أكلة بسكرية 100/100 ** البردانين و الجوعانين و الزعفانين يدخلو** - الصفحة 3

dahbia2009 · 2013-01-17, 17:36

ربي يبارك ويسلم هاذوك اليدين بسكرية حرة

يعطيك الصحة

faizarbh · 2013-01-17, 17:39

ما شااااااااء الله روووووعة هذا واش نحب بصح علاه هكدا علاه الواحد راه صايم و تشهي فينا ههههههه مزية راه قريب يأذن سي نو كنت رايحة نهبل يم يم يم

mıryam · 2013-01-17, 17:49

امممممممممم نموووت عليها والله بنينة صح
يعطيك الصحة جاتك روعة

مسعودي مفيدة · 2013-01-17, 18:53

يعطيك الصحة اختي و بارك الله فيك راهو يشهي نتمني تزيدي تحطي الأطباق البسكرية الأخرى راهي كامل بنينة خاصة في الشتاء راني متزوجة في بسكرة و هذي مدة و انا نحوس على وصفات هذي الأطباق من ذشيشة مرمز و دشيشة فريك و بومهراس و بطوط و الشخشوخة البسكرية وغيرها ربي عمر دارك مشكووووووووووورة

~ حراير ~ · 2013-01-17, 19:57

اقتباس:

المشاركة الأصلية كتبت بواسطة faizarbh

ما شااااااااء الله روووووعة هذا واش نحب بصح علاه هكدا علاه الواحد راه صايم و تشهي فينا ههههههه مزية راه قريب يأذن سي نو كنت رايحة نهبل يم يم يم

اولالالالالا
الخبيرة جات زارتني في صفحتي والله انك اخجلتي تواضعي
نشكرك كثير كثير على ردك الي فرحني كثير كثير حتان تعمر قلبي

و ياريت كنتي قريبة مني كنت بعثتلك لقمة
احنا في بسكرة نحبو نذوقو لحباب بزاف
ربي يتقبل منك حبوبة و سهمك في الجنة

~ حراير ~ · 2013-01-17, 20:07

اقتباس:

المشاركة الأصلية كتبت بواسطة dahbia2009

ربي يبارك ويسلم هاذوك اليدين بسكرية حرة

يعطيك الصحة

يبارك فيك و ربي يهنيك
اختي ذهبية على قد مانكون حرة نقولك الصح مش راح نوصل لشطارة السطايفية لحرار
شكرا عزيزتي على ردك الجميل

اقتباس:

المشاركة الأصلية كتبت بواسطة mıryam

امممممممممم نموووت عليها والله بنينة صح
يعطيك الصحة جاتك روعة

الله يسلمك مريومة شفتي شحاال المسقية بنينة و زينة تقولشي عليها جنان

اقتباس:

المشاركة الأصلية كتبت بواسطة مسعودي مفيدة

يعطيك الصحة اختي و بارك الله فيك راهو يشهي نتمني تزيدي تحطي الأطباق البسكرية الأخرى راهي كامل بنينة خاصة في الشتاء راني متزوجة في بسكرة و هذي مدة و انا نحوس على وصفات هذي الأطباق من ذشيشة مرمز و دشيشة فريك و بومهراس و بطوط و الشخشوخة البسكرية وغيرها ربي عمر دارك مشكووووووووووورة

الله يسلمك يا مفيدة و ربي يهنيك في دارك و مع مول بيتك
نوعدك ان شاء الله كل ما نطيب حاجة تقليدية نحطها مع وصفتها وشي هو طبقي برك و عمري كريشة مول الدار
راهو اقرب طريق لقلب الرجل معدته و خاصة احنا لبساكرة نحبو الماكلة ياسر

أم عائشة · 2013-01-17, 20:10

يعطيك الصحة بنت ولايتى على هذا القصعة حنا البساكرة نحبوا غير الرقاق وماكلة العجائن فى البرد وما تنساوش الحااااار

دعاءياسين · 2013-01-17, 20:21

امممممممممممممممم راهم يشهوا ربي يحفظك

~ حراير ~ · 2013-01-17, 21:34

اقتباس:

المشاركة الأصلية كتبت بواسطة أم عائشة

يعطيك الصحة بنت ولايتى على هذا القصعة حنا البساكرة نحبوا غير الرقاق وماكلة العجائن فى البرد وما تنساوش الحااااار

اهلا اهلا بالدقلة البيضاء اهلا اهلا بعسل الرُب اهلا اهلا ببنت عروس الزيبان و فرحة الجزائر بنت السكرة بسكرة
ام عيشوشة ربي يعيشك و يصحح دينك و ايمانك
ياله المرة الجاية نعرضكم على محجوبة بالقنطس و بر عبيد حتان يعود الفم يسيل و النيف يسيل هيهيهيهيهيهيهيه

اقتباس:

المشاركة الأصلية كتبت بواسطة دعاءياسين

امممممممممممممممم راهم يشهوا ربي يحفظك

تعيشي دعاء و ربي يحفظك انت بما يحفظ به عباده الصالحين الطاهرين آمين

zhor1970 · 2013-01-18, 08:59

الله الله علي قصعة الجدود المتعة انتاعها فالقصعة شهيتيناحبيبتي الله يعطيك الصحة

miri_27 · 2013-01-18, 13:23

بارك الله فيك أختي

fafou12 · 2013-01-18, 17:11

الله الله ولله غير فحلة و عليك لكلام يعطيك الف صحة و عافية

ريحان الجزائر · 2013-01-18, 17:56

السلام عليكم و رحمة الله و بركاته قاسني العنوان تاعك لوكان تشوفي شحال نحب هاد الأكلة بعد شحشوخة الكابويا و الباطاطا مممممممممممممممممم بصح راكي نسيتي لفليو و البوفجوخ يا الفحلة وين راهم , شكرا على الوصفة

salam algeria · 2013-01-19, 03:19

بارك الله فيك
تشهي تاكلوها بالصحة

oummalak · 2013-01-19, 09:37

علامتي 100 ب100 تشيشة وواش من تشيشة تهبل راكي مفاجءة في كل مرة يعطيك الصحة