الأطباق الاقتصادية - الصفحة 2 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

الأطباق الاقتصادية

إضافة رد
 
أدوات الموضوع انواع عرض الموضوع
قديم 2013-02-24, 19:31   رقم المشاركة : 16
معلومات العضو
أم محمد تاج
عضو ماسي
 
الصورة الرمزية أم محمد تاج
 

 

 
الأوسمة
فعالية المطابخ المركز الثالث 
إحصائية العضو










افتراضي

اقتباس:
المشاركة الأصلية كتبت بواسطة oum aness bba مشاهدة المشاركة
الوصفة الثانية هي قراتان البطاطا قطعي البطاطا دوائر بنفس الحجم حطيها في طنجرة و حطي معاها فرماج أبيض ملح فلفل اسود و غطيها بالحليب خليها حتان تطيب ثم فرغيها في مول تاع الكوشة و ديري فوقها جبن مبشور وحطيها تتحمر شوية
والله سبقتيني يا أم أنس رايحة نحطها ونموت عليها راهي ماتديش الوقت خلاص والجهد والمواد شكرا لك ضرك نخمم في طبق آخر








 


رد مع اقتباس
قديم 2013-02-28, 19:19   رقم المشاركة : 17
معلومات العضو
mina18
عضو مميّز
 
الصورة الرمزية mina18
 

 

 
إحصائية العضو










افتراضي

شكرا يارك الله فيكم ارجو المزيد من التفاعل خاصة الاطباث التي تستغرق وقت قصير فالاعداد










رد مع اقتباس
قديم 2013-03-01, 11:07   رقم المشاركة : 18
معلومات العضو
meriem hanin
عضو مميّز
 
الصورة الرمزية meriem hanin
 

 

 
إحصائية العضو










افتراضي

بارك الله فيك ام يحي على طرح الموضوع
هنيتونا من التخمام نتاع كل يوم واش نطيب واش ندير
ربي يجعلها في ميزان حسناتكم ياااارب
نتمنى تفيدونا ايضا بالمقبلات والسلطات و الحلى السهلة التحضيرو المجربة طبعا
تقبلو مروري










آخر تعديل meriem hanin 2013-03-01 في 11:09.
رد مع اقتباس
قديم 2013-03-05, 14:28   رقم المشاركة : 19
معلومات العضو
/زهرة عصفور الجنة/
عضو ماسي
 
الصورة الرمزية /زهرة عصفور الجنة/
 

 

 
الأوسمة
المشرف المميز 2014 
إحصائية العضو










افتراضي

اقتباس:
المشاركة الأصلية كتبت بواسطة إلهام07 مشاهدة المشاركة
قراتان البطاطا مع السلق

1- قليت حوالي 1.5كغ بطاطا و قطعت وفورت 2 ربطات سلق و عصرتهم مليح من الماء
2- في إناء حطيت البطاطا و معاها الملح + ثوم مرابي +فلفل أسود + 6 بيضات + قطع جبن ( اختياري ) وخلطت
3- في إناء آخر حطيت السلق ومعاه 3 بيضات و ملح وثوم مرابي وخلطت
4- دهنت المول نتاع الفور بالزبدة و رشيتو بالخبز المبشور )و اللي عندها ممكن تحط ورق زبدة إذا حبت تقلب القراتان فيما بعد )
5- حطيت 1/2 كمية البطاطا على شكل طبقة ثم السلق ثم باقي البطاطا
6- دخلتها للفرن حتى يجمد الخليط و خرجتها قطعتها و قدمتها مع صلصة حارة لأم رامي ( 2 حبات فلفل حار + 1 حبة طماطم كبيرة رحيتهم في الروبو و حطيت شوية زيت و قليتهم مع شوية ثوم وملح + 2 مغارف هريسة ) ، ممكن تخلطو فيها 2 ملاعق زيت زيتون جي بنينة والحار ما يضرش .
هاهي :


ملاحظة : هذا الطبق لازم يقدم مع سلطة
يعطيك الصحة









رد مع اقتباس
قديم 2013-03-06, 16:36   رقم المشاركة : 20
معلومات العضو
MERI22
عضو جديد
 
إحصائية العضو










افتراضي

بطاطا في الكوشة
تقطعي البطاطا على شكل دوائر بعد تنظيفها و ديريها تفور
و في نفس الوقت حضري صلصة البيشاميل
و كي طيب البطاطا ستفيها في المول مدهن بالدهان
و اسكبي عليها الصلصة
و من الفوق ديري الجبن









رد مع اقتباس
قديم 2013-03-12, 14:41   رقم المشاركة : 21
معلومات العضو
^loujaina
عضو مشارك
 
الصورة الرمزية ^loujaina
 

 

 
إحصائية العضو










افتراضي

ام راضية اشكرك على النصيحة الموجودة في توقيعك










رد مع اقتباس
قديم 2013-03-13, 13:56   رقم المشاركة : 22
معلومات العضو
*بيتي مملكتي*
عضو محترف
 
الصورة الرمزية *بيتي مملكتي*
 

 

 
الأوسمة
وسام نجمة التطبيقات 
إحصائية العضو










افتراضي

والله فكرة يا أم الأفكار شكرا لك راح نولي وفي جعبتي بعض الأطباق










رد مع اقتباس
قديم 2013-03-15, 00:16   رقم المشاركة : 23
معلومات العضو
*بيتي مملكتي*
عضو محترف
 
الصورة الرمزية *بيتي مملكتي*
 

 

 
الأوسمة
وسام نجمة التطبيقات 
إحصائية العضو










افتراضي

السلام عليكم هاني وليت كيما وعدتك

عندك طبق اليوم هو مرق الزيتون الأخضر و البطاطا
- فيه 2 طروفة تاع دجاج حطيهم يتقلاو في شوية زيت مع بصلة مفرومة فرم ناعم و 3 فصوص ثوم و شوية ملح و فلفل أسود و كسبرة مطحونة و ربع ملعقة صغيرة كروية مطحونة
- كي يتقلاو مليح ضفي ماء سخون و 3 حبات بطاطا منقيةو مقطعة مكعبات متوسطة الحجم و مكعب جمبو إذا توفر لديك أو يمكنك الإستغناء عنه
-دعي المرق على نار هادئة حتى يطيب الدجاج و البطاطا
-تكوني حضرتي الزيتون الأخضر يعني تكوني غليتيه في الماء 3 مرات باش تتنحالو لمرارة نتاعو وفي كل مرة تبدلي الما
-ضفي الزيتون إلى المرق وخليه يغلي معاه شوية باش تدخلو البنة تاع الزيتون
-كي تجي تقدميه ديريلو عصرة تاع قارص و شوية كسبرة خضرا أو معدنوس مقطع
و بالهنا و الشفا










رد مع اقتباس
قديم 2013-03-16, 17:50   رقم المشاركة : 24
معلومات العضو
شموخ امرأة
عضو متألق
 
الصورة الرمزية شموخ امرأة
 

 

 
الأوسمة
موضوع مميز 
إحصائية العضو










افتراضي

اقتباس:
المشاركة الأصلية كتبت بواسطة **أم محمد يحي** مشاهدة المشاركة
الاكيد الكل يعرفها. حبات بطاطا . ناخذز راس ثوم في مهراس نضيف فلفل عكري وشوية ملح وفلفل دريس نقليو الدرسة نضيف حبة طماطم مرحية وشوية طماطم مصبرة نمرقو ونضيف البطاطا مقطعة دوائر لما تقارب البطاطا تطيب نضيف السلق مقطع رقيق. يمكن اضافة البيض ليكون الطبق متوازن
يعطيك الصحة ام محمد على المجهود19::19









رد مع اقتباس
قديم 2013-03-25, 08:23   رقم المشاركة : 25
معلومات العضو
*بيتي مملكتي*
عضو محترف
 
الصورة الرمزية *بيتي مملكتي*
 

 

 
الأوسمة
وسام نجمة التطبيقات 
إحصائية العضو










افتراضي



هذي الوصفة الثانية اللي حبيت نشارككم بيها

هي تصلح في الصيف خاصة رانا على مشارفه

يقولولها سلاد ألجيريان salade algérienne

*غلى 4 حبات بطاطا و3 حبات بيض ثم قشريهم و قصيهم مكعبات متوسطة و خليهم يبردو
*قطعي حبة فلفل حجمو صغير أو متوسط إلى دواءر رقيقة شوية
*قطعي حبة خيار إلى مكعبات
*قطعي حبة طماطم كبيرة إلى مكعبات متوسطة
*ضفي حفنة زيتون أسود أخضر كيما تحبي
*قطعي حبة بصل متوسطة إلى أنصاف دوائر يكونو رقاق
-ضعلى كل المقادير السابقة في صحن عميق و ملحيهم بملعقة صغيرة ملح
*حضري الصلصة : 6 ملاعق زيت نباتي ب 3 ملاعق خل + ربع ملعقة ضغيرة ملح + ربع سنة ثوم مرحية ناعم
-خبطيها مليح و ضفيها غلى المقادير السابقة راح تلاحظي بلي أصفر البيض يعطي خثورة للصلصة
-تقدم باردة مع رخسيس و طاس لبن
بصحتكم









رد مع اقتباس
قديم 2013-03-25, 09:19   رقم المشاركة : 26
معلومات العضو
غزة في عيوني
عضو مميّز
 
الصورة الرمزية غزة في عيوني
 

 

 
إحصائية العضو










افتراضي

اقتباس:
المشاركة الأصلية كتبت بواسطة أم إياد أحمد أمين مشاهدة المشاركة


هذي الوصفة الثانية اللي حبيت نشارككم بيها

هي تصلح في الصيف خاصة رانا على مشارفه

يقولولها سلاد ألجيريان salade algérienne

*غلى 4 حبات بطاطا و3 حبات بيض ثم قشريهم و قصيهم مكعبات متوسطة و خليهم يبردو
*قطعي حبة فلفل حجمو صغير أو متوسط إلى دواءر رقيقة شوية
*قطعي حبة خيار إلى مكعبات
*قطعي حبة طماطم كبيرة إلى مكعبات متوسطة
*ضفي حفنة زيتون أسود أخضر كيما تحبي
*قطعي حبة بصل متوسطة إلى أنصاف دوائر يكونو رقاق
-ضعلى كل المقادير السابقة في صحن عميق و ملحيهم بملعقة صغيرة ملح
*حضري الصلصة : 6 ملاعق زيت نباتي ب 3 ملاعق خل + ربع ملعقة ضغيرة ملح + ربع سنة ثوم مرحية ناعم
-خبطيها مليح و ضفيها غلى المقادير السابقة راح تلاحظي بلي أصفر البيض يعطي خثورة للصلصة
-تقدم باردة مع رخسيس و طاس لبن
بصحتكم
الله يعطيك الصحة فكرتيني بهذا الطبق نموت عليه في الصيف
يجي بنيييين بزاف كيما قلتي مع طاس لبن اممممممممم الله يحفظك









رد مع اقتباس
قديم 2013-03-25, 12:40   رقم المشاركة : 27
معلومات العضو
*رتاج الكعبة*
عضو مميّز
 
الصورة الرمزية *رتاج الكعبة*
 

 

 
إحصائية العضو










افتراضي

كاران او قارانطيطا سااهل وبنين
المقادير حسب الصينية المربعة
2 غرفيات كاران
6غرفيات ماء
حبة بيض
ملح وشابلير وزيت حسب الرغبة كاين اللي يحبوه مزيت ويطهى حسب الفرن انا يوجدلي بعد ساعة تقريبا.










رد مع اقتباس
قديم 2013-03-25, 14:12   رقم المشاركة : 28
معلومات العضو
*بيتي مملكتي*
عضو محترف
 
الصورة الرمزية *بيتي مملكتي*
 

 

 
الأوسمة
وسام نجمة التطبيقات 
إحصائية العضو










افتراضي

اقتباس:
المشاركة الأصلية كتبت بواسطة غزة في عيوني مشاهدة المشاركة
الله يعطيك الصحة فكرتيني بهذا الطبق نموت عليه في الصيف
يجي بنيييين بزاف كيما قلتي مع طاس لبن اممممممممم الله يحفظك
الله يسلمك شفتي شحال يكون بارد و بنين في الصيف مع كسرة سخونة و طاس لبن روووعة
مع أنو بسيط جدا جدا









رد مع اقتباس
قديم 2013-03-25, 14:19   رقم المشاركة : 29
معلومات العضو
*بيتي مملكتي*
عضو محترف
 
الصورة الرمزية *بيتي مملكتي*
 

 

 
الأوسمة
وسام نجمة التطبيقات 
إحصائية العضو










افتراضي

هذي وصفة أخرى كانت تعملهالنا صديقة من سطيف عزيزة على قلبي بزاف و تجي روعة

4 حبات بطاطا مقشرين و مغسولين و مقطعين دوائر متوسطة
2 حبات جزر كذلك مقطع دوائر
2 حبات خردل كذلك مقطع دوائر
حبة طماطم مرحية ناعم
2 فصوص ثوم مرحيين ناعم
حبة صغيرة بصل مرحي ناعم
فلفل أسود
ملح
3 ملاعق أكل زيت
1 ملعقة كبيرة طماطم مصبرة
ضعي الكل في طنجرة و أسكبي الماء حتى يتتغطى الخضر جيدا ثم غطي الطنجرة
ضعيها فوق نار هادية حتان تتشرب شوية المرق و تطيب الخضر راح تتكون عندك في الأخير صوص صغيرة ماشي مرق

طفي و سربيها مع قطع خبز أفضل










رد مع اقتباس
قديم 2013-03-26, 09:06   رقم المشاركة : 30
معلومات العضو
/زهرة عصفور الجنة/
عضو ماسي
 
الصورة الرمزية /زهرة عصفور الجنة/
 

 

 
الأوسمة
المشرف المميز 2014 
إحصائية العضو










افتراضي طبيخة بالفول والجلبانة والقرنون

السلام عليكن اخواتي اولا شكرا لكل من دخلت للموضوع واثرته بوصفاته اللذيذة.اليوم احضرت لكن طبقا لذيذا وسهل التحضير وهو الطبيخة نحتاج الى
1_ 1كبغ فول منقي حبات+رطل جلبانة + 1كلغ قرنون منقي مقطع قطع صغيرة
2 نحتاج زيت +ملح فلفل اسود +راس ثوم +شوية فلفل دريس+ ربطةحشيش+ 2ملاعق اكل طماطم مصبرة

طريقة التحضير
في طنجرة ثقيلة نضع الخضار تتقلى على نار هادئة مع شوية زيت
في مهراس نهرس الثوم مع الفلفل وشوية الحار والملح ونضيفه للخضار.ندعها تتقلى على نار هادئة لمدة15دقيقة
نضيف حزمة الحشيش ونمرق بالماء ونضيف الطماطم المصبرة
نخلوها تتجمر ونزينوها بالحشيش وشهية طيبة









رد مع اقتباس
إضافة رد

الكلمات الدلالية (Tags)
الأطباق, الاقتصادية

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 03:49

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc