تشابك الايادي بين الزوج وزوجته

[farid_2004]

الذبح اقل شيء للهذه الزوجة ماتقلوليش همجية

[" أبو عبود"]

عندما كنت متزوجا كنت زوجتي تمسك بذراعي croche bras وكنت أول من فعلها في مجتمعنا المحافظ ولم انتبه لذلك إلى أن التقيت يوما بوالدي حفظه الله صراحة لقد شعرت باحراج لكني لم انتفض بل واصلت رغم ما انتابني من خجل. وبعدا لاحظن أنها اصبحت موضة لبعض المتزوجين الجدد. في حين أرى البعض يفضل أن يمشي أمام زوجته على بعد متر او أكثر.

[النجمة القطبية]

عادية جداااا هاذى
طبعا يمسك الزوج زوجته والا واش يطلقها للريح تمشي وحدها المخلوقة
يد فيها زوجته ويد اولاده عندكم مشكلة فيها هاذى
اما عن مشاعر الزوج طبعا سيكون في منتهى السعادة لا يهم ان يصدق الاخرون المهم هو وحبيبته
فكرتونى مرة كنت امسك يد ابى وامشي شفت امراة تمشى وحدها تسابق الريح وحوالي شحال من متر كاين راجل يمشى وحدو ثم قطع الطريق شكيت انهم زوجين ثم قلت لا مستحيل راهم بعاد بزاف يا ودى لوكان خطفوها ولا تضربها طوموبيل والله ما يفيق وفجاة نلقاها تجرى المخلوقة باش لحقت راجلها والغريب انه لم يلاحظ لا ادرى ما هذه العقد تبا

[sarah1424]

فكرتني الاخت بعد قرائتي للردود
انا حاليا كل ما نمشي مع والدي ربي يحفظو نشد في دراعو في كل الاماكن واصبحت عادة لدي وحتى والدي ينتظرني لامسك به وكله فرح اليوم قبل الزواج امسك في والدي وبعد الزواج امسك بدراع زوجي بادن الله لانني عندما اكون مع رجل احس بالامان والراحة لا احد يزعجني ولا اخشى اي شئ بالعكس نكون مرتاحة ومستانسة
ولا ارى اي احراج كل انسان وشخصيتو المهم ليس حرام ولا عيب
ولا اشجع الزوج في شق والزوجة في اخر

[حبيبة زوجها]

ياك راجلي مافيها والو

[sarl02]

المشاركة الأصلية كتبت بواسطة salem1985

لكل جهة من الجزائر عادات وتقاليد واظن ان في الصحراء لا يمكن ان يفعلها رجل من ابناء الصحراء وهناك من يعيب حتى المشي بجانب زوجته

وزعمة هذه شطارة هذه؟....مالا لازم تمشي قدامك وانت وراها ورافد المطرق ..يعني باختصار راك سارح بيها كالنعجة ...هذا تصرف حضاري ورجولي في نظرك انت؟

[السي محمد]

في الشهر الاول فقط

[سجود نور الايمان]

سلااام
انا نشوفها حاجة عادية كيما جات احيانا نشد فيه احيانا لا عاديييييييييييييي

[فجرالحرية]

عااااااادي وين راه المشكل

[" أبو عبود"]

قبل أيام قلت لصديق لي: " ماذا تفعل لو أنك تمشي مع زوجتك وخرج عليك مجموعة من الاشرار باسلحتهم؟ هههههههههههههههههه قلت له في تلك الحالة ولو كنت بريسلي او فوندام ما كنت لتفعل شيئا. والكارثة ان زوجتك مطمئنة كل الاطمئنان وهي معك تظن نفسها في حماية hulk العجيب ههههههه. ربي يحفظ.

[بنت لبحر]

المشاركة الأصلية كتبت بواسطة hodahodahoda

اظن ليس ضروري تشابك الايدي
و لا مشكل ان فعلها الزوج وزوجته

اسعدني مروروكي

[بنت لبحر]

المشاركة الأصلية كتبت بواسطة ailemak

kiraki hanounti , nchallah bkhir,
bon mon avis, ana ngoul nonnnnnnnnnnnnn, nkhaf mel3in, ya khti welah tederbek wahda b3in tihi fi plastek, pske kaynin bezaf machi metfahma m3a rajelha donc ki tchoufek haka, tgoul emmmmmmmmm sahabti, ki yebghiha , bayna metfahmin,
w generalement yla l9iti haka, peut etre fi bidayet zwej, ki ykounou jded w makhlou3in fi ba3dahoum w ferhanin biba3dahoum, mais aprés mayekhrojch m3aha khlaaaaaaaaas
ya khti ana ngawdou ghir fi dar yekfi, par exemple ki nroh lelcousina ngawdou wela ki nroh lsallon hahahhahaha, fiha baraka

اهلا حبوبة واش راكي

هههههههههههههههههههههه قلتيني بالضحك تقوديه للكوزينة ههههههههههههههههههههههههههههههههههههه ربي يجعل ايامك كلها ضحك و فرحة

وجهة نظرك نتقبلوها و ربي يبعد عليك العين و الحسد

[بنت لبحر]

المشاركة الأصلية كتبت بواسطة blanche rose

أمممممم
المشكل ليس في التشابك بل إلى متى التشابك؟
الناس كي يشوفوهم هكذا رايحين يحسدوهم
يضربوهم بعين لا كثروا تلقايهم عام عامين مطلقين
***
و زيد حبيبتي علاش تحبو تهتموا بالناس
متشابكين ..متعلقين..هم أحرار..
كل واحد يهتم بنفسو
***

كل واحد يشوف عيوبوا و يا ربي لا لقالهم حل.

ما تزعفيش مني ..بالصح ما نحبش نقعدوا نعسوا فالناس
تحيتي لك عزيزتي

اختي مراناش نحيو على انسان معين رانا نحكيو على ظاهرة في مجتمع تاعنا و دخيلة علينا اوكي مالا من الافضل متقولوناش حاجة مقلنهاش+ واحد ما يحط روحو متالي لدرجة هادي مرناش نعسو في الناس كون قريت الموضوع مليح مراناش نحكيو على انسان معين

نورتيني اختي العزيزة شكرا على المرور

[بنت لبحر]

المشاركة الأصلية كتبت بواسطة farid_2004

الذبح اقل شيء للهذه الزوجة ماتقلوليش همجية

علاش الدبح اخي واش صرى

شكرا على المرور

[بنت لبحر]

[QUOTE=riyad552;3991586738]عندما كنت متزوجا كنت زوجتي تمسك بذراعي croche bras وكنت أول من فعلها في مجتمعنا المحافظ ولم انتبه لذلك إلى أن التقيت يوما بوالدي حفظه الله صراحة لقد شعرت باحراج لكني لم انتفض بل واصلت رغم ما انتابني من خجل. وبعدا


شكرا لك اخي على صراحتك

نورت موضوعي