الكلِمة وما أدراك ما الكلِمة

[123boutheina]

سلام الله عليكم

إخواني عندي مُشكلة اتمنى مُساعدتكم ودعواتكم


الكلمة تؤذيني جدا , واتحسس لدرجة فضيعه , ونتخذ موقف وقد يصل حد القطيعه ولا يبقى غير السلام تع فوق القلب
وفوق هذا يبقى الموقف وتبقى الكلمة ترن في راسي لايام وايام
هي ماشي جديدة عليا ولكن في السابق كنت نتحسس ونتاذى شوي وننسى
ولكن متوصلش لدرجة اني نكره او نحقد ونحكمها في قلبي
الان يوغر القلب وتحز في روحي ونبقى نطلع ونهبط ونتوسس ويبقى غايضني لحال جدا
ثم نقطع الصلة اذا لقيت من امامي لشتى وش كانت مكانته سمطها بزيادة

مثلا

عندي خالتي تتعمد يعني الاستفزاز ,طبيعتها هك , لادنى سبب يعني زوجها قلقها او ولادها سمطوها عليها
تبدى تطيش الهدرة
فمرة كنت فلغرفة جالسة فتقولهم وبصوت عالي عيطوا عيطوا لهذيك لي زعما ****
فأنا تحز في نفسي جدا
وقلتلها ياخالتي راو يغيضني لحال كي تقولي هك فتزيد تهبل
وتشوف اني نبالغ وانها عندها من الحق ما يسمح ليها تقول وشتا تحب ليا
(مع انه باقي لبنات عادي عندهم لا تحسس ولا غيره برغم زيادة حدته على الي تقوله ليا )

ابي مثلا يكون يتكلم وياخذ ويعطي وفجاة يقول حاجة
الحاجة هذي تقيسني تاذيني وايه علابالي طبيعته يتنارفى و يتقلق ليه ليه ولازمله مساعفه
ولكن والله نفسيتي تسوء لدرجة منقدرش نشوف ليه , انا بشر في النهاية

الاخوة مثلا هو تقدير لي تقوم بيه من اجلهم مكانش
وفوق هذا يرميو لحديث , يرميو الكلام , فخلاص انا نولي منشوفش الضو

الاصدقاء , اساتذة يقريوني , ناس لبرا منعرفهمش وهكذا
لي يطيش كلمة تخلاص عليا انا ونتعذب جدا وبطلوع الروح باه نرتاح (وكل هذا في صمت يعني )

والنتيجة لي عُدت فيها

// بعض الناس قطعتهم وباقي غير السلام

// بعض الناس حذرين جدا من الهدرة معايا

//البعض يتحاشني



فـ حاليا مرتاحه
صحيح تعاملي اصبح جد محدود حتى مع اقرب الناس , وصحيح سعات نلمح نظرات حزن او خيبة وغيره ولكن معادش يهمني بزاف

ولكن موش اسلوب حياة هذا , حتتحتم عليا اني نعايش ناس ونشوف ناس ونقابل ناس
وهذو الناس ماشي ملائكة
ومهما وش كان القرب يومها رح يخرج كلام
فانا خايفه من العذاب خايفه من نفسي , خايفه من الحقد والكره لي عاد يتولد لي


نصائحكم رجاءا , ولُطفا بي ارجوكم

[hiba regalo]

الحقيقة ختي صح الانسان لازم اجتماعي وكلشي
مي عن نفسي نخسر الناس ومانخسرش روحي ابدا
كوني حذرة لكن في الاخير ليك نفس وروح تحسي بيها

[123boutheina]

الحقيقة ختي صح الانسان لازم اجتماعي وكلشي
مي عن نفسي نخسر الناس ومانخسرش روحي ابدا
كوني حذرة لكن في الاخير ليك نفس وروح تحسي بيها

اهلا هبة , وشراكي ؟
صدقيني يا هبة سعات الموقف رُبما لا يستحق ولكني نتحسس ونتاذى ونتالم جدا (يعني مثلا قادر نبقى ليل كامل نخمم وعلاش وكيفاه ...), وتوصل للحقد والكره
ونحير في نفسي في لحظة صفاء علاش ندير هك ؟

علاش نتعذب هك ؟


انا غايضتني روحي اكثر حاجة يا هبة , لان القائل متهني ورايح

كذلك ماشي حابة نحقد ونكره حد لانه عذاب ليا قبلهم هم

ماشي حابة نكون حساسة للدرجة هذي , ماشي حابة نتاثر بالصورة العظيمة هذي

الدنيا وش فيها مواقف و لن تقف على كلمة فعلاش نوقفها انا مثلا ؟

[hiba regalo]

الدنيا راها ماشية
ديجا كاين عيباد يحبو يعملو هكدا باه يقلقوك زكارة انتي كوني ذكية ماتعطيش الفرصة لاي كان
ديري روحك الهدرة مش عليك

لكن الحقد لالا علابالي يضرك انتي في الاخير

فوتي فوتي ماتحبسيش عند كل موقف

[أنس_26]

وعليكم السلام
شوفي اختي ماتمرين به حسب ماقرات مشكلتك هو الفراغ
الفراغ ممكن يدمر حياة الانسان ...ماتحتاجينه هو ان يكون لك هدف كبير وقوي تعيشين من اجله
صدقيني بمجرد ملأ هذا الفراغ لن تجدي الوقت الكافي لمثل هذه التفهات وسطحيات يعني ممكن يعطس واحد تحسسي منوا وهكذا لانه العقل البشري هكذا يتعامل مع الامور
كما قلت لك لديك 24 ساعة في اليوم لازم تبقاي مشغولة و يكون عندك اهداف حتى لو صغيرة
تحياتي وربي يوفقك ان شاء الله

[first first]

حاولي تقللي من حساسيتك ماامكن

لانه الصراحة ضعف ان نجعل نفسيتنا و مزاجنا مرتبط ببما يتفوه به غيرنا

صحيح نحن بشر ...................لكن والله نصيحة من لاخت لاختها ................خلي اعصابك ووقلقك لاشياء اعضم لاقدر الله .............ماشي لتسمعيها تقول عليك هذيك.. تدخلي في كابة وقلبك يتعصر ؟؟؟ هكذا ستمرضين والفائدة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ارجو ان لايزعجك كلامي . هذا فعلا راي في الموضوع والاسلوب الذي اتبعه شخصيا لاعيش بسلام ووءام

[first first]

عفوا حيت نقولك العنوان جميل جدا وفعلا الكلمة ومادراك مالكلمة
واحد يتفوه بما خطر على باله وهو لايدري اي اثر تحدثه في الاخريين؟؟؟
وهنا يحضرني الحديث الشريف

من كان يؤمن بالله واليوم الآخر، فليقل خيرًا أو ليصمت.

.

[سَامِيَة]

وعليكم السلام

صحيح الجروح في الجسم تندمل
أما أثار الكلمة الجارحة فمن الصعب
أحيانا أن نمحوها.

عندي سؤال :
متى يكون وضع الملح على
الجلد مؤلما أكثر؟؟؟؟؟

-عندما نضعه على الجلد المجروح
مباشرة.
-عندما نضعه على الجلد العادي.

بمعنى كيف حالك مع الثقة في
النفس؟؟؟؟

لأنه الإنسان عندما يكون يعاني
من نقص في ثقته في نفسه
بسبب عيوب فالشخصية أو عيوب
خلقية تكون نفسه دائما في حالة
تأهب لالتقاط أي انتقاد وتفسيره
وربطه بما يعاني منه........

صدقيني عندما تثقين في نفسك
ستشفقين على غيرك وهو يحاول
استفزازك.

[123boutheina]

الدنيا راها ماشية
ديجا كاين عيباد يحبو يعملو هكدا باه يقلقوك زكارة انتي كوني ذكية ماتعطيش الفرصة لاي كان
ديري روحك الهدرة مش عليك

لكن الحقد لالا علابالي يضرك انتي في الاخير

فوتي فوتي ماتحبسيش عند كل موقف

المُشكل داخلي يا هبة , موش ظاهر للعيان

ايه نعم نفوت ومنحبسش على كل موقف وهذا مااريد ولكن كيف ؟

شكرا جزيلا

وعليكم السلام
شوفي اختي ماتمرين به حسب ماقرات مشكلتك هو الفراغ
الفراغ ممكن يدمر حياة الانسان ...ماتحتاجينه هو ان يكون لك هدف كبير وقوي تعيشين من اجله
صدقيني بمجرد ملأ هذا الفراغ لن تجدي الوقت الكافي لمثل هذه التفهات وسطحيات يعني ممكن يعطس واحد تحسسي منوا وهكذا لانه العقل البشري هكذا يتعامل مع الامور
كما قلت لك لديك 24 ساعة في اليوم لازم تبقاي مشغولة و يكون عندك اهداف حتى لو صغيرة
تحياتي وربي يوفقك ان شاء الله

يا انس يا اخي , اذا على الشُغل فأنا يعني مالية وقتي قراية , نهتم باموراتي , امورات العايلة

عندي اهداف ماشي بالعظيمة ولكن لا باس المهم راهي تتماشى مع واقعي

المُشكل هو انصدامي مع الناس وانا في شُغلي , خلاص نفشل ونتعب جدا


شكرا جزيلا

حاولي تقللي من حساسيتك ماامكن

لانه الصراحة ضعف ان نجعل نفسيتنا و مزاجنا مرتبط ببما يتفوه به غيرنا

صحيح نحن بشر ...................لكن والله نصيحة من لاخت لاختها ................خلي اعصابك ووقلقك لاشياء اعضم لاقدر الله .............ماشي لتسمعيها تقول عليك هذيك.. تدخلي في كابة وقلبك يتعصر ؟؟؟ هكذا ستمرضين والفائدة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ارجو ان لايزعجك كلامي . هذا فعلا راي في الموضوع والاسلوب الذي اتبعه شخصيا لاعيش بسلام ووءام

مهو التقليل يا first first ماشي عارفتله منين نبداه , كانت الازمة شوي وبداية هذا العام زادت جدا

نمرض بالفِعل لاني كيما قلت في رد سابق يمكن حتى نبقى ليل كامل نتالم

لا ابدا لم يزعجني كلامك يا عزيزتي , انا فِعلا محتاجة علاج والا مكنتش نكتب موضوع نطلب فيه مساعدة

عفوا حيت نقولك العنوان جميل جدا وفعلا الكلمة ومادراك مالكلمة
واحد يتفوه بما خطر على باله وهو لايدري اي اثر تحدثه في الاخريين؟؟؟
وهنا يحضرني الحديث الشريف


من كان يؤمن بالله واليوم الآخر، فليقل خيرًا أو ليصمت.

يا اهلا من جديد , انتِ الجميلة يا اختي بحضورك الطيب

صح والله الكلمة وما ادراك ما الكلمة

بارك الله فيكِ

وشكرا لكِ

.وعليكم السلام

صحيح الجروح في الجسم تندمل
أما أثار الكلمة الجارحة فمن الصعب
أحيانا أن نمحوها.

عندي سؤال :
متى يكون وضع الملح على
الجلد مؤلما أكثر؟؟؟؟؟

-عندما نضعه على الجلد المجروح
مباشرة.
-عندما نضعه على الجلد العادي.

بمعنى كيف حالك مع الثقة في
النفس؟؟؟؟

لأنه الإنسان عندما يكون يعاني
من نقص في ثقته في نفسه
بسبب عيوب فالشخصية أو عيوب
خلقية تكون نفسه دائما في حالة
تأهب لالتقاط أي انتقاد وتفسيره
وربطه بما يعاني منه........

صدقيني عندما تثقين في نفسك
ستشفقين على غيرك وهو يحاول
استفزازك.

يا اهلا

اممممم لا اظن يا فتاة عادية , رُبما مش حكاية ثقة والا كنت تنبهت من زمان وطلبت مساعدة في هذا


فمثلا لما خالتي تقولي (يا هذيك*** ) سواء كنت انا وياها فقط ووحدنا او في جمع غفير التاثير نفسه يا فتاة عادية

هي حكاية نفسية تتالم وتتوجع ويغيضها الحال


شكرا جزيلا لكِ

[عبدالودود13]

السلام عليكم. شكرا لك اخي الكريم بارك الله فيك