الى الهام اللهلوبة نوريني

[ام نور ندى]

مرحبا الهام عجبوني بزاف وصفاتك تقريبا الكل و خاصة الحلويات خموس عليك ممكن تعطيني وصفة قاطو نيسلي عجبني و حبيت نجرب

[ريهانة]

الله يبارك اختي حطيلنارابط الوصفة ربي يخليك

[ام نور ندى]

اين انت يا اختاه الهام

[فايزة1207]

هذا وين شفت سؤالك اختي الهام اعذريها ممكن ماهيش تدخل مع امتحانات اخر العام
الوصفة هاهي راهي مدتها للاخت RIMA.87

الوصفة فهي كالتالي:
500غ زبدة*
250غ سكر ناعم
5 صفار بيض*
فاني
تنشفي بالفرنية ( تحتاجي تقريبا 750غ )
هذي هي الوصفة و اختياري إذا تحبي ضيفي فنجان زيت وزوج مغارف نشاء*
الطريقة واضحة طبعا : تضربي السكر مع الزبدة ومن بعد زيدي الزيت ثم الفاني و صفار البيض ثم ال
النصائح :*
ننصحك تنشفي بالفرينة غير بالعقل
ننصحك تغبري لي مول في الفرينة وتنفضيهم باش مايلصقوش من بعدالحبات كي يطيبو كي جي تنحيهم يتكسرو
ماديريش العجينة خشينة ماجيش مليحة وماترققيش بزاف يتكسرو*
سخني الفرن وطيبيهم على 160° -180° على حساب الفرن راهم يطيبو بسرعة باش مايتحرقوش*
انا نجرب ندير كرية عجينة نطرحها في المول ونعاود نحيها ونوزنها ونوزن العجينة كامل كريات بهذاك الوزن ونكمل خدمة كل كرية نطرحها في مولباش يجيو كامل كيف كيف ماشي وحدة خشينة ووحدة رقيقة*
الباقي باين تعمريهم نيستلي ومن فوق شوكولا ( انا استعملت منى نوار ننصحك بيها )*،و انا يعني اختكم rima.87 زدت اضافة من عندي في هذه المرحلة و هي اضافة كمية من اللوز في النيسلي يكون محمص و مرحي شوية خشين صدقوني عطاتني نتيجة ماشاءالله
والتزيين من فوق انت ومقدورك
ملاحظة :
هذي الكمية على حساب حجم المول وعلى حساب العجينة اذا خشنتي او لا وعلى حساب تلصقي كل زوج مع بعض او لا المهم انا بالشكل اللي شفتيه دارتلي 55 حبة لانو درت نصف الكمية يعني 250غ زبدة ونسيت نقولك إذا رايحة ديري نصف الكمية ديري 3 صفار بيض
الطياب شعلي غير من تحت فقط لاغير العجينة ماشي خشينة ماتخافيش رايحة طيب مليح من داخل ماتقويش للنار برك باش ماتتحرقش وعسيها .
هذه هي الوصفة راهي تمت بحمد الله و ان شاء الله تجربوها م تشوفوا النتيجة المرضية الى ذلكم الحين أستودعكم الله الذي لا تضيع و دائعه
سلام

[fleur de lili]

مشكورة أخت فايزة 12o7 على الجواب
هذى غيبة توحشناك وتوحشنا الكيفيات نتاعك
انشاء الله المانع خير

[RIMA.87]

السلام عليكم ،
الاخت فايزة قامت بالواجب جزاها الله خيرا و حطت الوصفة ،
لكن هذا لا يمنع اني نحطلك شوفي تطبيقي ممكن تاخذي فكرة على تزيين القاطو ،

تطبيقي لقاطو النيسلي للاخت إلهام07،روووووووعة
https://www.djelfa.info/vb/showthread.php?t=1809519

ان شاء الله تجربيه و تستمتعي بالذوق الرائع ديالو و تشاركينا بتطبيقك اختي ام نور ندى
في أمان الله

[ام نور ندى]

شكرا شكرا جزيلا لكن، عاونتوني بارك الله فيكن، عملت مليه عند مشاركتي في المنتدى فقد استفدت كثيرا و شكرا مرة ثانية

[wala]

بارك الله فيك هذا يوالم في العيد تسلمي