|
قسم مستخدمي النظام العسكري و الخدمة الوطنية يهتم بمعالجة قضايا، انشغالات و مشاكل المستخدمين العسكريين و شبه عسكريين و كل ما يتعلق بالخدمة الوطنية في الجزائر |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
لكل من لديه استفسار عن الخدمة العسكرية
|
أدوات الموضوع | انواع عرض الموضوع |
2017-01-12, 23:11 | رقم المشاركة : 1 | ||||
|
لكل من لديه استفسار عن الخدمة العسكرية
السلام عليكم اخوتي أنا أديت الخدمة العسكرية دفعة سبتمبر 2015 بالمدرسة العليا للعتاد الحراش كل من يستعد للذهاب هذه الأيام و لديه استفسار عن هذه المدرسة أو عن الخدمة العسكرية بصفة عامة فأنا هنا للمساعدة
|
||||
2017-01-13, 13:54 | رقم المشاركة : 2 | |||
|
انا راهم بعثوني ليها |
|||
2017-01-13, 14:15 | رقم المشاركة : 3 | |||
|
انا رايح ان شاء الله للمدرسة التطبيقية للنهدسة ببجاية في دفعة جانفي2017 اخي نقدر ندير روطار شوي وتيلفون مسموح ولانقدر نخبيه .. |
|||
2017-01-13, 23:05 | رقم المشاركة : 4 | |||
|
السلام عليكم أخي أولا نقولك أن المدرسة هاذي تعتبر من أحسن المدارس في الجزائر من ناحية النظافة و التنظيم و الاطعام و حتى المعاملة لكن لما نقولك هكذا ماتتخيلهاش جنة بل المقصود أنها جيدة مقارنة بالمدارس الأخرى و العسكر يبقى عسكر. ضركا نحكيلك على التجربة كما عشتها أنا ببعض التفصيل المرحلة الأولى هي من الوقت لي تدخل فيه المدرسة الى غاية اليوم لي تلبس فيه الكومبا أو اليوم لي تخرج فيه معفى أولا لما تدخل راح يفتشولك الكابة تفتيش بسيط و بالنسبة للبورطابل تقدر تحتفظ بيه حتى في جيبك لأنهم ماشي راح يفتشوك (رغم أنهم يقولولك ممنوع و يبداو يخلعو فيكم) و الأحسن أنك تدي معاك اثنين واحد مكسر أدفعو و واحد خليه عندك و استعملو بحذر لأنهم لوكان يلقاوه عندك ينحيوهولك و من الأحسن يكون بورطابل عادي (حطبة) بدون كاميرا باش حتى اذا حكموه عندك ماتوليش في المشاكل و الباطري تاعو تشد مدة طويلة لأنك راح تلقى صعوبة في الشحن داخل المدرسة اذا دخلت في الأيام الأولى راح تلقى بلاصة في الشاليات يعني عندك سرير و خزانة تدير فيها قشك أما اذا دخلت في الأيام الأخيرة و كانو الشاليات معمرين راح يعطوك ماطلة خفيفة و غطاء و ترقد فوق الأرض و في اليوم لي تدخلو فيه راح يجملوكم و يدوكم للطبيب تاع المدرسة لي هو برتبة كومندو هنا لي عندو ملف طبي لازم يديه معاه لأن الطبيب هذا راح يفحصكم و لي ما عندو حتى مشكل صحي أو ملف طبي يديرو "apte" يعني مقبول مباشرة أما لي عندو ملف طبي يديرو "en instance" و يبعثوه الى البليدة يديرولو فحص ثاني "contre visite" عند طبيب مختص لكن باش يبعثوك تستفرق وقت لأن العدد كبير و في كل مرة يعيطو لمجموعة يبعثوها و لما تفوت contre visite الطبيب المختص هو لي يقرر اما يديرك مقبول أو معفى لسبب طبي في المدارس الأخرى لما تدخل و تفوت على الطبيب يديرك مقبول مباشرة تلبس الكومبا أما الحراش لا لما تكون سيفيل ما تدير والو تبقى تستنى حتى تغلق المدرسة وتخرج القائمة ترقد و لا تلعب الدومينو ولا تروح للفوايي و في كل مرة يجمعوكم باش يحسبوكم و لا باش يعيطو للجماعة تاع الcontre visite و في نهاية شهر جانفي أو بداية فيفري يديرو القائمة تاع 300 لي راح يلبسو و يجملوكم كامل و يبداو يعيطو بالواحد من بعد مباشرة لي عيطولهم يروحو يجيبو الكومبا و يديرو بولا زيرو و البقية يخرجو فائض العوامل لي تقدر تخرج بيها معفى أو فائض المعريفة بالدرجة الأولى ثانيا الملف الطبي اذا كان قوي و مقنع (حتى اذا كان مزور) ثالثا العمر في الحراش عادة يبداو يحكموا الأصغر في العمر من بين المقبولين مثلا في دفعتنا دخلو حوالي 900 حكمو لي زايدين من 93 حتى ل88 و لي زايدين قبل 88 خرجو فائض و في دفعة جانفي لي بعدنا دخلو 1300 لي زايدين بعد 90 كامل طلقوهم كذلك المتزوجين معظمهم خرجو أما بالنسبة لملف الكفالة فغير معترف به في الحراش |
|||
2017-01-13, 23:10 | رقم المشاركة : 5 | |||
|
هذا بالنسبة للمرحلة الأولى أي لما تكون سيفيل و بعدها راح نحكيلك على مرحلة بعدما تلبس الكومبا |
|||
2017-01-13, 23:26 | رقم المشاركة : 6 | |||
|
أكيد أخي تقدر تدير الروطار لكن ما تفوتش ال26 أو 27 جانفي لأنه ممكن تلقى المدرسة غلقت و يعطوك سورسي و بالنسبة للتأخر ما يحاسبوكش عليه أنا مثلا دخلت في 28 سبتمبر و خرجت في 10 سبتمبر لكن كاين لي تميتاو للمنطقة العسكرية الرابعة و خرجو في النهار لي دخلو فيه بالنسبة للبورطابل كيما قلت للأخ من الأحسن تدي معاك اثنين واحد مكسر أدفعو وواحد خليه عندك و خبيه هوما يقلولكم ممنوع بصح اذا خبيتو مليح و عرفت وقتاش تستعملو ما يحوسوش عليك (في العسكر كلش ممنوع و كلش مسموح) |
|||
2017-01-14, 11:12 | رقم المشاركة : 7 | |||
|
السلام عليكم أخي
عندي استفسار أنا مواليد 93 عندي دبلوم اعلام الي ، ليس لدي اي ملف طبي، هل هناك حضوض للإعفاء كفائض ، أم ليس هناك أي حضوض؟ علما أنهم بعثوني الى مدرسة الدفاع المضاط لطائرات - الأغواط- |
|||
2017-01-14, 11:29 | رقم المشاركة : 8 | |||
|
ربي يحفظك خويا على هته المعلومات القمية بالنسبة للالبسة وش ندو معانا |
|||
2017-01-14, 15:22 | رقم المشاركة : 9 | |||
|
و عليكم السلام و رحمة الله أخي بصراحة بدون معريفة أو ملف طبي حظوظك في الفائض ضعيفة جدا خاصة أنك صغير في العمر و ديبلومك يحتاجوه دير في حسابك أن معظم الناس يدو معاهم ملف طبي حتى و لو كانو أصحاء أو يشوفو معريفة يعني حتى لو يكون كاين فائض كبير راح يبداو بيهم على كل حال أنا كنت في الحراش و كل مدرسة لها طريقتها في اختيار الفائض و لكن ما ننصحكش تعتمد على الفائض بزاف |
|||
2017-01-14, 15:35 | رقم المشاركة : 10 | |||
|
شكرا لك اخي على المعلومات القيمة |
|||
2017-01-17, 01:10 | رقم المشاركة : 11 | |||
|
لسلام عليكم ورحمة الله وبركاته |
|||
2017-01-17, 03:27 | رقم المشاركة : 12 | |||
|
السلام عليكم اخي لدي استفسار |
|||
2017-02-09, 00:14 | رقم المشاركة : 13 | |||
|
السلام عليكم اخي انا محتار يا ريت نلقى عندك جواب |
|||
2017-02-25, 20:16 | رقم المشاركة : 14 | ||||
|
اقتباس:
ابني في مدرسة الهندسة بجاية eag و يريد التحويل الى مدرسة العتاد بالحراش (mutation) اريد ان اسال كيف هي الاوضاع و ظروف المعيشة و ما الى ذلك (انتم اعلم بالمعلومات اللازمة) في مدرسة الحراش مع العلم انه حامل لشهادة الدكتوراه في الكيمياء ماهي المدارسة اللي معروف عل يها باللي مليحة و يجوزو فيها الخدمة في امان من فضلكم افيدوني |
||||
2017-04-07, 19:39 | رقم المشاركة : 15 | |||
|
السلام عليكم خاوتي لحقتني هاذي لي يقدر يفيدني يقولي وش معناها وش معناها |
|||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc