ساعدني يا لحراير جازاكم الله

راجية غفران ربها · 2012-08-09, 14:00

السلام عليكم و رحمة الله و بركاته

حبيباتي لي عندكم طلب يا ريت نلقى الجواب

أريد وصفات او روابط لوصفات نتاع قاطو يطيب في بلاطو و نقسموه مباشرة بلاما نحلو لعجينة و نديرو لمول
اظن فهمتوني
شكرا مسبقا و تقبل الله منا ومنكم صالح الأعمال

راجية غفران ربها · 2012-08-09, 14:04

مثلا هذه الوصفة لغاليتي نوكيا

[COLOR=#008000]مقاديرها بسيطة ومتوفرة
3 بيضات نخفقهم مليح ثم نزيد عليهم 300 غ سكر ونخفق حتى يبيض الخليط ثم نزيد 250 غ زبدة دايبة ونخفق من بعد بالسباتيل نزيد 130 غ نواد كوكو و 3 م كاكاو 1 خميرة و 200 غ فرينة مع الخلط اكيد وفي الاخير حفنة زبيب لي يحب == اختيااري==
هاهي تجي تشبه شوي للمسكوتة ==نبسطوها في البلاطو ونطيبوها على 180 تقريبا 20 د
إضغط هنا لرؤية الصورة بحجمها الطبيعي.
بعد ما تطيب ندهنا بكونفيتير ==مربى == مخلط مع قارص او كيما ندير غالبا كريمة ليمون تجي احسن ومداق الد امممم == كرهتلهم حياتهم بالقارس نموت عليةه ونكثر منو بزاف هههه= ثم ندهن بشكلاطة دائبة

إضغط هنا لرؤية الصورة بحجمها الطبيعي.
ثم نزينها بالشي لي كاين اي حسب الرغبة والمقدور

إضغط هنا لرؤية الصورة بحجمها الطبيعي.

هادي حبة صورتهالكم قبل ما تجمد الشيكولا ههههههه
إضغط هنا لرؤية الصورة بحجمها الطبيعي.
[COLOR="RoyalBlue"][SIZE="5"] وهدا طبسي صورتو نهار العيد [/COLOR
إضغط هنا لرؤية الصورة بحجمها الطبيعي.

Nina57 · 2012-08-09, 14:16

voir ma recette https://www.djelfa.info/vb/showthread.php?t=1055337
وصفة مجربة اضمن لك نجاحها 100%

*سماح 94* · 2012-08-09, 15:21

اختي راني نوجدلك في في لي روسات تاعنا لي يجيو في بلاطو ويتقصو امي تفضل بزلف هاذ النوع نمدلك الكاستال وواحد بالكونفيتير في النص وواحد تقريبا كيما المسكوتة وقطو الطبقات للاخت ميميشة. === بصح للاسف بلا صور===....راني مازلت نحوس ونزيد نسقسي ماما لا كشما تفكرت .......................
اصبريني ان شاء الله ورا الفطور نكتبهملك
صح فطورك وربي يقبل

راجية غفران ربها · 2012-08-09, 16:43

اقتباس:

المشاركة الأصلية كتبت بواسطة nina57

voir ma recette https://www.djelfa.info/vb/showthread.php?t=1055337
وصفة مجربة اضمن لك نجاحها 100%

بارك الله فيك على الوصفة و صح رمضانك و عيدك

راجية غفران ربها · 2012-08-09, 16:46

اقتباس:

المشاركة الأصلية كتبت بواسطة nokia2007dz

اختي راني نوجدلك في في لي روسات تاعنا لي يجيو في بلاطو ويتقصو امي تفضل بزلف هاذ النوع نمدلك الكاستال وواحد بالكونفيتير في النص وواحد تقريبا كيما المسكوتة وقطو الطبقات للاخت ميميشة. === بصح للاسف بلا صور===....راني مازلت نحوس ونزيد نسقسي ماما لا كشما تفكرت .......................
اصبريني ان شاء الله ورا الفطور نكتبهملك
صح فطورك وربي يقبل

دايما امرأة مواقف ربي يحفظك ان شاء الله و يعطيك ما تتمناي و سلامي الحار الى الوالدة العزيزة

*سماح 94* · 2012-08-09, 22:10

سلام منال صح فطورك واسمحيلي على التاخير
تفضلي وصفة الكاستال المعتمدة عندنا ناجة راقية وبنينة وكميتها كبيييييييرة ماشاء الله الكمية لي نعطيهالك نجي في البلاطو الكبي ر خلاص تاع الكوشة وكي تتقسم يصدق بزاااااااف
الكيل بعلبة لابال تاع 500 غ ديري 3 كيلات كوكاو مقلي ومرحي ماشي رطب بزاف والكيلات يجيوك كيلو كوكاو
كيلة فرينة كيلة سكر نورمال نص كيلة زبدة ذايبة 2 خميرة 2 فاني 8 بياض بيض هههههههه قوليلي خسارتو كثر منو هاذ القاطو هههههههههه
ممكن يبان مش اقتصادي بصح يستاهل والكميةماشي خسارة
المهم ..... ارحي الكوكاو خشين شوووية برك وخلطي معه السكر الفرينة الخميرة والفاني يعني المواد الناشفة منبعد بلي بالزبدة الذايبة واخيرا طلعي 8 بياض كي الثلج وخلطيه للمزيج وحركي بمهل من فوق للتحت وبسطيه في البلاطو وطيبيه ثم كي يطيب ويبرد قطعيه مربعات وديري من فوق الا تحبي سكر رطب == غبريه مليح == او اخدمي كلاصاج بالصفار لي بقا باش ما يروحش هكذاك وهذي الطريقة لي نديروها حنا الصفار نخدمو بيه غلاصاج نديروه من فوق ومنبعد جوزة او الحلوة الفضية الصغيرة هاذيك او كيما تحبي كل واحد وذوقو
منال ان شاء الله تعجبك الوصفة راهي هايلة على ضمانتي حنا نديروه بزاف هاذ القاطو يشتيوه ا بزاف ودايما الناس يطلبو منا الطريقة تاعو نتمنى يعجبك وتقدري تديري غير نص الكمية راهو يصدق

*سماح 94* · 2012-08-09, 22:20

وهذا ثاني قاطو بنييييييييين بزااااف وبدون مبالغة ما كانش لي يذوقو وما يسقسيش على لاروسات تاعو هايل وانت تقدري تتفني فيه كيما تحبي
5 بيضات 1/2 كاس عسل 1/2 كاس سكر كاس زبدة ذايبة 2 كيسان فرينة 2 م ص بيكاربونات
اخدمي بالباتور الصفار السكر العسل الزبدة بالتدريج كيما المسكوتة زيدي منبعد 2 كيسان فرينة مغربلة والبيكاربونات حركي مليح وفي الاخير 5 بياض كي الثلج وحركي بمهل
كي تحطي الفرينة الخليط ينشف شوي وكي تديري البياض يتطلق ويجي نوعا ما كيما قوام المسكوتة ديريه في بلاطو مدهون وطيبيه ثم كي يطيب اقسميه مربعات وديريه في كونفيتير ثم بانديبيس والا ما تحبيهش كيما انا ديري القوفريط مرحي او تحبي نواد كوكو او كوكاو او كيما تحبي وحتى الكونفيتير تقدري تدي في بلاصتو شيكولا او كرام تاع شيكولا راني نحوس على لاروسات تاعها
يعني من برا كيما تحبي بصح الاحسن ولي يتوالم مع طعمو الكونفيتير والقوفريط او البانديبيس
ملاحظة اذا درت كوفريط ديري كيم تاع الشيكولا
سلااااااااام وان شاء الله يعجبك وصفة ناجحة ومضمونة

*سماح 94* · 2012-08-09, 22:25

https://www.djelfa.info/vb/showthread.php?t=472963
هذا قاطو رووووووعة من عند ام كوثر درتو عدة مرات يجي هايل صح
https://www.djelfa.info/vb/showthread.php?t=454174 وهذا ثاني تاع ام كوثر يجي تقريبا كيما الثاني لي حطيتولك == باش تدي الفكرة منو ==

*سماح 94* · 2012-08-09, 22:28

https://www.djelfa.info/vb/showthread.php?t=766160
هذا قاطو من عند اختي ميميشة جربوه عدة اخوات باين هايل
وهذا ثاني جربوه معظم الاخوات يجي روعة هذا غير جربيه
https://www.djelfa.info/vb/showthread.php?t=764931

*سماح 94* · 2012-08-09, 22:29

والباقي غدوا ان شاء الله ههههههه
سلام وما تنساينيش من دعاءك اختي

راجية غفران ربها · 2012-08-10, 11:11

ربي يخليك ذخر لوالديك و يعطيك ما تتمناي يا سماح يا بنت ام سماح و ربي ينجحك في قرايتك ياااااااااااااااااا رب

*سماح 94* · 2012-08-10, 16:38

شكرا اختي ان شاء الله نكون فدتك ولو بالقلييييييييييل

راجية غفران ربها · 2012-08-10, 16:45

راجية غفران ربها · 2012-08-10, 16:46