مشاركتي الاولى

sousou_90 · 2014-09-19, 18:08

السلام عليكم هاذي اول مشاركة ليا راني حبة ندير موضوع جديد نتشاركوا فيه بحشوات البيتزا لانه في العالم باكمله يوجد اكثر من 2500 حشوة للبيتزا
و اول وحدة راح تبدا هي انا :
البيتزا نتاعنا نديروها بالطماطم و الكفتة و التونة تاع الزيت و الفطر و الزيتون الاسود و من الفوق جبن مبشور
و مرات نديروها فقط بالطماطم و الكفته و الزيتون و كي تطيب نديرو ملفوقا مايوننيز
للاسف ما عنديش الصورة تع البيتزا الكاملة لكن انشاء الله نحطها في اقرب وقت ممكن
و ها هي صورة البيتزا الغير كاملة :

malek nour hane · 2014-09-19, 18:16

شكراااا اختي بارك الله فيك على الموضوع.. مام انا ندير هكا صوص طومات مرة طون و لا لحم مرحي و لا دجاج مرحي أو متبل و مقلي أو مشوي و نفتتو و ندير فلفل ألوان و فلفل حار زيتون أخضر زيتون اسود دبشة فطر مقلي فرماج عادي و رابي و مرات كوممبير

sousou_90 · 2014-09-19, 18:40

بارك الله فيك اختي حنا جامي درناها بالدجاج غادي نسيووها كاش نهار شكرا اختي

أم ضياء عبد الرحيم · 2014-09-19, 18:40

شكرا اختي على الموضوع انا عندي بيتزا تاع الترفاه يعني كي يكون لفريجيدار معمر و بيتزا التحراق كي يكون الفريجيدار بدا يفرغ

طبعا ديما ندير فيها لا صوص تاع البيتزا
الاولى نديرها بالطونة و فلفل الوان و انواع تاع الجبن مثل جبن موتزاريلا و جبن شيدار و جبن الماعز تجي بالجبنة هذه حطة و طبعا الزيتون و الريحان
و سعات نديرها غير بالاجبان و الريحان
نديرها سعات بالسلمون المدخن ولا كريم فريش و الاجبان تجي تحفة
و كي تكون ثلاجة بدات تفرغ ندير واش عندي يعني سعات ندير فوقها جريوات مقلية و شوية جبن تاع المثلثات و الزيتون نقطعو باه يكفيني او اي خضر عندي في الثلاجة نهار درتها بالبيضنجان مشوي جات مليحة و اذا ماكنش خلاص لاصوص و الفرماج و الحمد لله على النعمة

أم ضياء عبد الرحيم · 2014-09-19, 18:43

كي نلقى الصور تاع البيتزا باذن الله نحطهم الميكرو عندي مخلط سلام

sousou_90 · 2014-09-19, 18:48

شكرا على المرور اختي و خدي وقتك في الصور وقت لي تبغي لانه الموضوع راه دائما مفتوح

*سندوسة* · 2014-09-19, 18:56

بارك الله فيك

sousou_90 · 2014-09-19, 19:25

و فيك بارك الله و شكرا على مرورك الجميل اختي

lilii7179 · 2014-09-19, 21:18

كيما قالت الاخت جيادا كاين بيتزا الترفاه و بيتزا التشومير
انا نديرها بالتونة, اللحم المرحي, المرقاز, السردين, les anchois, les chamipgnons لكن مرة جربتها بعفسة و جات هايلة : كانو عندي بقايا دجاج , فتتو , و حطيتو في مقلة مع شوية زيت, ملح, فلفل اسود , كركم, كسبر و زنجبيل, هاذ الكميات كامل على راس المغرف, زائد 2 سنات ثوم او اكثر حسب كمية الدجاج, كي تقلاو مليح حطيتهم فوق البيتزا و النتيجة كانت رائعة

sousou_90 · 2014-09-20, 11:24

شكرا الاخت ليلي راكي شاركتي بعفسة رائعة و اتمنى البنات لي شافوها يسيوها

ام يوسف 2013 · 2014-09-20, 16:48

الله يبارك أختي و مرحبا بيك معنا

الألماسة · 2014-09-20, 20:18

شكرا على موضوعك

ام اريام · 2014-09-20, 20:58

موضوع شيق .كيما قلتو لبنات نوعو البيتزا على واش عندنا من انواع زيتون واجبان ولصوص وساعات مانديرش صوص تمات ندير فرماج بلون ومن فوق تزيين عادي يعني تجي بيضاء مش حمراء والا ماكانش ندير ساعات كرام فراش ثقيلة ونسمها بالحبق والاعشاب العطرية الاخرى مثلالزعيترة والتزيين من فوق واش عندي

ويناروز · 2014-09-20, 21:02

بارك الله فيك

sousou_90 · 2014-09-20, 23:14

و فيكم بارك الله شكرا الاخوات على المرور الجميل و المشاركة الاجمل جزاكم الله خيرا