قاطو البالون من وصفاتي الخاصة بحشوة حلوة الترك

[kakinova]

[SIZE=""][SIZE=""]بسم الله الرحمن الرحيم

السلام عليكم

قاطو البالون بحشوة حلوة الترك :
1 صفار
نص كاس نشاء
250 غ زبدة
ملح
ملعقة كبيرة فاني
ملعقة صغيرة خميرة
100 غ سكر
اقل من نصف كيلوغرام فرينة
العجينة تكون طرية
نعمل كويرات متساوية الوزن و تحشى بقليل من حلوة الترك أو نعجن حلوة الترك مع لوز محشي او بوفريوة و توضع في قالب نصف كرة و تطهى
لما تبرد نعملها قلاساج شكولا من فوق و خطوط بشكولا افتح و لوزة او جوزة للتزيين









انا القلاساج نتاعي يجي يبرق و الشكولا لونها يجي يهبل نستعمل شكولا العصفور او العملاق ما نستعملش بات ا قلاسي و عموما ندير غير بالعملاق ندير ماعون فيه ماء يغلي و الحواف نحط عليهم سارفيات قماش مطبقة حتى نتجنب الشكولا يقيسها الماء نتاع للبخار المتصاعد نحط فوقها صحن كبير او بورت مونجي بلاستيك نحط طابلة او زوج مني او اومباسادور فيها من تحت هي الاولى نخليها جهد ما تبدا تذوب و نكسر الشكولا الاخرى و نخليها على نار جد هادية تذوب مرات نبدا نطيب القاطو و الشكولا تذوب في عقلها حتى ما تتحرقش و ما تتفصلش و تطلق الزيت و لما نكمل القاطو نلقاها واجدة نقلاصي طول

كيما كنت نقول نخليها على نار هادية تذوب في عقلها و لما تذوب نخلطها مرة او زوج حتى يتخلطو مليح و فرات و الشكولا ممكن تبدلي لونها كيما تحبي و هذا لما تحطي شكولا بيضاء او نتاع لحليب او سوداء هي الاولى هكذا نتحكم في لون القاطو و حتى الطعم

هنا درت اومباسادور نتاع لحليب





و هنا درت منى نوار لي الباكي نتاعها احمر




و بالنسبة للمول اختي مول البالون نتاع 8 راهو متوفر مول سيليكون درت الحبة عشرين غرام و حشيتها بنصف ملعقة من الصغار خلاص حلوة الترك و غلقت و حطيتها فالمول و عدلت السطح حتى ما تخرجش مبوطة فالوسط هادا ماكان ساهل خلاص

و التزيين كل واحد كيما يحب بالشكولا البيضاء ولا الدراجي قروب ولا جوزة او لوزة او حة هكذاك يجي مليح[/SIZE][/SIZE]

[mahopa18]

رااائع.. الله يعطيك الصحة

[اسمهان79]

ما شاء الله يعطيك الصحة حنونة
خرجلك وااااااو
جزاك الله كل خير

[05Mayssem]

امممممممممممممممممممممممممم باين هاااااااااااااااايل

[ام رضوان]

بارك الله فيك على الوصفة انشاء الله نجربها.

[سلمى البوسعادية]

يعطييييييييييييييييييييك الصحة

[ام عبيدة]

بارك الله فيك

[yara media]

يعطيك الصحة اختي
بارك الله فيكي

[لميس اميرة]

444444444444444444444444444444444444

[manele manoula]

شكراااااااااااااااااااااااااااااااااا

[maya t]

rawwwwwwwwwwwwwwwwwwwwwwwwwwwwwwwwwwwwwwww3a

[ساندي 28]

يعطيك الصحه كاكينوفا خرجلك توووووووووووووووب
توحشتك بزاف حبيبتى
نسقسيك مول الى درتى بيه نتاع سلكون ولا نتاع لحديد كل بياسه وحدها
وشكراااااااااااااااااااااااا

[imane khaled]

يعطيك الصحة اختي انا تاني حبيت نسقسيك عندي مول سيليكون ممكن نعمل بيه شكرا

[أم ياسين الزهراء]

حلوياتك دايما تعجبني الله يبارك فيك

[خولة الجزائرية]

ممكن تقوليلي شحال من حبة جاتك بهاذ المقادير ؟؟؟؟