كوزينة حراير المنتدى

[فاتي 05]

مساء الخير يالغاليات واش أحوالكم انشاء الله تكونو بخير توحشتكم بزاف بزاف و نشكر* كل وحدة باسمها على سؤال عليا و الحمد لله راني مليحة .
راكم معمرين الكوزينة بالخيرات ربي يدوم النعمة على الجميع انشاء الله يا رب .
راني جبتلكم بريوش خفيف قطن باه تتقهواو بيه درتو اليوم انشاء الله يعجبكم

ï»

ï»؟

ï»؟
بصحتكم جميعا*

[فاتي 05]

و هذو بعض الاطباق*من أرشيفي المتواضع انشاء الله يعجبوكم*
لامونة بالكريم باتسيير*



دجاج في مول السيليكون

[فاتي 05]

كيكة عيد ميلادي من عند حبيبتي*

[البدرية]

السلام عليكم


أشكركم أخواتي على ردودكم كل وحدة باسمها


هذا تطبيقي لكاب كيك للأخت إلهام, وطريقتي في الاحتفاظ بالطمماطم في المجمد

[البدرية]

[البدرية]

[البدرية]

[idem16a]

مساء الخير حبيباتي،،كيف احوالكن،ان شاء الله بخير
عشانا جواز السلق والسلاطة والحمد لله

[idem16a]

المشاركة الأصلية كتبت بواسطة البدرية

الله الله عليك يا البدرية،يا الفحلة،،اييييه ،هاذاك الزين،،عجبتني طريقتك في حفظ الطماطم،،وايشا كاب كيك،اكيد روعة جاك،خاصة جا من عند الهام،وصفاتها كلها مضمونة،،يعطيك الصحة

[idem16a]

المشاركة الأصلية كتبت بواسطة فاتي 05

كيكة عيد ميلادي من عند حبيبتي*

فاتي قلت لك طيابك تحفة،،،عجبني البريوش اللي درتيه،درتيه بالزيت فقط ولا بالزبدة،،،لانو في الحقيقة عندي وصفة غير بالزيت ويجيني هايل مقطن،،،اللبنيي تاوعك بالطبع روعة،وكل شي هايل،يعطيك الصحة

[idem16a]

المشاركة الأصلية كتبت بواسطة ملاك ملاكي

طووووت طووووت اني جيت وحبتها مي بيناتنا كي ذقتها ضيت عليها شوي هاهاهاهاها مغ اني واحدة رققتها واش نقولكم تقرمش هاهاهاهاها






والحمدالله على نعمته ياربي

ملوكة يا وحد الستوتة،،راكي تبعدي في العين،،والله روعة،،انا عجبتني،،بالرغم اني درتها البارح،،ما شبعتهاش ههههه،،،راجلي جاء ليه صاحبو،،،حتى راجلي عرضو على بيتزا،،،والحمد لله حمرتلو وجهو،،بصح مع ولادي،وليت نجري من ومن،،،ناكل بالوقفة هههه،،،المهم الصح في الضيف حقيقة

[idem16a]

المشاركة الأصلية كتبت بواسطة حياة نور الدين

السلام عليكن وجمعة مبااااركة راه السمااااااطة حتى بكيت وضاق خااااطري لا ام لا اهل نروح عندهم المهم كاين انتن يا احلى خياااااتت
فطوري كان كسكس بالمرق والدجاج وكي نقولكم دجاج بنة برك ماشي شبعة هههه راه غالي مرات برك ناكلوه شبعة ههههه هكا باش تتخيلوا مليح كي مكانش صور

والعشا خدمت عجينة مورقة البارح ومدرتهاش مالا اليوم نقلي بطاطا وندير كوكا والحمد الله

حقا درت بينييي خرجوليي روووووعة الوصفة خلطت من وصفات وجات تهبل فارغة مقطنة وووو معرفتش نعبر المهم روووووعة ههه
درت كاس خليط ماء وحليب دافي مع مغرف كبيرة خمارة وزوج مغارف كبار سكر وخليتها 10 دقائق تتفاعل الخميرة زدت عليها 3 مغارف كبار زيت وباكي خمارة كيميائية وحبة بيض ولميتها بالفرينة خليها تلصق شوية في اليد خليتها ارتاحت ربع ساعة وخدحليتها دوائر خليتهم خمروا وقليتهم صدقوني جاو قطن وبنااااان راني نشعر ههه

يا حياة،والله دموعك عزاز علينا كامل،،الله يفرجها عليك يا رب ويفرجها علينا،،عليك بالاستغفار ثم الاستغفار،،حقيقة البعد على الاهل مؤلم
انا عندي ستة سنين زواج،والحمد لله عايشة وحدي،،لكن اقسم بالله،عايشة كأني في الغربة،،،فعادات أهل زوجي،،ما يخلوش العرايس يمشو لزيارة الأهل،من غير والديا فقط،،،،،،يا حسراه،،،لا جارة تدقدق على بابي ولا أنا ندقدق عليها،،والله والله لوكان تلحق ساعتي ويلحق أجلي واحد ما يجيبلي خبر،،،،حتى راجلي يدخل يوميا للدار حتى العاشرة ليلا،،،اما اهلي وناسي،اشتقت الى خالاتي عماتي،،بنات خالاتي،،،يا الله اشتقت اللمة مع العايلات،،،،لا فرح ولا قرح،،،والله ثم والله،،،منذ تزوجت ما حطيت رجلي في أي وليمة،،،،،من الرغم انهم يعرضوني ألوف المرات،،،وخلي البير. بغطاه،،المهم الهناء مع زوجي،،،والحمد لله،،،زوج تقي حنون رؤوف علينا كثيرا كثيرا،،،الا أن سيطرة والديه فوق جهده،،وخلي وخلي،،،والحمد لله راني مونسة مع ولادي،،كيما يما تقولي باه تصبرني"الوحش. ولا. الأذى". المعذرة خرجت من الموضوع،،حيوتة خلطت في الجرح ههه،،،،وربي يهدي ما خلق،،،اين انت يا صلة الرحم وكيف هي عاقبة قاطعها.

[idem16a]

المشاركة الأصلية كتبت بواسطة rima.87

السلام عليكم ام مهدي .بخير و الحمد لله
واش لي ما نجحلكش البتي فووور او الكرواصون
اذا البتي فوور راني حطيت الوصفة .طلبتها الاخت ارزاق جربي و عينيك مغمضين ..خخخخ
اما الكرواصون تحفة .هي وصفة شهرزاد اذا هي نكتبهالك.

وعليكم السلام ريمة،،،اللي ما نجحليش الكرواصون او بتي فور،اذا أمكن،،،ومن هي شهرزاد. اللي تدير في قناة سميرة؟ وراني أديت الوصفة تاع بتي فور،،أنجربهم أكيد،،نتأكد فقط من المقادير،،ربي يجازيك ويعطيك الصحة

[RIMA.87]

المشاركة الأصلية كتبت بواسطة idem16a

وعليكم السلام ريمة،،،اللي ما نجحليش الكرواصون او بتي فور،اذا أمكن،،،ومن هي شهرزاد. اللي تدير في قناة سميرة؟ وراني أديت الوصفة تاع بتي فور،،أنجربهم أكيد،،نتأكد فقط من المقادير،،ربي يجازيك ويعطيك الصحة

السلام عليكم
صح عشاكم ،ما شا الله هاداك الجواز تاع السلق يشهي اختي ام مهدي
نعم شهرزاد لي جوز في قناة سميرة تيفي
وصفة بسيطة حقيقة كي ندير حبة ما تبقاش يخلاص تم تم هههه بصحتهم
كي نلقى شوية وقت نكتبهالك ان شاء الله

[فاتي 05]

صح عشاكم يا الفحلات عشانا اليوم تليتلي بالدجاج مجمر في الفرن و رخساس و الحمد لله على النعمة.