اليوم حبيت نقلكم على اسرار قلب اللوز
لاني عانيت منو صحصح و وجاني اكتءاب منو
جربتو للمرة الساد سة وما صلحليش لكن صلح في المرة السابعة
تخيلو كل مرة ديريه ونتي متفاءلة وما يصلحلكش وترمي نعمة ربي
والوصفة مدهالي صديق اخي يخدم الحلويات الشرقية بانواعها
مسكين خويا شيطتو عليه كل يوم نقلو روح سقسيه كفاش ندير ههههههه
السر الاول يكمن في الدقيق ماديريش اي دقيق الي جا ولا لي عندك لالالا
لازم تشري دقيق اسمو دشيشة قلب اللوز راه سبيسيال لقلب اللوز يتباع ب خمسالاف الكيلو
السر الثاني تبعي وصفة الست كيلات دقيق بثلاثة سكر وكيلة لبن او حليب كيلة ماء الزهر وكيلة زيت
خلطي معى بعض
القوام تاعو ما يكونش عجين ما تعجنيش خلطي بصباع يديك
وكي تصبيه في السنية ما ترصيهش ستفيه وملسي السطح تاعو واقسميه لانو كي يطيب ما تقدريش تقسميه
ثالث سر الشاربات لازملو شاربات بزاااااااف راه كا ما تسقيه يشرب كي شغل رمل وتصبي فيه
وسبحان الله الكيلة نفسها ستة ماء بثلاثة سكر يعني كما الظقيق والسكر
تبعو هاذ الاسرار وراح يصلحلكم باءذن الله
ونصيحة مني لي حابة تجرب دير كيلة صغيرة بالفنجال وسنية صغيرة واذا صلحلها المرة الجاية كبري الكمية
مدة الطهي مش محددة خليه يطيب من تحت حتى يحمارو الجوانب ومن بعد حمريه من فوق
قبل ما تبداي تحمري فيه من فوق ادهني وجهو بشوية سمن باش يجي لونو احمر باهي كما لي يتباع
وان شاء الله تجربوه كامل ويصلحلكم
وبالصحة والهنا مسبقا
( تقرير عن مشاركة سيئة )، و الموجودة أسفل كل مشاركة .
2015-05-23, 19:50
اسرار قلب اللوز الناجح
العرض العادي
