الشين والمليح ،لكن هذه الظاهرة اصبحت منتشرة بكثرة يعني وانت تمشي تسمعي الصغير والكبير والبنات والنساء ،الله المستعان

[wahibaazel]

المشاركة الأصلية كتبت بواسطة زينب 83

وهيبة حنا الحمد لله في العلمة رحمة ربي يا اختي ماعدى بعض الاستثناءات

زينب ،الحمد لله ،ما علاباليش كون جيت سكنت في العلمة ،لكن فيما مضى اخوة زوجي كان عندهم ديبو في مدينة بازر سكرة ما هيش بعيدة على العلمة وكنت حابة نسكن فيها .عجبتني بزاف هادئة والناس ماشاء الله وتقدري تربي فيها اولادك .قدر الله وماشاء فعل .

[اسمهان79]

المشاركة الأصلية كتبت بواسطة wahibaazel

سطيف مليئة بالمناطق الطبيعية الرائعة ،لكن ما يؤسفني بشدة هو الفاظ الناس هنا فكلها بذيئة الا من رحم ربي ،وخاصة سب الذات الالهية والله قلبي يكاد ينفطر .كما يقال عن الشيخ الابراهيمي (لست متأكدة من المقولة لكنها تنطبق على المجتمع السطايفي ):بلدة طيبة وشعب كفور .
السطايفيات انا ثاني سطايفية ما تزعفوش ،لكن هذا هو الواقع .

والله كثر السب والشتم والكلام البذيئ ما فهمناش علاه رغم التطور وكثرة القنوات الدينية الناس زادت جهلت

[ريتاج تيارتية]

ان شاء الله حبيبتي وهيبة ربي يحفظك واه كيما قلتي الوقت هدا يالطيف الله يهديهم
حقا زينب حبيبتي ربي يرجعلك الزوج بخير وعلى خير

[chez biba]

السلام عليكم ورحمة الله وبركاته
مساء الخيرات عليكم
زينوبة صديقتي وحبيبة قلبي الف مبروك الكوزينة ربي يجعلها عتبة خير عليك وعلينا ويعطيك الصحة على كل واش تقدميه للمنتدى، أفكارك ومبادراته دايما مميزة ربي يحفظك ان شاء الله ويوصل زوجك على خير ويرجع سالم غانم
حبيت نتقاسم معاكم فرحتي اليوم اختي ولدت والحمد لله ، لعقوبة لكل الحوامل ربي يعطيهم وقفة ساهلة ولكل محرومة ربي يرزقها ان شاء الله

زينوبة اسمحيلي الباروك ذرك نجيب لك انتي وحباباتي الزرير والقاطوات اللي درناهم
ليلة سعيدة

[زينب 83]

بيبا الف مبروك الحمد لله على سلامتها من الصباح و انا نخمم فيها و ماقدرتش ندخل للفيس نسقسيك ، الحمد لله

[اسمهان79]

المشاركة الأصلية كتبت بواسطة زينب 83

ههههههههه اسمهان راك قريب تقولي الشعر ، روميو و جولييت ، انا زوجي يقعد 6 ايام و يجي ان شاء الله راح لقطر و مباعد مكة المكرمة

هههههههههه قوليها وعاوديها راني قلت لروميو وجوليات اقعدو هنا
انا محبوبي راهو في دبي والمصيبة كي يرجع 15يوم ويزيد يروح لفرنسا باه يحكم الرونديفو لبنتي الوسطانية باه نزيد نعمللها العملية للمرة
الثالثة في فرنساادعيولها بالشفاء راهي مريضة بذراعها كي زيدت بيها جبدهالي من ذراعها ملصوه دارت اول عملية نجحت 80بالمئة وثاني عملية نحاولها البروش وذك زاد ذراعها تعوج شوية راهو في عمرها 9سنين والله كي نشوفها يطيح مني النص ورغم هاذا نحمد ربي ونشكرو كي نشوف حالات اخرين نقول هي خير الف مرة آسفت خرجت على الموضوع ما نيش عارفة كيفاه حكيت سامحوني برك

[ريتاج تيارتية]

شي بيبا الف مبرووووك لختك الحمد لله اللي سلكت بخير يتربة ولا تتربى في عزهم
اسمهان ربي يشافيلك بنتك وربي يكون في العون

[أم هبوبة]

المشاركة الأصلية كتبت بواسطة دائمة الشكر

ام هبوبة وأم ياسين ههههه ماشي انا ام وسيم تاع الكوزينة هناههههههه

دائمة الشكر تعرفي ام وسيم قاع ما قريتهاش شفت غير دائمة الشكر و الژيادة
الف مبروك لام وسيم

[زينب 83]

ريتاج شكرًا حبوبة