fraisier الاكواب لي تحب التجديد تدخل

ام اماني77 · 2014-04-26, 20:50

بسم الله الرحمان الرحيم

بما ان الفرولة راهي متوفرة بكثرة في الاسواق وبسعر معقول جبتلكم الفريزي بدل ما نعملوهم على شكل تارت نعملوه في الاكواب كنوع من التغيير تعرفوني نحب التجديد واكيد كل واحدة فينا تحب الجديد
راه سهل التحضير حتى شكله هايل.

https://

نبدأ على بركة الله في التحضير

اولا نحضر البيسكوي

المقادير:

4بيضات
100غ سكر
100غ فرينة
فاني
نصف ملعقة صغيرة خميرة

الطريقة:

اولا نسخن الفرن على 180درجة

بواسطة الخلاط الكهربائي نخلط البيض مع السكر والفاني جيدا حتى يصبح لون الخليط ابيض نضيف الفرينة والخميرة المغربلة مسبقا ونضيفها للخليط على 3مرات ونحرك من فوق لتحت
نحطها في صينية الفرن بها ورق الزبدة وندخلها تطيب لمدة من 6 الى 7 دقائق

من بعد نخرجها ونخليها تبرد

https://

في هذا الوقت نحضر الكريمة
في هذا الوصفة حضرت كريمة diplomate عبارة عن كريم باتسيير +كريم شانتيي

بالنسبة للكريم باتسيير استعملت فيها 6صفار بيض ممكن كاين اخوات تجيهم مكلفةهنا ممكن يحضرو الكريم باتسيير لي معتمدينها لكن هذي راهي تجي بنينة بزااااف

مكونات الكريم باتسيير:

500مل حليب
6 صفار بيض
50غ نشاء
100غ سكر
فاني

راح نحتاج ايضا الى 200غ شانتيي غبرة

نحتاج الى شربات نعمل زوج كيلات ماء وكيلة سكر فوق النر لمدة 10 من بداية الغليان وممكن نعوضهم بالعصير
نحتاج ايضا الى الفرولة وهو المكون الرئيسي لهذه التحلية

طريقة تحضير الكريمة:

نحط الحليب يسخن فوق النار
نخلط صفار البيض مع السكر بواسطة الفووي من بعد نضيف النشا والفانينفرغ كمية من الحليب على الخليط ونحرك بسرعة ونعاود نفرغ الخليط فوق الحليب المتبقي ونحرك حتى تعقد بهذا نتحصل على كريم باتسيير بنينة اممممم

https://

نغطيها بالنيلون بحيث النيلون يلامس السطح هكذا حتى ما تعملش القشرة من فوق
نخليها تبرد

من جهة نطلع الكريم شانتيي بحليب بااارد من دون اضافة السكر

بعد ماتبرد الكريم باتسيير نضيف عليها الكريم شانتيي

https://

الان نقوم بالمونتاج

ناخذ كؤوس تكون شفافة

بواسطة قطاعة نقطع دوائر من البيسكوي بحجم الكاس

نحط قطعة البيسكوي ونشربها بشوية شاربات نقسم حبات الفرولة على اثنان ونحطهم ساير داير فوق البيسكوي نحط كمية من الكريمة منبعد كمية من الفريز المقطع الى قطع صغيرة ثم قطعة اخرى من البيسكوي

نغطي الاكواب بالنيلون ونحطهم في الثلاجة حتى تبرد وتتماسك الكريمة

عند التقديم تزين الفريز والسكر الرطب

https://

https://

عن قرب اممممم

https://

نتمنى تعجبكم وتجربوها لان ذوقها رااااائع ولاتنسوني من صالح الدعاء ولكن بالمثل

في امان الله

حياتي نبع امل · 2014-04-26, 20:54

راكي حابة تجينى سكتة قلبية اليوم ،يامرى الفطيرة تاع الشاورما وزدتى هادي ،اليوم نتغاشى
واش نقولك دوك نعاود نشوف ونتمتع وغدوى باذن الله جاري التجريب لانى واثقة من وصفاتك ،ربي يجعلها في ميزان حسناتك يارب

حياتي نبع امل · 2014-04-26, 20:56

ام امانى البيسكوى كي تسخنى الفرن تشعلي الفوق والتحت ولا التحت برك وتطلعي السنيوة للفوق باه تطيب من تحت وتحمار من السخانه

والكريمة حطيتها فوق الفراز مقطع وبعدها زدتى البيسكوى ياك ؟؟؟

تم اضافة التقيييم ممتااااااز الله يسترك