ال ي اتحب تتعلم الديول الحقيقي مع ام رحاب تتفضل

[سحابة باردة]

ماشاء الله حبيبتي أم رحاب جاك روعة وهايل الديول يعطيك الصحة على خدمة الحراير
حتى اختي تخدو بنفس طريقتك وتوزع علينا كامل فكرتيني في البلاد الله يخلي لولاد كيما تقول فيروز

[x ام رحاب x]

سحابة باردة شكرا حنونة على كلامك ياطيبة على حساب هدرتك راكي مغتربة علابيها توحشتي لبلاد ان شاء الله ربي يجيبك لبلادك في اقرب الاجال وربي يخليلكم اختك الي تتفكركم وانت تاني ربي يفرحك حبيبتي شكرا على المرور

[muhibbat rrasoul sws]

الأخت أم رحاب، اذا تعرفي تديري القطايف حطينا الوصفة ربي يجازيك، حاولت تاع اليوتيوب ما نجحتش.

حبيت نقولك بلي كي بديت ندير الديول كنت ما تبعتش الوصفة تاعك بالتحديد لأني كنت نسيتها و استعملت تاع اليوتيوب كيلة فرينة كيلة سميد، و بهذه الكمية كانت تجيني خشينة لكن المقادير تأوعك خلاو الديول مثلهم مثل تاع برا ( تقريبا ) و لاحظت أنهم بالعكس ما يلصقوش كيما بعض تاع برا و ما يتقطعوش و ما يتكسروش.
الورقة مازالت ماشي شابة كيما تاعك الله يبارك لكنها مقنعة الحمد لله و رقيقة، ربي يجازيك.

[oumhadjer]

بارك الله فيك

[ماماخالد]

الله يعطيك 1000 عافية

[اكرام براءة]

بوركت أختي

الله يخليك

[somaia1999]

الله يبارك عليك يشهي نشاالله نجربو ونرد لك الخبر لكن المشكل في السنيوة اذا كانت نتاع نحاس ماعنديش ولا اي سنيوة

[x ام رحاب x]

وفيكم بركة وربي يخليكم على المرور
السنيوة لازم تاع النحاس واتكوني قزدرتيها عند الي يبيع النحاس باه تخدملك وان شاء الله تجربيهم وتنجحي فيهم
القطايف انجيبلك الوصفة بالتدقيق وانحطهالك ماعليش

[x ام رحاب x]

المشاركة الأصلية كتبت بواسطة x ام رحاب x

السلام عليكم ورحمة الله وبركاته اليوم حبيت انلبي طلبات حبيباتي في تعلم الديول وان شاء الله تتعلمو واتعودو انتوما تعلمو في اهاليكم نبداو بسم الله
المقادير
2 كيلات دقيق ممتاز وكيلة فرينة والكيلة الي اتشوفوها في الصورة درتلها مغرفة كبيرة زيت الزيت ماتكثروش راه ماتنجحلكمش الديول

وهادي السنيوة تاع الديول

انخلط الدقيق وفرينة وانحط مغرفة زيت ومغرفة صغيرة ملح وانعجن بالماء وانجريه شوية وانخبطو شوية وانخليه يرتاح ساعة وانعاود انولي ليه انعاود نخبط من تحت الي فوق باه يتعجن مليح وانخليه تاني ساعة وكي يرتاح نخدم بيه
انوجد قدامي العجين والماء باه كل مرة انغسل يدي وانحي العجين من يدي وانعاود العملية حتان انكمل ودوكة اتشوفو معايا نحكم العجينة واندير كي شغل راني نمسح في السنيوة والطابونة اتعود شاعلة قليلة باه ماتتحرقلكمش الديول واتفسدلكم السنيوة والي مافهمتش كيفاه اجبدوها في الانترنات واتشوفو كيفاه تخدموها وكي اتكملو الخدمة تحكمي المغرفة تاع الحطب واطلعي لطراف من السنيوة باه ماتحرقيش يديك واتنحي الحبة واديريها في طارشونة واتحطو كل حبة على جيهتها الملساء من تحت والحرشة من فوق باه مايلسقوش ليكم الديول واليكم الطريقة بالصور ان شاء الله تفهمو

هادا لعجين كي شمختو واتخلوه يرتاح

اهنا راه واجد للخدمة




واهنا شوفو كيفاش يبرقو ورطبين ورقاق ماشي خشان ايجو يقرمشو



والان درت الحشو تاع البوراك باللحم مرحي والزيتون والفورماج والبيض

ان شاء الله يعجبكم الموضوع وانعود السبة في تعلمكم الديول راه جاي رمضان ديرو الهمة واتعلمو راه جا الوقت دعوة من عندكم تكفيني