فوندون شكولا وصفة المستغفرة

[المستغفرة]

السلام عليكم
زوج حبات بيض 80غ سكر 30غ فرينة 10غ كاكاو بني فاتح مذاقو رايع باش يولي بنة لكاكاو شوكولا غالبة100غ شوكولا نوار امباسادور 80 مرغرين لان زبدة يجي ثقيل
في حمام مائي ذوبي شوكولا ومرغرين
خلطي سكر و البيض خلطي مليح زيدي الفرينة و الكاكو وخلطي من بعد حطي شوكولا لذوبتيها
سخني الفرن 200 وجيبي الغامكا تاعك امسحيه بالمرغرين وديريلهم الكاكاو الاسود
عمريهم ودخليهم يطيبو سبع دقائق فقط او ثملنية الى تسعة دقائق مش نحوسوها تولي كيكة يطيبو لحواشي برك في الوسط تبقى تتحرك
والغامكا ذرك نحطلك صورة وتقدري توجديهم وتحطيهم في الغامكا وكي تحبي تقدميها طيبيها لانها سبع دقائق تجهز
وتتكل دافية
راني كتبت وصفة المستغفرة لان الوصفات الاخرى مفيهاش كاكاو وانا نديرلها ا
راني درتها و صورت كل المراحل
ادعولي
اللهم بلغنا واياكم ليلة القدر

[RIMA.87]

و عليكم السلام و رحمة الله و بركاته
جزاك الله خيرا و بارك فيك و جعل هذا الجهد في ميزان حسناتك ،
مشكووووورة على الوصفة و المراحل و الشرح ان شاء الله نجربها و ننجح فيها و لمستك الخاصة تاع الكاكاو روووووعة ،
أسأل الله جل في علاه أن يبلغنا و إياكم و جميع المسلمين ليلة القدر و يتقبل منا و منكم الصيام و القيام و صالح الأعمال .

[&ام ايوب&]

ممممممممم الفوندون خرج يشهي
يعطيك الصحة

[المستغفرة]

المشاركة الأصلية كتبت بواسطة rima.87

و عليكم السلام و رحمة الله و بركاته
جزاك الله خيرا و بارك فيك و جعل هذا الجهد في ميزان حسناتك ،
مشكووووورة على الوصفة و المراحل و الشرح ان شاء الله نجربها و ننجح فيها و لمستك الخاصة تاع الكاكاو روووووعة ،
أسأل الله جل في علاه أن يبلغنا و إياكم و جميع المسلمين ليلة القدر و يتقبل منا و منكم الصيام و القيام و صالح الأعمال .

أمين حبيبة ولك بالمثل
ان شاءالله تنجحي فيه وبصحتك
امين يارب
العفو وأي سؤال انا هنا

[المستغفرة]

المشاركة الأصلية كتبت بواسطة &ام ايوب&

ممممممممم الفوندون خرج يشهي
يعطيك الصحة

يسلمك حبيبة
يشهي ويهبل بشوكولا امباسادور نوار
كون جيتي حذايا نبعثلك

[طيور الجنان]

يعطيك الصحة اختي المستغفرة على الوصفة جعلها الله في ميزان حسناتك.