ممكن مساعدة عاجلة

[هبة الرحمان انشراح]

السلام عليكم اخواتي في الحقيقة بدون اطالة راني خدمت عرايش النقاش للسيدة يعلي بكل الخطوات حرفيا خرج مليييييح لكن اهبط شوي وانا حبيتو يبقى كيما راهو يعني الحبة تكون مرتفعة ما السبب؟ وللعلم تقيدت بالوصفة جدااااااا

[فراشة العيون]

maba3rife 7ata choufe la recett

[هبة الرحمان انشراح]

شكرا جزيلا اختي شهرة على المرور الوصفة هي 2 كيلات فرينة 1 كيلة مايزينة 1 كيلة سكر قلاصي 1 كيلة سمن ذايب وبارد +فاني + رشة فقط خمارة كيميائية ماء ومازهر لجمع العجين
نخلط المواد الجافة ثم نحكها بالسمن حتى تتلم مثل الغريبية بعدها نجمعها بالماء زهر حتى الحصول على عجينة تلتصق في اليد حتى لا تتشقق اثناء الطهي وانخلوها ترتاح ثم نبدا العمل
هذه كل الوصفة وجزاك الله كل خير

[فراشة العيون]

ســؤال مادام تقيدتي بالوصفـة ... وهبط فتحتي عليه وهو في الدقائق الاخيرة يعني باش تشوفيه كمل الطياب يعن بالخف فتحتي كي كمل الطياب ولا لا اذا فتحتي يلزم طفي عليه تخليه شوي يرتاح من بعد تخرجيه

[هبة الرحمان انشراح]

المشاركة الأصلية كتبت بواسطة chahrazade14

ســؤال مادام تقيدتي بالوصفـة ... وهبط فتحتي عليه وهو في الدقائق الاخيرة يعني باش تشوفيه كمل الطياب يعن بالخف فتحتي كي كمل الطياب ولا لا اذا فتحتي يلزم طفي عليه تخليه شوي يرتاح من بعد تخرجيه

شكرا على الاهتمام اختي شهرة لا ما فتحتش عليه حتى كمل طيابو وما نقدرش انطفي عليه ونستنى يبرد خاطر نخدم في كمية كبيرة وشكرا

[هبة الرحمان انشراح]

عزيزتي المتالقة الهام 7 شكرا على الرسالة وبالفعل المشكل الاول هو السر في الوصفة حيث قالت لازم تكون لعجينة لينة تلصق في اليدين باش ما تتشققش وانا تاني شكيت في هاذ النقطة على خاطر خايتو ريح اكثر من ساعتين وبعد ما اعملتو خليتو ريح تقريب ساعة وراني عاودتو اليوم كذلك لكن نفس الشي والله الوصفة هايلة لكن مشكل الشكل يطيح المورال ومشكوووورة مرة اخرى

[خوخة02]

شوفي اختي انت لما كملتي مخليتيهش يريح قبل الطياب يعني تخلي الحلوة تنشف باه تطيبيها على هادا هبطتلك

[ملكة في المنفى]

الله يبااارك

[فراشة العيون]

المشاركة الأصلية كتبت بواسطة هبة الرحمان انشراح

عزيزتي المتالقة الهام 7 شكرا على الرسالة وبالفعل المشكل الاول هو السر في الوصفة حيث قالت لازم تكون لعجينة لينة تلصق في اليدين باش ما تتشققش وانا تاني شكيت في هاذ النقطة على خاطر خايتو ريح اكثر من ساعتين وبعد ما اعملتو خليتو ريح تقريب ساعة وراني عاودتو اليوم كذلك لكن نفس الشي والله الوصفة هايلة لكن مشكل الشكل يطيح المورال ومشكوووورة مرة اخرى

ان شــاء الله تكوني لقيتي الخـلل

[هبة الرحمان انشراح]

والله اختي شهرزاد وصفة عرايش سورية او النقاش هايلة وبريزونتابل لكن الله غالب المهم ممكن تطلعي عليها في اليوتوب عرايش النقاش للسيدة يعلي من قناة سميرة وان شاء الله مع تجارب ووصفات الاخوات انصادفها وشكرررررررا على المرور

[فراشة العيون]

المشاركة الأصلية كتبت بواسطة هبة الرحمان انشراح

والله اختي شهرزاد وصفة عرايش سورية او النقاش هايلة وبريزونتابل لكن الله غالب المهم ممكن تطلعي عليها في اليوتوب عرايش النقاش للسيدة يعلي من قناة سميرة وان شاء الله مع تجارب ووصفات الاخوات انصادفها وشكرررررررا على المرور

حبيبتي ان شـاء اله تمري بغير هيك بتجـارب نـاجحة ومضمـونة وجربي كاش عرايش وراح نفيدك بعرايش خدماتو أختي خرج هـايل نسقسيها ونجيبولـكـ وجا مرتفع كيما اللي تحوسي عليه وقيلا نحطولك ان شـاء الله

[OUM DANIA]

السلام عليكم اختي عندي تقريب هذه الوصفةبرك فيها بيضة نعتمد عليه في عرايش الطلية من الاحسن بعدما تشكلي الحلوى تخليهم يباتو باش يحافظو على شكلهم جربيهم وانشاء الله نكون اافادتك

[هبة الرحمان انشراح]

مشكورات حبيباتي على التفاعل في الحقيقة مالفة اي من قبل انا نخدم عرايش الطلية وعرايش النقاش المعسلين هايلين وكيما يحب الخاطر لكن هذي كي ولات وصفة جديدة حبيت انجربها وانقدمها في العمرة لكن ......للاسف مش راح انعاودها