اللوبيا بالخرشف من عند ام رحاب

[x ام رحاب x]

السلام عليكم ورحمة الله وبركاته
اليوم حطيت فطوري في الكوزينة اللوبيا بالخرشف ماعرفوهاش قلت انحطها باه اتعم الفائدة وانبدلو شويا من نفس الوصفة
اتشمخي اللوبيا من اللييل طبعا هادي كامل تعرفوها نغسلها مليح وانحطها اتغلي وكي تبدا تغلي كي يطلعو الماء الابيض كي الرغوة لازم اتنحيه هاداك الي يسبب الغازات لازم نتخلصو منو في هاداك الوقت نقي الخرشف واغليه بشوية خل وماء وكي يغلي مدة نص ساعة وارمي الماء الي غليتي فيه الخرشف هاداك الماء ايكون مر واكحل امبعد ارمي الخرشف مع اللوبيا وخليه ايطيب
وكي اطيب انوريلكم طريقتي في الطياب انا مانديرش الدرسة طول في الطنيجرة انا الدرسة انحطها وحدها اندير الثوم في كاسرونة وحدهم اندير الثوم العكري الملح فلفل اكحل والكمون ولسكنجبير والملح والزيت والطماطم المصبرة واتكتكي كلش مع بعض ومرقي بشوية ماء كي اتمرقي عاودي ارميعا في الطنيجرة تاعط علاش درت هاكدا باه ماتتحرحرلكش اللوبيا وكي ادوزنيها الدرسة وحدها اجيك حمرا وبنينة جربيوها وشوفو وكي تغلي 3 غليات وادوقي طبعا الملح خلاص راهي طابت عندك اطيب اللوبيا بالخرشف
هادي اللوبيا كي تبدا تغلي لازم اتنحي هاد الرغاوي هوما الي يسببولك الغازات

وهنا الخرشف كي غليتو

واهنا الدرسة الي قلتلك عليها

واهنا كي مرقتها

وهنا اللوبيا كي طابت

واهنا كي مرقت اللوبيا ارميتلها الدرسة وغليتها شوية واطفيت

واهنا كي سقيتها وجبتلكم الخبز باه اتغمسو و



ان شاء الله تعجبكم اللوبيا واجربوها

[آسيا 27]

:1 9:

[Noor Hassan]

يسلموا شكرا جزيلا

[omhadil]

يعطيك الصحة ام رحاب امممممممممممم راهى تشهى نجربها ان شاء الله

تسلميلي يا احلى ام رحاب راح نجرب وصفتك من الف للياء ومنها نتبادلو الوصفات والاذواق
خرجتلك تشهيييييييييييييييييييييييي غاليتي
ربي يجازيك كل خير يااااااااااااااااااارب

[ام و ابنة]

اممممممم
فعلا هذا ما يليق في البرد
بصحتكم
بصح قولي لي ما تديريش خلاص البصل؟

[ذات النورين]

طبعا كي العادة الشاف ام رحاب نمبر وان في الاطباق الشهية الصح الصح عمري ماجربت اللوبيا مع الخرشف ولكن الطبق يبان يشهي واكيد نجربها وندعيلك غاليتي

[x ام رحاب x]

المشاركة الأصلية كتبت بواسطة آسيا 27

:1 9:

المشاركة الأصلية كتبت بواسطة noor hassan

يسلموا شكرا جزيلا

المشاركة الأصلية كتبت بواسطة omhadil

يعطيك الصحة ام رحاب امممممممممممم راهى تشهى نجربها ان شاء الله

ربي يخليكم حبيباتي على المرور تسلمو

[x ام رحاب x]

المشاركة الأصلية كتبت بواسطة ام يسرا

تسلميلي يا احلى ام رحاب راح نجرب وصفتك من الف للياء ومنها نتبادلو الوصفات والاذواق
خرجتلك تشهيييييييييييييييييييييييي غاليتي
ربي يجازيك كل خير يااااااااااااااااااارب

وجزاك جنة الفردوس مع النبيين والصالحين تسلمي ياطيبة على المرور راني نستنا في التطبيق

المشاركة الأصلية كتبت بواسطة ام و ابنة

اممممممم
فعلا هذا ما يليق في البرد
بصحتكم
بصح قولي لي ما تديريش خلاص البصل؟

تسلمي حبوبتي لالا مانديرش البصل في هاد الوصفة

المشاركة الأصلية كتبت بواسطة ذات النورين

طبعا كي العادة الشاف ام رحاب نمبر وان في الاطباق الشهية الصح الصح عمري ماجربت اللوبيا مع الخرشف ولكن الطبق يبان يشهي واكيد نجربها وندعيلك غاليتي

عيونك الشابين حنونتي تسلمي على كلامك الطيب حبيبتي وشكرا على الدعوة

[اسمهان79]

والله هاذ المنتدى خلانا نتعلمو أشياء ما كناش نعرفوها وما تخطرش على البال روعةةةةةة
يعطيك الصحة يا احلى ام رحاب
واحلى تقييييييم حبيبتي

[ام أمينة]

يعطيك الصحة ام رحاب اول مرة نشوف الوبيا طيب وحدها ولصوص طيب وحدها نجربها ونردلك الخبر احلا تقييم

[البحر الصافي]

يعطيك الصحةام رحاب باينة بنينة
نقلك نفس طريقتي في كلش سبحان الله لقلوب عند بعضها
لكن بلا خرشف المرة الجاية نجرببها بيه

[sunshine2013]

بعطيك. الصحة ختي

[x ام رحاب x]

المشاركة الأصلية كتبت بواسطة اسمهان79

والله هاذ المنتدى خلانا نتعلمو أشياء ما كناش نعرفوها وما تخطرش على البال روعةةةةةة
يعطيك الصحة يا احلى ام رحاب
واحلى تقييييييم حبيبتي

الله ايسلمك حبيبتي فرحتيني بمرورك ربي يبارك فيك على التقيم

[x ام رحاب x]

المشاركة الأصلية كتبت بواسطة ام أمينة

يعطيك الصحة ام رحاب اول مرة نشوف الوبيا طيب وحدها ولصوص طيب وحدها نجربها ونردلك الخبر احلا تقييم

جربيها حبيبت قلبي واتشوفي الفرق تسلمي حنونة على التقيم شكرا على المرور