دخول اهل الزوج بيتي في غيابي

[Basketteuse]

يا اختي ، صراحة حيرتيني ! ما هذا الحب الكبير اللي خلاهم يجيو ينظفولك الدار وانت غايبة؟!!!!! وزيد يلمسولك امورك الخاصة ! ٠؟وزيد عندهم مفتاح دارك؟!!!!!!!!
ماقلتيلناش علاقتك معاهم كيفاش؟ ك حل ماعندك ماتديري مادام راجلك موافق، اصبري والجئي الى الله ، وداومي على أدعية الصباح والمساء
وقولي دائما بِسْم الله الذي لا يضر مع اسمه شيء في الارض ولا في السماء وهو السميع العليم

[بنت فاميليا]

وماذا عن اهلك أنت لو دخلوا بيتك بحجة التنظيف في غياااااااااااااابك ؟؟؟؟؟؟؟؟؟؟؟؟ أتمنى أن تجيبي على هذا السؤال

[staifia]

يااختي عندك الحق مش عقلية يدخلوا بيتك في غيابك هادي مش تربيةغرفتك خاصة بيك والمفروض مايدخلوش ويفتشوا في اغراضك. الخاصة

واللي راهم يقولوا نورمال علاش ماتكونوش واقعيين. علاش تقبلوها على روحكم ??? والله ماتقبلوها

[ام نهوله]

المشاركة الأصلية كتبت بواسطة بنت فاميليا

وماذا عن اهلك أنت لو دخلوا بيتك بحجة التنظيف في غياااااااااااااابك ؟؟؟؟؟؟؟؟؟؟؟؟ أتمنى أن تجيبي على هذا السؤال

انا مع سؤال الاخت ليس بدافع الاستفزاز و لكن جوابك على هذا السؤال مهم بالنسبة لك كما نود ان نعرف كيف هي علاقتك معهم لان الامر ليس مفهوم تماما هناك امر غائب لا ادري ما هو
اما حبيبتي السطايفية فوالله لم انصح ابدا بامر انا لست فاعلته فانا اخرج و اترك كل ابوابي مفتوحة بما فيها خزانتي و كل مجوهراتي و مال زوجي و لم احس يوما بالخوف او الاحراج لانني اثق فيهم ثقة عمياء لكن عائلة عن عائلة تختلف طبعا

[بنت فاميليا]

المشاركة الأصلية كتبت بواسطة staifia

يااختي عندك الحق مش عقلية يدخلوا بيتك في غيابك هادي مش تربيةغرفتك خاصة بيك والمفروض مايدخلوش ويفتشوا في اغراضك. الخاصة

واللي راهم يقولوا نورمال علاش ماتكونوش واقعيين. علاش تقبلوها على روحكم ??? والله ماتقبلوها

يا اختي السطايفية واش من حق راكي تهدري عليه ..........العائلات يختلفو
نسألك لو كنت في بيت أهل زوجك ولما يخرجو يغلقو جميع أبواب الغرف عليك ما عدا الحمام تزعفي ولا واش تديري وأكيد رايحة تحسي بلي ماكانش ثقة منهم فيك وتكبري الحالة ووووو
أما لما ديرها الزوجة فنورماااااااااااال عادي ....يا بنتي كيفاش راكم تحكمو
عندي زوجة أخي وهي ما شي زوجة أخ بل أخت بسبب تصرفاتها لي سحرتنا بيها وخلاتنا نحبوها فوق اللازم ماشاء الله تبارك الله عليها
ومن بينها هاذ الأمر علاش دايمن تبداو بالحيلة وتقراو النقص في أهل الزوج الأصل هي المعاملة بحسن النية والإستثناء هو التحرز
نكون معاك إذا كانو ما عندهمش حدود ويتعداو ووووو

[*سيرين نور عيني *]

شوفي حنونة انا لوكان منك نغلق داري و مانخلي حتى واحد يدخل انا هكدا ندير
المفتاح غير انا و راجلي لي عندنا و كي مانكونوش ف الدار نغلقو و نروحو
و كيفاش هادا يسقمو حوايج راجلك?? و يدخلو للشومبرة ديالك
لالا يا حنونة ماتديريش لامان اغلقي بابك و لا ماقدرتيش ديري اغراضك و اغراض زوجك الخاصة ف الغرفة و اغلقي عليها بالمفتاح و خليلهم الدار
هدا اذا ماحبش راجلك تقفلي كامل الدار هادا حقك و ماتسمعيش لي يقولك نورمال
مالا علاش دارلك دارك وحدك??
كل واحد يديرها في روحو و يشوف

[روح مراد]

أنا عندي بيت مستقل و لكن في نفس البيت الكبير طابق لوحدي العجوزة عندها المفتاح
أنا نغلق باب بيتي ديما و نخليلها الدار تدخل كيما تحب ، طيب، تاكل ، دوش .... حرة و عائلتها كامل يدخلو لداري في غيابي و في حضوري واحد ما يجي و لكن أنا نغلق بيتي و الباقي و الله ما ندخل روحي صح ماشي مليح خاصة الوحدة كي تكون خدامة و تخرج صباح، مرات راجلي يخلي حوايجو في صالدوبان أو الصالون، و مرات نخلي الكوزينة ماشي ممسوحة ... و لكن الله غالب ما نقدرش نمنعها من الدخول

[mariamalak]

انا انصحك اديري حل وسط
كى تشوفى روحك خارجة خملى الحوايج الخصوصية و اقفلى عليها فى شمبرتك .و خليلهم الدار
ادا حبو يعاونوك يسبقو و يخملوا و يطبقوا الحوايج و يخلوهم فى السلة كى تجى نتى تتكلفى بشمبرتك
اقنعى راجلك و هوما كى يصيبوها مغلوقة يفهمو
ربي يهنيك اختى و حاولى ما تخسريهمش راه فيهم الخير كى يعاونوك

[مريم سلمى الجزائرية]

السلام عليكم و رحمته تعالى و بركاته:
أختي الغالية: لا شك أن البيوت أسرار و أن ديننا يحثنا على الإستئذان حفاظا على الزائر و صاحب البيت أيا كانا فلم الاختلاف في الرأي إذن .ما إن يفهم كل منا ما له و ما عليه حسب الشرع تتم الإجابة عن كل سؤال.
ثم أرجو أن تجيبيني على هذا السؤال: هل يسمحون لك بأن تدخلي غرفهم و ترتبي خزائنهم و أمورهم الشخصية؟ فإن كانت إجابتك لا فأرى أن تعاملهم غير عادل .
و كخلاصة أرى أنه بيتك مع زوجك و أن غرفة النوم خاصة بك و بزوجك فقط فلم يدخلونها أصلا و أنت غير موجودة ولم زياراتهم و أصحاب البيت غير موجودين خاصة إن كان الأمر دون استئذان.
مثل هذه الأمور تفتح باب المشاكل ،فحين يصبح تنازل أحدهم احتراما لغيره حقا مكتسبا لأناس قد لا يفهمون معنى أن يبالغ أحدهم في احترامهم فيطلعهم على خصوصياته،تنقلب المفاهيم حينئذ.
ناقشي الموضوع بهدوء مع زوجك و ليكن قراركما مشتركا و ليطبق عل أهليكما بعدل.
اللهم إن أصبت فمنك وحدك لا شريك لك و إن أخطأت فمن نفسي و الشيطان فاغفر ذنبي و تجاوز عن خطاياي.

[staifia]

المشاركة الأصلية كتبت بواسطة ام نهوله

انا مع سؤال الاخت ليس بدافع الاستفزاز و لكن جوابك على هذا السؤال مهم بالنسبة لك كما نود ان نعرف كيف هي علاقتك معهم لان الامر ليس مفهوم تماما هناك امر غائب لا ادري ما هو
اما حبيبتي السطايفية فوالله لم انصح ابدا بامر انا لست فاعلته فانا اخرج و اترك كل ابوابي مفتوحة بما فيها خزانتي و كل مجوهراتي و مال زوجي و لم احس يوما بالخوف او الاحراج لانني اثق فيهم ثقة عمياء لكن عائلة عن عائلة تختلف طبعا

المشاركة الأصلية كتبت بواسطة بنت فاميليا

يا اختي السطايفية واش من حق راكي تهدري عليه ..........العائلات يختلفو
نسألك لو كنت في بيت أهل زوجك ولما يخرجو يغلقو جميع أبواب الغرف عليك ما عدا الحمام تزعفي ولا واش تديري وأكيد رايحة تحسي بلي ماكانش ثقة منهم فيك وتكبري الحالة ووووو
أما لما ديرها الزوجة فنورماااااااااااال عادي ....يا بنتي كيفاش راكم تحكمو
عندي زوجة أخي وهي ما شي زوجة أخ بل أخت بسبب تصرفاتها لي سحرتنا بيها وخلاتنا نحبوها فوق اللازم ماشاء الله تبارك الله عليها
ومن بينها هاذ الأمر علاش دايمن تبداو بالحيلة وتقراو النقص في أهل الزوج الأصل هي المعاملة بحسن النية والإستثناء هو التحرز
نكون معاك إذا كانو ما عندهمش حدود ويتعداو ووووو

سلام
يا ام نهولة و بنت فاميليا
هي راهي تقول يفتشو في اغراضي الخاصة هذا شي معقول ؟؟؟ احنا كبنات انتي او انا او وحدة اخرى حتى ومش متزوجات وفي دارنا يعني دار اهلنا
لوكان يفتشو في اغراضك الخاصة تتقلقي فما بالك في بيت اهل زوجك وهي راهي تقول بيت مستقل يعني حتى في غيابها تقدر تسكر باب غرفتها وتخلي الغرف الاخرين مفتوحين ،،، كي يكونو ناس متفهمين و واعيين ما يفتشوش في اغراضها مافيها والو لكن اذا العكس هادي مش عقلية يا ختي
كاين ناس من ناس وعلى حساب العقلية ،،
ترضاي انتي يفتشو خزانتك ؟؟ يشوفو وش كاين كامل ؟؟ او ربما حتى يقدروا يدو كاش حوايج او يديرولك كاش حاجة مش مليحة
رانا شفنا بزاف المليح واللي مش مليح والله وحدة نعرفها غير كانت تخلي غرفتها مفتوحة كي تروح عند اهلها وكي ترجع تلقا حوايجها مكانش وناقصين
كيفاش في هاذي الحالة ماتسكريش بابك ؟؟؟
لكن اذا يقولها راجلها خليه مفتوح ماعندها مادير ، وكي تروح عند اهلها تدي ذهبها ودراهمها وحواجها وخلاص
نتمنى تكونوا فهمتوني
انا عن النية و النقص لالا مش هكا نهار تعيش مع اهل الزوج تعرفي العقلية ،، اذا ملاح هكداك خير وادا مش ملاح لازملهم حدووود

[ماريـام]

هل وجدتي اشياء مفقودة ؟؟ هل وجدتي ماء مكبوب على السجاد رائحة غريبة او ملابس مقطعة اي شئ فيه ريبة ؟

المرة الجاية متقوليش انك مسافرة و خلي اختك او امك او واحد من عائلتك في البيت بأي حجة مثلا اذا عندك اخوة يدرسو قولي انهم حابين الكالم و جاي لداري

او قوليلهم مسافرة و متسافريش و عسيهم كي يجو اذا راح ينقو صح الدار او شئ اخر

ربي معاك اختي اما زوجك مغلوب على امره راهو مبين اهلو و زوجته انا صراحة زوجي يقولي افريها انتي معاهم نهار يصراو خيلافات و هو يجبد روحو ,,,

[ام نهوله]

اما عن تفتيش اغراضي فهذا امر خاطئ بالتاكيد و انا و الله لم انتبه انها ذكرت هذا الشيئ لكن هل هي متاكدة انهم يفتشون ام انها مجرد شكوك ان كانت متاكدة فلا حرج ان تغلق باب غرفتها الخاصة التي تحتفظ بها على اغراضها الخاصة لكن لماذا الزوج في هذه الحالة لم يتحرك ساكنا لان امر التفتيش حتى هو كرجل و كابنهم المفروض لا يرضى بمثل هذه التصرفات لانه اكيد توجد اشياء تخصه هو و زوجته فقط
لا ادري مازلت احس ان هذه القصة ناقصة الجوانب و الله اعلم

[ياربي اني راضية]

يااختي ماعندي مانقلك الناس عقليات انا نخلي الشنبرة مفتوحة ونروح لدارنا عجوزتي تفتح الخزانة باش تفتش فيها وانا علبالي بلا تدخل لواحد انهار قالتلي مدي هداك الكادو وانا مخبياتوا من الفوق وحتى انا نسيتوا وهي بيها التفتاش عنها تعرف كل وتش كاين ومرة سلفتي غلقت الشونبرة صرا فيها الباطل الله يهدي ماعندي مانقول

[sarl02]

والله راني مخلوع في ردود جل النساء في هذا الموضوع ..واتمنى من الله ان لا تكون زوجتي المستقبلية بهذا التفكير وهاته النزعة لاني ربما سارتكب جريمة في حقها في وقتها....يعني الراجل هذا القيتوه فالطريق او اشريتوه مالسوبر مرشي ...يعني القيتي الراجل هذا مقطوع من شجرة بلا والديه او عائلته ..لماذا هاته النظرة الدونية والقبلية اتجاه اهل الزوج اتقبليها على والداك واهلك من زوجة اخاك يا انثى اخر الزمان ؟؟؟....وحدة نغلق بالمفتاح ووحدة ما نقبلهمش عندي والله جياحة كبيرة ...امزية ربي كثر منكم في هذا الزمان وحلل الاربعة بدل الواحدة لحكمة منه بويسك عارفكم بلي ناقصين وقليل الي اعقلها وقلبها يصلح ....هذا عليك يا مولات الموضوع ..انت امغبرة وفي حالة والناس هذو انقو ويتحفو فيك وزيد موش عاجبك الحال ...لا حول ولا قوة الا بالله.

[رمزي]

رأيت الكثير من الردود فيها وجهات نظر مختلفة لكن رأيت تعليقا واحدا في آداب الاستئذان الشرعية لكن ليتها أكملته ...
الأصل أن المسألة هذه فيها أمرين رئيسين الأول هو البر الوالدين وا طاعة الزوج لزوجته وعدم إيذاء أهله، والثاني آداب الدخول على البيوت.
في الإسلام هناك الجواب وليس الأمر عواطف هناك نظام وضعه الشرع...
وبما أن بر الوالدين لا يمنع أن يقوم الزوج بوضع ضوابط لأهل والديه في الدخول والخروج على بيته -لأن هذا حق شرعي؛ ولأن البيت الزوجية من حقه ولا يجوز لهم الدخول إلا بإذنه ورضاه في كل ما يقع، وأيضا من حق زوجته أن لا يشاركها في خصوصية أغراضها وتنظيفها غيرها؛ لكن بشرط أن تكون معاملتها حسنة وأن لا تكون هناك مفسدة ودعوة للتفرقة بين الرجل وأهله.
طاعة الزوجة لزوجها واجبة، والإحسان إلى أهله أمر مستحب ، ولا يجوز لها أن تسيء الظن بهم ، لكن إذا أغلقت غرفتها الخاصة وطلبت من زوجها أن يخبرهم بأن الحجرة لا يمكن لهم - من باب الاحترام وعدم التدخل في الخصوصية ولأن هذا منهي عنه شرعا- أن لا يدخلوها قوله تعالى"فإن لم تجدوا فيها أحدا فلا تدخلوها حتى يؤذن لكم " ولقوله تعالى:" وإن قيل لكم ارجعوا فارجعوا" أي إذا لم يسمح صاحب البيت بالدخول عليه حتى لو كان أبوك أو أمك أو قريبك ، لسبب أو حرج أو أي شيء، فلا تتردد عليه، مابالك بأن تدخل إلى غرفة النوم و تلمس الأغراض وتطلع على العيوب والمحاسن فهذا لا يجوز أ مهما كان الداعي لأنه خرق لآداب الاستئذان، وتدخل في ما لا يعني. وقال ابن مسعود: عليكم الإذن على أمهاتكم، مابالك بالغير والله أعلم.
أما عن بر الوالدين فتنظيم البيت ليس من عقوق الوالدين في شيء شرط أن لا تكون الزوجة طرفا في النزاع بل تترك الأمر للزوج بالحكمة والموعظة الحسن حتى يفرج الله عنهم.
والأولى للزوج أن يتدرج في إفهامهم وبحكمة ويستعين بالله في ذلك ويكون هناك حل إن شاء الله...