حلويات لقهوة لعشيا من مطبخي

[هدوء الصمت]

مساء الخيرات والمسرات اخواتي الفاضلات اليكن بعض الانواع من حلوياتي الخاصة بقهوة المساء ...................

حلوة السكرفاج درتلها كوكاو محمص من فوق بدل من العجينة الوصفة 4حبات بيض+كاس عصبر برتقال+كاس مشي معمر زيت+كاس سكر +زاست برتقال او ليمون+1خمارة وطمي بالفرينة تتحصلي على عجينة طرية ....ادهني المول بالزيت وحلي فيه العجينة كامل ودخليها في الفرن طيب من تحت ثم شعليلها من فوق وبعدما طيب ادهني الوجه بكمية لاباس بيها تع المعجون ورشيلها كوكاو محمص ومرحي وخليها تبرد شوية ثم قطعيها



حلوة بالبيمو
الوصفة ..
4حبات بيض+كاس وربع سكر+كاس زيت+قشور الليمون+1خمارة ونطمو بالفرينة حوالي 700غ
نتحصلو على عجينة طرية نقسموها الى كرتين متساويتين نلون وحدة بالكاكاو والتانية نخليها بيضا نفرش ساشي فوق الطابلة ونحلهم بهدا الشكل نحط العجينة البيضا فوق السوداء وندور دورة ونص.. ونقطع
نتحصلو على حربوش نقطعوه مقروطات صغاااار لانو يتنفخ في الفور نرش البلا بالفرينة ونستف فيه الحلوة
وندخلها طيب على درجة 180من تحت ثم نشعلها من فوق نحضر قاطو بيمو مرحي مع ملعقتين ك سكر رطب وملعقتين ك كاكاو اسود بعدما تبرد الحلوة ملييييييح نغطس بالحبة في الشاربات _كاس سكر+2كيسان ماء _ونرمدها في البيمو هاد الكمية خرجتلي 50حبة






قلب اللوز بالحليب روووووووووعة الوصفة....اولا الشاربات 6كيسان ماء+3كيسان سكر+طرونش قارص غير يبداو يغلو
نقصي شوية النار واحسبي 10 د وطفي النار
بالنسبة
لقلب اللوز في ايناء حطي 6 كيسان سميد حرش+3كيسان سكر + قرصة ملح وخلطي
مليح مليح بيدك ثم زيدي كاس زيت وخلطي ثم كاس لبن ولا حليب انا درت حليب وخلطي ثم كاس غير ربع ماء زهر
وخلطي ...فرغي الخليط في سينية مدهونة بشوية زيت و اطراسيها مربعات من
الفوق والى الفرن كي تشوفي الاطراف حمارو اشعليلو من الفوق وحمريه
....بعدما يطيب خرجيه وسقيه على 3 دفعات في كل مرة تستنايه يشرب شوية وفي
الدفعة التالتة فرغيها كامل على مرة لازم يكون عايم بالشاربات غطيه بسنيوة
وخليه يتنفس شوية باش مايعرقش ورجعيه للفرن طافي اكيد وخليه على الاقل 6
ساعات باش تقسميه ومن الاحسن يبات



كروكي ماربري الوصغة كيلة بيض=4حبات كبار او 5صغار+كيلة زيت+كيلة سكر+قشور برتقال+1خمارة وطمي بالفرينة قسمي العجينة على زوج وحدة خليها بيضا ولوخرا لونيها
بالكاكاو......حلي العجينة البيضا رقيقة وزيدي حلي العجينة السوداء رقيقة
وحطيها فوق البيضا وروليها وشكليها مستطيل ادهنيها بخليط من
صغار بيضة وشوية كاكاو شوية زيت وشوية قهوة كحلة اطراسيها بالفرشيطة
وطيبيها وبعدما تبرد اقسميها



هليلات بالقوفريط
الوصفة....حبة بيض+نص كاس سكر+نص كاس زيت+نص كاس حليب+قشور ليمون خلطي الكل مليح +1خمارة وطمي بالفرينة حتى تتحصلي على عجينة طرية اقسميها الى كريات 30غ وشكلي تشاراكات... طيبيهم في الفرن على درحة 180 من تحت ثم من الفوق
بعدما يبردو تدهنيهم بالمعجون بواسطو بانسو ورمديهم في القوفريط مرحي
هادي الكمية تخرجلك 25حبة




صابلي بالزيت .4حبات بيض+كاس سكر عادي+كاس زيت+قشور حبة قارص+1خمارة ونجمع بالفرينة نتحصل على عجينة طرية


بريوش حورية المطبخ



بغرير بالعسل
.2 كيلات سميد رطب نص كيلة فرينة ملعقة كبيرة خميرة الخبز ملعقة صغيرة سكر ملعقة صغيرة ملح 3 كيلات ونصف ماء خلطي الكل ملييييييييح وحبدا بالميكسور يكون احسن خليه يخمر نصف ساعة ثم زيديلو 2 خمارة تع الحلوة وابداي طيبيه


****ز
150 غ زبدة_2حبات بيض_150 غ سكر_لافاني_250 غ فرينة_1 خمارة_50 غ كاكاو حوالي م ص_حبيبات الشكولاطة للتزيين اولا نذوب الزبدة ونخليها تبرد مهم جدااااا
في ايناء نضع البيض السكر الزبدة لافاني ونخلط بالخلاط مليح ثم نزيد الفرينة والكاكاو والخمارة تدريجيا نفرش على المول ورق الزبدة ونبدا نحط الكرات بواسطة الملعقة مانكبرهمش بزاف لانهم ينتفخو شوية نسويلهم الوجه بواسطة ملعقة مغطوسة في زبدةو نزينهم بحبيبات الشكولاط وندخلهم الفرن المسخن من قبل


حلوة اللمبوط .4حبات بيض+كاس سكر عادي+كاس زيت+قشور حبة قارص+1خمارة ونجمع بالفرينة نتحصل على عجينة طرية.....بالنسبة لحلوة المحقن نخرج العجينة في اللمبوط ونطيبها في الفرن من تحت ثم نشعلها من فوق




بسبوسة لوصفة 2حبات بيض+نص كاس سكر+نص كاس حليب+نص كاس زيت+نص كاس نواد كوكو+قشور ليمون+1خمارة+3كيسان ونص سميد متوسط خلطي الكل مليح وفرغيها في مول مدهون بالزيت والى الفرن بعدما طيب سقيها بشاربات ثقيلة وخليها من الاحسن تيات ليلة كاملة باش تقسميها



حلوة بحلوة الترك الوصفة
هي...500 غ مرغرين+400 غ حلوة الترك خلطيهم مليح مليح بيدك وطمي بالفرينة حتى تتحصلي على عجينة طرية
رشي الطاولة بالفرينة وحليها بسمك عالي شوية واطبعيها بالشكل لي تحبيه
دخليها للفرن طيب من 5 الى 7 دقائق انا طيبتها على درجة 180 وشعلت من فوق وتحت لانها مافيهاش الخمارة
بعدما طيب ماتمسيهاش خليها حتى تبرد مليح ثم نحيها ...لسقي كل زوج حبات بالمعجون واطليهم بالشكولاطة وزينيهم حسب الرغبة



كريات بالقوفريط



جنجلانية لام اماني


كيك الكسكاس حبة بيض+فنجان سكر+فنجان حليب+نص قنجان زيت+قشور برتفال+مغرفة كبيرة كاكاو +1خمارة+2فناجن ونص فرينة
خلطي الكل مليح بالفوي ...ادهني الكيسان بالويت وفرغي فيهم الحليط للنص لانهم يطلعو
وجدي قدرة وكسكاس كي يبداو يغلو حطي الكيسان في الكسكاس غطي بطرشونة وزيدي الغطاء تع الكسكاس وخليهم 20د بالظبط
هاد الكمية خرجتلي 4 لي شوب
وشهية طيبة



كيكات صغار ..5حبات بيض+كاس سكر+كاس مشي معمر زيت+نص كاس حليب+1خمارة+ قشور البرتقال خلطي الكل مليح بالفوي واضيفي الفرينة حتى تتحصلي على قوام ثقيل كيما المسكوتشو فرغيهم في قوالب السيلكون والى الفرن



حلوة التاج لام اماني



مسكوتشو الوصفة..4حبات بيض+2كيسان سكر +نص كاس زيت+نص كاس حليب+لافاني+1خمارة+قشور القارص+الفرينة حوالي 3كيسان ونص
خلطي الكل مليح ادهني المول بالزيت وفرغيها والى الفرن
بعدما طيب ادهنيها كااااااااااامل بالمعجون وزينيها بنواد كوكو



بتي فور فلة فود ارت رووووووووووووووووووعة الوصفة...
250 غ مرغرين+90غ سكر قلاسي+2صغار بيض+لافاني و خلطي الكل ملييييييييح +315غ فرينة قرصة خمارة وتقدري تستغناي عليها
تتحصلي على عجينة ..خرجيها في اللمبوط او لابوش آدوي بشكل طولي حطيهم في بلاطو مرشوش بالفرينة برك ماشي مدهون و خليهم يرتاحو 30 دقيقة وهذا السر باش ينجحولك ....طيبيهم على درجة حرارة 180 بعدما يطيبو خليهم يبردو مليح و منبعد لصقي حبة مع حبة بلاجولي او معجون و اغطسي الجانبين فالشوكولا ذايبة



كيك محشي بالفرولةالوصفة__5حبات بيض+كاس وربع سكر+باطة يؤورت+نص كاس زيت+قشور قارص+2 م ك كاكاو+2 كيسان فرينة+2خمارة ..خلطي الكل مليييييييييح وفرغيه في مول مدهون والى الفرن
بعدما يطيب اقسميه وهو سخون وفرغي عليه هدا الغلاساج (باطة شيكولا بعدما تذوبيها زيديلها باطة كرام ديسار شوكو)رشيها بالنواد كوكو وزيني كل حبة بالفراولة ولا حبيتي تحشيها كيما درت انا قسمت كل حبة على زوج وعمرتها بمعجون الفرولة من الداخل



مشوشة الوصفة..6حبات بيض_5مغارف كبار فرينة_2مغارف كبار سميد متوسط_1خمارة_لافاني خلطي الكل بالفوي
سخني كاسرونة ماتلسقش وحطي فيها ملعقتين زيت خليها تسخن وفرغي الخليط فيها وخلي النار هادية جدا وغطي الكسرونة وخليها طيب من 10 الى15د كي تشوفيها شدت روحها اقلبيها وزيدي خليها ذيب من الجهة الاخرى حوالي 10 د او اقل وقدمييها مع العسل





حلويات بعجبنة وحدة .250غ مرغرين فلوريال+200غ سكر قلاصي+2صفار بيض وحبة كاملة+لافاني+نص باكي خمارة+فرينة انا ضاعفت الكمية




مع التحييييييييية...........

[ام تقوى 34]

شكرا لك حبيبتي

[أم عبد الله ياسين2]

ما شاء الله ، يعطيك الصحة ، انا اول وحدة يعني من كل نوع حبة

[هدوء الصمت]

نورتموني بالمرور العطر حبيباتي

[وصال سلام]

روعة ماشاء الله ولا قوة الا بالله

ريوقي سااالو لاني اعشق القااطو

[فاطمة*]

بارك الله فيك أختي كلش روعة ماشاء الله ياريت الوصفة تاع 2و3 وجزاك الله خيرا.

[*سيرين نور عيني *]

4444444444444444444444
خمسة و خموس عليك

[هدوء الصمت]

بااااااااااارك الله فيكم اخوااتي الله يفرحكم

ختي فاطمة ..وصفة رقم1 4 حبات بيض+كاس وربع سكر+كاس زيت+قشور الليمون+1خمارة ونطمو بالفرينة حوالي 700غ نتحصلو على عجينة طرية نقسموها الى كرتين متساويتين نلون وحدة بالكاكاو والتانية نخليها بيضا نفرش ساشي فوق الطابلة ونحلهم بهدا الشكل نحط العجينة البيضا فوق السوداء وندور دورة ونص.. ونقطع
نتحصلو على حربوش نقطعوه مقروطات صغاااار لانو يتنفخ في الفور نرش البلا بالفرينة ونستف فيه الحلوة
وندخلها طيب على درجة 180من تحت ثم نشعلها من فوق نحضر قاطو بيمو مرحي مع ملعقتين ك سكر رطب وملعقتين ك كاكاو اسود بعدما تبرد الحلوة ملييييييح نغطس بالحبة في الشاربات _كاس سكر+2كيسان ماء _ونرمدها في البيمو هاد الكمية خرجتلي 50حبة



وصفة رقم 2
قلب اللوز بالحليب لقهوة لعشيا ....روووووووووعة
الوصفة....اولا الشاربات 6كيسان ماء+3كيسان سكر+طرونش قارص غير يبداو يغلو
نقصي شوية النار واحسبي 10 د وطفي النار
بالنسبة
لقلب اللوز في ايناء حطي 6 كيسان سميد حرش+3كيسان سكر + قرصة ملح وخلطي
مليح مليح بيدك ثم زيدي كاس زيت وخلطي ثم كاس لبن ولا حليب انا درت حليب وخلطي ثم كاس غير ربع ماء زهر
وخلطي ...فرغي الخليط في سينية مدهونة بشوية زيت و اطراسيها مربعات من
الفوق والى الفرن كي تشوفي الاطراف حمارو اشعليلو من الفوق وحمريه
....بعدما يطيب خرجيه وسقيه على 3 دفعات في كل مرة تستنايه يشرب شوية وفي
الدفعة التالتة فرغيها كامل على مرة لازم يكون عايم بالشاربات غطيه بسنيوة
وخليه يتنفس شوية باش مايعرقش ورجعيه للفرن طافي اكيد وخليه على الاقل 6
ساعات باش تقسميه ومن الاحسن يبات

[kakita22]

wasfat mchawcha t3iichiii

[kakita22]

بارك الله فيك
mrc

[هدوء الصمت]

المشاركة الأصلية كتبت بواسطة kakita22

wasfat mchawcha t3iichiii

مشي موالفة نديرو ختي اسفة جدا

[نانو 2013]

بارك الله فيك
راكي شهتيني
ممكن وصفة حلوة بالبيمو
حابة نسرقها ونديرها ان شاء الله نهار ننفس وقوليلي شحال من حبة تجي

[*أم جابر*]

ما شاء الله اللهم بارك يعطيك الصحة والهنا حلويات جميلة و متقونة

[ام عبد الله01]

ما شاء الله دودو حلوياتك تسلم الايادي

[mazer88]

https://www.ouarsenis.com/2minutes.htm