عاجل

[oum kholoude]

حسبي الله و نعم الوكيل في مصححي اوراق الجزائر الوسطى قهرتوا اولادنا عندكم عقد نفسية خرجتوها في اولادنا حسبي الله ونعم الوكيل حطمتوهم في الفرنسية ربي يهديكم

[لجين وفاء]

والله ياختي هدا وين جيت من المؤسسة رحت على جال الرلوفي دنوت تاع بنتي قالتلي المعلمة رآهم زيرو في التصحيح بزاف يحوسو على التلميذ يجاوب نفس الإجابة النموذجية وحاسبوهم على كل صغيرة وكبيرة
مثل الإجابة تاع المبدأ في سؤال التناسبية إلى مايعللش مايعطوهش النقطة وزيد وزيد مدتلي قداه من مثال وقالتلي الحمد لله الي نجحت بنتك ماتتقلقيش على المعدل
واش نقولو الي نجح مبروك عليه والي مانجحش ربي يوفقو في المستقبل

[oum kholoude]

ربي يجازيك بالخير اختي بصح في هده الايام المباركة راني نصلي وندعي حسبي الله ونعم الوكيل مسودة ابني في الفرنسية 10 في التصحيح عطاولو 6 مع انو كتابته مفهومة ملي بدا يقرا الفرنسية وهو يجيب 10و 9

[لجين وفاء]

وكلي ربي أختي هو حسبكي وهو وكيلك

[محتاجة لعفو الله]

يا اختي راني حاسة بيك بصح اللي فات مات ما تتحسريش على الماضي لأنو رايحة توجعي قلبك برك و اتذكري انو الحمد لله على كل حال و كلشي بمكتوب ربي ما تخليش الفرحة تزول افرحي بوليدك و بينيلو ذلك خليه يشوف الفرحة في وجهك باه ما يتأثرش بواش صرى المهم انت راكي تعرفي المستوى الحقيقي لابنك و مازالو اليامات و باذن الله رايح يحقق نجاحات ما تمديش للموضوع اكثر من حقو لأنو أي شيء يصرانا من حكمة الله حنا برك نتقلقو فوق اللازم و اكيد كل شيء فيه خير
و ما تنسايش قول الرسول صلى الله عليه وسلم: ((عجبا لأمر المؤمن إن أمره كله له خير، وليس ذلك لأحد إلا للمؤمن: إن أصابته سراء شكر فكان خيرا له، وإن أصابته ضراء صبر فكان خيرا له))

نتمنى انك تنحي هاد الهم عليك و تشوفي للأيام القادمة و تحسني الظن بالله لانو كل شيء مقدر

تمنياتي لابنك بالتوفيق و النجاح و التفوق

[dahmane42]

المهم أنجح ألف مبروك توكلي على الله