انا في حيرة كبيرة

[مشكلتي]

السلام عليكم اخوتي
انا شاب على التزام والحمد لله لم تسبق لي علاقات مع البنات من قبل وذلك من فضل الله وبفضل نصائح امي الغالية كتب ربي ونصحوني بفتاة جميلة وعلى خلق وعائلتها محافظة والحمد لله درنا رؤية شرعية وعجبنى لبعضانا مع العلم هي تلبس نظارات وهاذا لي نعتهالي قالي راهو روبوزونت المهم كي راحت عايلتي كل مرا بالنظارات وبصراحة امي معجلتهاش متشتيش لي يلبسو النظارات بعد متفهمنا اعلى الشروط وكلش اما انسيستات اعلى النظارات هل هي تاع الدوم ولا كيفاه حكينا معاها قتلنا بلي مريضة ومن السيام وهي بيهم نتقدرش تتخيهم اخلاص ومام لي لونتي متقدرش اديرهم والمرض تاعها وراثي عندها مشكل في الشبكية انا بصراحة مفهمتش واش اندير
راح تقولولي واش ذنبها وانا واش ذنبي ولادي يخرجو ما يشوفوش راخ تقولولي اعلاه مسقسيتش اعلى لول نقولكم قالولي روبوزونت وانسيستاو الوالدة لوكان تسمع ماش راح تقبل هي ماش ام متسلطة بصح بغيتها تفرح بيا كيما فرحت بخويا بغيت رضاية الوالدين عجبتني الطفلة بصح المرض الله غالب
يادرا لوكان كنت في بلاصتها ونبطل اعليك واش اديري
ولوكان كنت انت في بلاصتي واش ادير مع العلم اني صليت الاستخارة والوالدة ماشي راضية
خاوتي بدون تجريح راني بين المطرقة و السندام انصوني راني خوكم لي بغا يستبيت والعايلة كامل تكون فرحانة

[مراد سابقا10]

يا خويا متقلق روحك لا والوا

راك في فترة خطبة فقط

واذا معجباتكش الخطيبة في اي شيء

توقف من الآن وصارح الفتاة ومتعلقهاش بيك

خير ليك وخير ليها في حوائج كيما المصيرية هذو مكانش حشمة .

[رضاك يا ربي]

السلام عليكم اخي
انت تقول اذا تزوجها وهي مريضة بعينيها
اولادي سيولدون مثلها وكانك اذا تزوجت
امرأة لا تعاني من شي ستضمن أن اولادك
سيولدون اصحاء....هذا ليس صحيحا
المهم اقول لك يا اخي أن تزوجت بها
فاظنك ستظلمها خاصة أن والدتك لم تعجبها
صاحبة النظارات
لكن اؤكد لك شئ واحدا لو كان لك شقيقة بنظارات
فاؤكد لك أن والدتك ستتمنى لها احسن رجل
اترك هذه الفتاة اليوم قبل أن تظلمها
فاظنك لا تستحقها وربما سيرزقها الله من ينظر لاخلاقها
لا الى خلقتها
وان تزوجتها فربما والدتك ستعايرها لهذا تكسر الشر
من بدايته
عسى أن يكون خير لكما انتما الاثنين

[زبدة ذايبة]

انت تبحث على من يساندك الرأي في الانسحاب من هذه البنت.

القرار في داركم اتخذتوه.

وانت راك مقتنع تماما برأي أمك.

لذا

من الأحسن تخلي الطفلة لشخص آخر.

نلقي اللوم عليك. وتتحمل كامل المسؤولية لأنك ماسقسيتش مليح.

أو أنك كنت ساذج بعض الشيء.

نوعية النظارات اللي لبستهم الفتاة اللي تكون طبيعية ماتلبسهمش لما يجو الناس يخطبوها. لأن غرض هذ النظارات واضح وتستخدم في مواطن واضحة.

لكن شفتوها لابسة النواضر وأصريتوا على الخطبة دون تفكير.

خاصة وعلى مايبدو أنكم تركزو على الوراثة والأمراض و التخطيط للمستقبل !!!!!!!!!

حاول تنسحب بلا ما تأذيها وتجرح مشاعرها.
هذا أقل شيء ممكن تكفر بيه على الخطأ اللي ارتكبتوه.

هذا رأيي الشخصي وحتى ترتاح وتطمئن إسأل إمام أو شخص عارف بأمور الشريعة تكون على بينة من أمرك.

[غزلانْ]

السلام عليكم

ليس بالضرورة الارتباط بها ينتج عنه أولاد ميشوفوش
فقط يبقى شأنك و حرية اختيارك لعلك تريد التجوال قصد الصيد معها هههه
فقط قل لها لم نكتب لبعض و نقطة
بالتوفيق

[first first]

.من حقك دقق في الصغيرة والكبيرة

اولا استخر الله فهو اعلم كيفاش راح يجو ولادك؟ان شاء الله
وتساؤللك مشروع ومنطقي لانلومك

وانت تسال لو كنا مكانها ..........يااخي الناس عقليات ..........هناك من ستتحسس ......هناك من تتعقد ......وهناك من تتاثر يومين وتقول اكيد يجيني احسن منه

وحتى لانجرح اصحاب النظارات ................الواقع يثبت ان الكثيراااااااااااااااااااااااااااااااااات متزوجات والحمد لله ................ان لم تتقبل انت فهناك الملايين يتجاوزون هته المسالة ببساطة

وانت حر يااخي.

[رندة.]

زيد صلي صلاة الاستخارة وربي مايخيبكش ان شاء الله.

[sohaibdz]

يا خويا المهم ترضى الوالدة والوالدة كاينة وحدة برك و ربي سبحانو وصا عليها و خطيبتك تاني كيما تبطل مراكش رايح تظلمها تاني ،،، اتا ننصحك تقول لامك على مرض خطيبتك و تشوف معاها اذا قبلت اللهم بارك اذا ماقبلتش مكانش مكتوب الله غالب
و ربي يسهلك

[dede2000]

النظرات في راي مهمش مشكل يا أخي
وقادر انت ينقص النظر نتاعك مع تقدمك في العمر وديرهم
انت حبيت راينا في الموضوع وحبيت تحطنا في مكانك ونمدو راينا
انا شخصيا نشوف المشكل بسيط بل مهوش مشكل اصلا .
نقلك وين راه المشكل،المشكل راه في أمك راها دايرة طريقة مثل الاندية الاوربية الكبيرة قبل إمضاء اللاعب علي العقد لزم يفوت الاختبار الطبي بنجاح بصح هذي متصلحش مع الزواج لانو جدادنا قالو لقمر وفيه لولة......يعني الكمال لله وحده
وبالتوفيق اخي

[misktyba]

السلم عليكم ورحمة الله :أولا من ضمن لك أن أولادك سيكونون مرضى مثلها .ثانيا : ضع نفسك في مكانها و ما الحياة الا أيام لك و أخرى عليك ، من ضمن لك أنه سيكون لديك أولاد هل سترضى أن تتخلى عنك زوجتك لشيء لاذنب لك فيه .ثالثا الوالدة حفظها الله ورعاها اذا عندها بنت مثلها فأكيد ستتمنى لها زوجا في أحسن أحواله .فلا تتردد أخي الكريم و صارح والدتك و حنن قلبها بالتي هي أحسن و أكيد في الأخير ستلين اذا أحسنت التعبيرالمهم أنت أعجبتك وهي متدينة فأظفر ...توكل على الله و دع التقدير للقادر المقتدر

[misktyba]

قصر النظر ليس مشكلا فهناك من أعرفها عز المعرفة تزوجت برجل ساقاه مبتورتان و هي ذات جمال ماشاء الله لكن لم تنظر لاعاقته من الجانب السلبي .وهناك من تزوج بمقعدة على كرسي تعاني من ضمور في ساقيها و الحمد لله تعالى رزقهما الله 3 أطفال و ماشاء الله عليهم ...حاول اقناع الوالدة وأكيد سوف ترضى في الأخير مادمت متمسكا بها ولاتدري فعلا اي خير ستجلب لك .

[ابو سليمان10]

و ما هو هذا المرض ...اسال مختص...القول ان الشبكية فيها علة غير دقيق...بما انها تلبس نظارات اغلب الظن هي myopie اي قصر النظر و الذي هو امر شائع جدا و بدرجات متفاوتة.....هو فعلا وراثي لاكن ليس بالضرورة ان كان الابين خاليين من هذا المرض الا ينتقل للاطفال...اضف الى ذلك انه بفعل الاستعمال المفرط للحواسيب و الهواتف و الشاشات عموما اصبح قصر النظر منتشر جدا قد لاتجد فتاة فيها ما تريد من مواصفات و لا تحمل النظارات

[kader001]

الخطبة جعلت لذلك............ تبين الحال و كن صريحا في الفصل بالأمر فإما انفصال ام مضي في الزواج و اتمام الدخلة ..سلام

[ابنة الاسلام]

برأيي اعرف الاسم العلمي للمرض واستفسر عنه اخصائيا ...حاول تفهم منو مليح
اذا ماراكش مقتنع مهما كان رد الاخصائي ف غي gاري احسن لك ولها
ربي يعوضها ويعوضك
موفق

[زهرة وهران]

يا خويا ما تظلمش بنت الناس معاك و هذاك خلق ربي حتى واحد مااختار روحه
اذا قررت فسخ الخطبة قولها ماكتبش المكتوب ... .. لا تؤدها و لا تصارحها حتى لا تتعقد و تحس بالنقص فهمتني