دخول اهل الزوج بيتي في غيابي

[أم مبين]

ادا كامو دايما يزوروك عادي لكن ادا كانو مايجوش بزاف هدا امر غير مقبول

[loubna2]

انا ضد الفكرة
لاحترام الخصوصية
كاين عباد يتقون الله يعني نيتهم سليمة حتى ولو رأوا ما يفشيوش اسرار البيوت يعني ميخرجوجش عيوبك وبلاك نيتهم سليمة يعاونوك ويهتموا بابنهم في غيابك
وكاين يلعبوها برك باش يتجسسوا ويحكوا في اعراض الناس

بصح انا ضد الفكرة نهائيا من باب احترام الخصوصية

[hajibah]

المشاركة الأصلية كتبت بواسطة رمزي

رأيت الكثير من الردود فيها وجهات نظر مختلفة لكن رأيت تعليقا واحدا في آداب الاستئذان الشرعية لكن ليتها أكملته ...
الأصل أن المسألة هذه فيها أمرين رئيسين الأول هو البر الوالدين وا طاعة الزوج لزوجته وعدم إيذاء أهله، والثاني آداب الدخول على البيوت.
في الإسلام هناك الجواب وليس الأمر عواطف هناك نظام وضعه الشرع...
وبما أن بر الوالدين لا يمنع أن يقوم الزوج بوضع ضوابط لأهل والديه في الدخول والخروج على بيته -لأن هذا حق شرعي؛ ولأن البيت الزوجية من حقه ولا يجوز لهم الدخول إلا بإذنه ورضاه في كل ما يقع، وأيضا من حق زوجته أن لا يشاركها في خصوصية أغراضها وتنظيفها غيرها؛ لكن بشرط أن تكون معاملتها حسنة وأن لا تكون هناك مفسدة ودعوة للتفرقة بين الرجل وأهله.
طاعة الزوجة لزوجها واجبة، والإحسان إلى أهله أمر مستحب ، ولا يجوز لها أن تسيء الظن بهم ، لكن إذا أغلقت غرفتها الخاصة وطلبت من زوجها أن يخبرهم بأن الحجرة لا يمكن لهم - من باب الاحترام وعدم التدخل في الخصوصية ولأن هذا منهي عنه شرعا- أن لا يدخلوها قوله تعالى"فإن لم تجدوا فيها أحدا فلا تدخلوها حتى يؤذن لكم " ولقوله تعالى:" وإن قيل لكم ارجعوا فارجعوا" أي إذا لم يسمح صاحب البيت بالدخول عليه حتى لو كان أبوك أو أمك أو قريبك ، لسبب أو حرج أو أي شيء، فلا تتردد عليه، مابالك بأن تدخل إلى غرفة النوم و تلمس الأغراض وتطلع على العيوب والمحاسن فهذا لا يجوز أ مهما كان الداعي لأنه خرق لآداب الاستئذان، وتدخل في ما لا يعني. وقال ابن مسعود: عليكم الإذن على أمهاتكم، مابالك بالغير والله أعلم.
أما عن بر الوالدين فتنظيم البيت ليس من عقوق الوالدين في شيء شرط أن لا تكون الزوجة طرفا في النزاع بل تترك الأمر للزوج بالحكمة والموعظة الحسن حتى يفرج الله عنهم.
والأولى للزوج أن يتدرج في إفهامهم وبحكمة ويستعين بالله في ذلك ويكون هناك حل إن شاء الله...

لا فض فوك يا اخي و سلمت يمناك

[LUDIVINE]

والله أنا من رأي، أنه ليس من الضروري أن يدخل أحد إلى بيتك، و إذا كان بحجة مساعدتك في التنظيف فلتتعاونوا جميعا على ذلك، هكذا ما يكون حرج على حتى واحد ..

[mounia 85]

يا اختي رانا في الهوا سوا
انا بداري وحدي بصح بحداهم ونغيب على داري بالشهرين بسبة خدمة راجلي وهو ملزمني نخليلهم المفاتح بحجة يفتحوها تتهاوا او تحسبا لاي طارئ
فاللول كنت مخلية المفاتح كامل مام تاع لا شومبر المهم اكتشفت عن طريق زوجي انو ختو تجي تتفرج في بيتي مع انو دارهم عندهم زوج تلفزيونات ماقلناش ...كوزينتي يدخلو يديولي المواعن وحتى الفور يديوه يطيبوا بيه بلا ما نسمع ماعليش ...المواد الغدائية او الريفيتايما يديوها ماعليش ..حتى الكويزينيار ديفوا نجي نلقاها مطرشة بالزيت والحليب والقهوة حتى انو مرة جيت للدار لقيت زوج بلاطوات تاعي مطليين بالدم والشحم والله العظيم هدا بعد العيد لكبير يمكن كي قصوا اللحم حطوا فيهم ومنبعد ردوهم بلا ما يغسلوهم علاه المنكر هدا ومرة سلفي متزوج دار مشكل كبييييييييير ولات تحوس عليه الدولة خباوه في داري اكثر من 20 يوم بلا مايخبروا راجلي حتان فراو المشكل باه هدرولوا وزادو جابولو مرتو وولادو معاه تما تخباو حتى تنسات الحكاية ....
اففففف حتى نهار دخلي الفار للدار وللشومبرة خاصة باسكو يضلوا فاتحينها المهم ماخلى ما يدير هاداك الفار في حوايجي بالخماج درت السبة بيه و وليت نقفلها ومانخليلهمش المفتاح تاع الشومبرة بصح لحد الان مازلت نخليلهم مفتاح الدار يعني الصالون والكوزينة داخلين خارجين عليهم والادهى والامر اننا متنايفين مند عام ونص مانروح عندهم ما يجيو عندي بصح كي نعود مكانش يدخلوا لداري نورمال ويديو لحوايج عادي وصادف مرة اننا كنا في دارنا وهوما غابوا ليلة برك والله ماخلاو المفتاح لراجلي تحسبا لاي طارئ كيما رانا مخليين المفاتح حنا يعني حتى بنهم ما همش دايرين فيه الثقة
واخر مرة لقيتهم داولي البالي والفروطوار والكراسى تاع النيلو والطاجين بلا مشورة حتى ولدهم
وهادي كامل ما يهدروش معايا
قوليلي واش رايك؟؟

[fati 47]

المشاركة الأصلية كتبت بواسطة mounia 85

يا اختي رانا في الهوا سوا
انا بداري وحدي بصح بحداهم ونغيب على داري بالشهرين بسبة خدمة راجلي وهو ملزمني نخليلهم المفاتح بحجة يفتحوها تتهاوا او تحسبا لاي طارئ
فاللول كنت مخلية المفاتح كامل مام تاع لا شومبر المهم اكتشفت عن طريق زوجي انو ختو تجي تتفرج في بيتي مع انو دارهم عندهم زوج تلفزيونات ماقلناش ...كوزينتي يدخلو يديولي المواعن وحتى الفور يديوه يطيبوا بيه بلا ما نسمع ماعليش ...المواد الغدائية او الريفيتايما يديوها ماعليش ..حتى الكويزينيار ديفوا نجي نلقاها مطرشة بالزيت والحليب والقهوة حتى انو مرة جيت للدار لقيت زوج بلاطوات تاعي مطليين بالدم والشحم والله العظيم هدا بعد العيد لكبير يمكن كي قصوا اللحم حطوا فيهم ومنبعد ردوهم بلا ما يغسلوهم علاه المنكر هدا ومرة سلفي متزوج دار مشكل كبييييييييير ولات تحوس عليه الدولة خباوه في داري اكثر من 20 يوم بلا مايخبروا راجلي حتان فراو المشكل باه هدرولوا وزادو جابولو مرتو وولادو معاه تما تخباو حتى تنسات الحكاية ....
اففففف حتى نهار دخلي الفار للدار وللشومبرة خاصة باسكو يضلوا فاتحينها المهم ماخلى ما يدير هاداك الفار في حوايجي بالخماج درت السبة بيه و وليت نقفلها ومانخليلهمش المفتاح تاع الشومبرة بصح لحد الان مازلت نخليلهم مفتاح الدار يعني الصالون والكوزينة داخلين خارجين عليهم والادهى والامر اننا متنايفين مند عام ونص مانروح عندهم ما يجيو عندي بصح كي نعود مكانش يدخلوا لداري نورمال ويديو لحوايج عادي وصادف مرة اننا كنا في دارنا وهوما غابوا ليلة برك والله ماخلاو المفتاح لراجلي تحسبا لاي طارئ كيما رانا مخليين المفاتح حنا يعني حتى بنهم ما همش دايرين فيه الثقة
واخر مرة لقيتهم داولي البالي والفروطوار والكراسى تاع النيلو والطاجين بلا مشورة حتى ولدهم
وهادي كامل ما يهدروش معايا
قوليلي واش رايك؟؟

نفس الحالة عايشتها اختي والله كرهوها في دارها
حتى لبستها تلقاهم لبسوها وراها وهي كانت نية خلات ذهبها مرة سرقولها سلسلة

[fafajomana]

تصرف غير لائق تماما ادا احبوه لبناتهم هادا شئ اخر

[m.bada]

مرات نقول مهما كنا ملاح نجد اهل الزوج يتفننوا ويبدعوا باشياء لا يمكن تخطر على بالك، لو كانت النية سليمة علاه يجو موراك وعلاه ينظفولك انت متعرفيش، ربي معاك ولازم ديري حرمة لنفسك وبيت باش يديروهالك الناس

[نسيبة2012]

انا هذي الامور تقلقني بزاف عدم احترام الخصوصية .......هذي مش عقلية (ان لم تستح فافعل ما شئت) وزيد اللي ما يديرش لروحو قدر وحدود ما راحش تديرهالو الناس..

[houda_jijel]

السلا م عليكم انا و الله العظيم كون في بلاصتك نفرح خاصة ادا كانت علاقتك معهم عادية او طيبة
علاقتك هي التي تحدد الجواب على سؤالك

[لحن الحياة.]

كون انا تدخل وجدة في غيابي نطرطقلها عينيها لاني مادبة يااااااااااااااااسر من ناحية دخول بيوت الناس جامي نخطي دارنا او نروح لديار الناس لا عمة لا خالة لا اختي رغم انها الوحيدة لا خويا لا والو

[Seif La Fiesta]

لا حق لهم تمام في ذلك لاه ينظفوا نتي ماتعرفيش ولا كيفاه ؟؟

انا حسب رايي مشي من حقهم إطلاقا

[(( هبة الرحمن ))]

السلام عليكم

أختي المشكل غير واضح حتى نشاركك الموضوع بمصداقية

هل تفصدين أنك تعيشين معهم في بت واحد ؟؟؟ إذا كان نعم : في حال أنك تذهبين لزيارة أهلك وتبقين هناك أكثر من أسبوع - لا يمكن لزوجك أن ينام وسط الغبار والأوساخ - فهذا شيء يُحسب لأهل الزوج وليس ضدهم ووجب تقديم الشكر .
أعتقد أن الأمر راجع لبقائك مدة طويلة بعيدة عن البيت ...
وهناك أمر آخر أختي - بعض العائلات لا يقصدون إذاية زوجة الإبن بل يعملون ذلك بحسن نية ..لذلك لا يحق لبعض الأعضاء التشكيك وسوء الظن بأناس لا نعرف نواياهم الحقيقة ....
لو أنا مكانك نرتب أموري ( أقصد أموري الخاصة أضعها في مكان بعيد على العين ) وينظفوا الدار كيما يحبو على العكس نزيد نشيرلهم هدايا ....
يا أختي راكي أميرة شكون كيفك .....مادام ذلك لا يؤثر على علاقتك يالزوج ...

[*ام بثينة*]

نهدر على روحي
انا منقبل حتى واحد يدخل لداري في غيابي ههههه لا يما لا اختي لا يماه لا ختو
داري مملكتي لي حب يدخل حتى يستاذن مني و يددق علي الباب و اللي مربي حتى يلقى الباب مشرع ميدخلش حتى يستاذن
كيما انا مندخلش لدار حتى واحد حتى ياذنلي

هاذي انا عاملة هكذا و كل واحد و تربيتو

[meridjihamada]

اللهم زدنا علما