طلب نصيحه من المستشارين النفسانين او اصحاب الحكمه

[مشكلتي]

.انا ربي ابتلاني بحب العلم وانظن حتى راجل ما يقدر يفهمني الا القاري .انا الان مخطوبه لمده 4 اشهر.قبلت تحن الضغط.يعني نقبل ما انكملش اقرايتي.انحبس بابا يغضب عليا.ودرك راني انعاود فالباك .وهو محبس بيام ويخدم تاجر.
قالواي غضب الوالدين صعب بصح ايضا لا يكلف االله نفسا. الا وسعها.اقبلت علي وليد الفاميلا.اتلاقيت بيماه فالجامع كنا نحفظوا القران .قصدي العجوزه وانا.بصح ادخلت نقرى للجامع بلا من شاور بابا.بالاك ربي راهو يعاقب فيا.
من فضلكم اخوتي اذا كاين هنا مستشارين نفسانيين او مشايخ ينصحوني.
صلاه الاستخاره صليتها بصح كنت تحت ضغط.يعني ماريحتش لانوا كنت من قبل رافضه.بصح الامور راهي تمشي وسهلت.
مشكلتي هي العلم وبدون العلم انحس نفسي غير موجوده .لانوا راني حابه انخلي بقمتي في الحياه بواسطه العلم.
اعلابالي بزاف ناس ما يفهمونيش بصح هذا ابتلاه واختبارمن عند ربي.كل واحد ونقطه ضعفوا.
هل كاين نساه اقراو فالدار مع المسووليه .وخلاو بصمتهم فالحياه.راكم تعرفوا واقعنا .فالمراه هي ربت بيت فقط في الجزاىر.صح انا ضد الاختلاط في العمل والخروج بدون سبب من المنزل.بصح المراه عندها قدرات اخرى.

السلام عليكم.

ملاحظه ,حاولت انحبس الخطبه عده مرات وما قبلوليش والدي ,لاننا في ولايه محافظه وما صبناش سبب باش انقولوا للناس,ومن جهة راني خايفه ما نتقبلوش
كيفاش نقدر نتفاهم معاه

[كلنا راحلون]

المشاركة الأصلية كتبت بواسطة مشكلتي

.
مشكلتي هي العلم وبدون العلم انحس نفسي غير موجوده .لانوا راني حابه انخلي بقمتي في الحياه بواسطه العلم......................

لا يوجد مشكل في هاد دنيا وله حل ودنيا مكاتيب

اختي حسب ما فهمت حابة تواصلي دراسة وبعدها عمل

مستوى دراسي ليس مشكل

ممكن تفاتحي يماه ...و كسبيها .... ادا ممكن يسمحلك بدراسة وعمل بعد زواج .......ادا كسبتيها وكان بار بها يسمحلك



الله يسهل

[لحن الحياة.]

اولا أنا مافهمتش السيد ويلكم هذا واش جا يدير هنا ؟؟ أصلا وش علاقتو بالموضوع ؟نورمالمو راكي في مشكلة


اذا راكي مهوسة بالعلم بطلي الخطبة قوليلو ماعجبتنيش أو ماكيش حابة تقعدي فالدار

[النجمة القطبية]

يا اختى وانت علاه ضيعت الباك مدام متعلقة بدراستك الى هذه الدرجة عموما لن الومك اكثر
ثاني نقطة مستوى الباك مراهوش طلب علم تقدري تقولي محو امية نعم يا صديقتى حنا بعاد بزاف في دولة اسمها الجزائر واذا حابة طلب العلم حقا بكل ما للكلمة من معنى فمازال مشوارك طويييل يا صديقتى
لكنى اعتقد والله اعلم ان قصدك العلم اللى تقدري تخدمي بيه مستقبلا هذا حقك مراحش نعترض لكن نقولك اطلبي من خطيبك هذا الامر بالاك يوقف معاك
ان كنتى رافضة الزواج تماما ارفضي لكن فكري يا صديفتى هذا مستقبلك الزواج مليح ستر للفتاة بيت واسرة وانسان يحبك ويخاف عليك
او بالاك شفتى نماذج ماشي عايشين مليح وتعقدتي او بالاك عقدوك في منتدى الجلفة
تبانيلي خايفة من شغل الدار ومشاكل العجايز لكن شوفي عجوزتك راهي تطلب العلم في المسجد اذا تبانلي انسانة مليحة تفائلي خيرا تجديه
خليها على ربي سبحانو ومدام ربي سهلك باذن الله خير
ربي يوفقك وتكملي قرايتك وتتزوجي وتجيبي اطفال

[lhossin]

هذي فرصة للزواج تضيعيها بسبب الدراسة التي تجهلي هل ستربحين الباك ام لا ثم العمر قصير والعلم غزير اذا كان هذا الشخص غير خلوق او تحسي روحك ما تهنيهش فاياك ان تظلميه وصارحيه من الاول ليس شيء انفع لك من الحوار واذا كان قصدك طلب العلم بصفة عامة ممكن تطلبي العلم في دارك بالمكاتب الالكترونية رها متوفرة حاولي تتخذي قرار فيه مصلحتك وطبعا لازم شويا تضحية وانا اختار لك الزواج افضل وهذا يبقى مجرد راي ولي ضربته يده ما توجعه يعني انت صاحبة القرار واتمنى لك التوفيق والسلام عليكم .

[ابتسام smile &hope]

يجي النهار وتندمي قرايتك هي الصح والعلم نعمة من عند ربي سبحانو
ولوكان هاذ الراجل مايكونش مليح كيفاش ديري

[nounou02]

لدي مشكلة ارجو التفاعل اشعر بالوحدة ابتعد عني كل اخوةتي لاني تزوجت برجل رفضوه منذ البداية فقط اختي الكبر هي التي ساندتني وتزوجت به رغم انه كان متزوج واب لطفلتين مع العلم ان عمري كان انذاك 37 سنة بعد زواجي به عشت سنوات جمر معة ضرب سب اهانة وفي اخر المطاف طلبت الخلع كنت اظن ان اخوتي سوف يكنون بجانبي لانهم هم من ساعدني وحثني على الطلاق لكن بمجرد طلاقي ابتعدوا كلهم عني لم انجب من طليقي زادت وحدتي عاد طليقي وطلب الرجوع عدت معه لكنه اصبح لايعرني اهتماام توقف عن كل ما كان يفعلوه في السابق اصبح يتركني اخرج بمفردي لكنه لا ينفق ولا يخرج معي ولا يشتري لي اي شيء مع العلم انه يسكن في منزلي الخاص اريد نصيحة فانا تائهة لا ادري ما العمل

[mrmilano1984]

ياو روحو تتزوجو روحو الزواج مليح بزاف وكل وحدة ومكتوبها ريحو ماتشرطو لول

[malakasma]

المشاركة الأصلية كتبت بواسطة مشكلتي

.انا ربي ابتلاني بحب العلم وانظن حتى راجل ما يقدر يفهمني الا القاري .انا الان مخطوبه لمده 4 اشهر.قبلت تحن الضغط.يعني نقبل ما انكملش اقرايتي.انحبس بابا يغضب عليا.ودرك راني انعاود فالباك .وهو محبس بيام ويخدم تاجر.
قالواي غضب الوالدين صعب بصح ايضا لا يكلف االله نفسا. الا وسعها.اقبلت علي وليد الفاميلا.اتلاقيت بيماه فالجامع كنا نحفظوا القران .قصدي العجوزه وانا.بصح ادخلت نقرى للجامع بلا من شاور بابا.بالاك ربي راهو يعاقب فيا.
من فضلكم اخوتي اذا كاين هنا مستشارين نفسانيين او مشايخ ينصحوني.
صلاه الاستخاره صليتها بصح كنت تحت ضغط.يعني ماريحتش لانوا كنت من قبل رافضه.بصح الامور راهي تمشي وسهلت.
مشكلتي هي العلم وبدون العلم انحس نفسي غير موجوده .لانوا راني حابه انخلي بقمتي في الحياه بواسطه العلم.
اعلابالي بزاف ناس ما يفهمونيش بصح هذا ابتلاه واختبارمن عند ربي.كل واحد ونقطه ضعفوا.
هل كاين نساه اقراو فالدار مع المسووليه .وخلاو بصمتهم فالحياه.راكم تعرفوا واقعنا .فالمراه هي ربت بيت فقط في الجزاىر.صح انا ضد الاختلاط في العمل والخروج بدون سبب من المنزل.بصح المراه عندها قدرات اخرى.

السلام عليكم.

ملاحظه ,حاولت انحبس الخطبه عده مرات وما قبلوليش والدي ,لاننا في ولايه محافظه وما صبناش سبب باش انقولوا للناس,ومن جهة راني خايفه ما نتقبلوش
كيفاش نقدر نتفاهم معاه

السلام عليكم
شكرا لكم اخوتي.كنت حقيقه في حاجه لاراىكم.
باش تحبس. الخطبه فهذا محال وهذا من اجل شرف العاىله ورضا الوالدين.ثانيا راني حابه قصص مشجعه لنساه فحلات في لها نفس ظروفي اتشجعني وتحكيلي كيفاش قدرت تطلب العلم في بيتها.
او قصق نساه فحلات من التاريخ والعالم اتحداو الظروف بلا ما يخرجوا عن اادين وخلاو بصمتهم في الحياه بواسطه العلم.
وبارك الله فيكم.

[محمد جديدي التبسي]

الحكمة تقول أن الزواج ليس عائقا أمام العلم
الحكمة أيضا نقول أن العلم ليس متعلقا بشهادات ورقية
العلم يأتي بالقراءة والمطالعة والاجتهاد
الزواج نصف الديم وأهم لك من البكالوريا والدكتوراه خاصة في بلدنا وجامعات مثل جامعاتنا سمها أي شيء الا مكان لطلب العلم
النساء الفحلات راهم في المدارس القرآنية يحفظن كتاب الله ويتعلمن دينهن وماهمش لاهيين بالبكالوريا والدراسة الأكاديمية التافهة
ربي يوفقك..

[naamane3]

اذا كان قصدك العلم الشرعي انا معاك
ينفعك في دنياك وفي اخرتك
واذا قصدك علم المؤسسات التربوية
فمن يحفض سورة الفاتحة وتفسيرها
خير من اكبر عميد اكبر جامعة في الجزائر
اتكلي على رب العالمين
وعاودي صلي استخارة
واسألي على اخلاق ودين من خطبك
واخطيك من هاذ الاعذار الواهية

[**د لا ل**]

السلام عليكم

عفوا ....ولكن لماذا تربطين بصمتك في الحياة بالدراسة في الجامعة ؟؟؟

أليس انجاب اولاد صالحين وتنشأتهم على حب القرآن بصمة مشرفة في الحياة؟؟؟؟

أليس حفظ القرآن أهم بصمة في حياتنا ؟؟؟؟

تعلم الدين الشرعي ....اتقان عدة امور قد تخلى الناس عنها ...ببصمة في الحياة ؟؟؟

أراك قد غلوت كثيرا اختي الفاضلة

فان كنت قد ربطت العلم بالشهادة كما قال الاخ محمد فقد اخطأت كثيرا فليس كل حامل للشهادات العليا مثقفا .....

ثم أنه لا علم ولا شهادة تقدر في بلادنا

العلم والثقافة والادب تجدينها بين طيات الكتب اختي ....اما ان كان من أجل العمل

فالعمل واقع اخر لا اشجعك عليه

توكلي على الله ...وتزوجي

فالزواج ستر يا اختي ...فأحسني اختيار زوجكِ

وفقكِ الله

[ابو ارسلان]

ايتها الاخت الكريمة هناك الكثير من النساء يغفلن عن امر مهم جدا و هو تحقيق الاحلام بالاولاد
فما رايك ان تكوني طبيبة و مهندسة و معلمة و رياضية و و و وهذا كله في وقت واحد
ما عليك الا ان تربي اولادك و تسهري على تعليمهم و ثمرة ما يصيرون اليه هو بفضل الله ثم بفضلك
والله لا يحس بهذا الا من انجب الاولاد و صار يفرح بفرحهم و يحزن بحزنهم
و نحن نصير اطفالا اذا لعبنا مع اولادنا و عندما يحققون نتيجة جيدة في الدراسة نفرح لهم و كاننا نحن الذين نجحنا
الانسان في يوم من الايام كان يحسب بذهنه و اليوم صنع حاسوبا ليحسب له اعقد العمليات فهل هذا فضل للانسان ام فضل للالة التي صنعها الانسان..اعتبروا يا اصحاب العقول!

[wahid-the-whisperer]

المشاركة الأصلية كتبت بواسطة ابو ارسلان

ايتها الاخت الكريمة هناك الكثير من النساء يغفلن عن امر مهم جدا و هو تحقيق الاحلام بالاولاد
فما رايك ان تكوني طبيبة و مهندسة و معلمة و رياضية و و و وهذا كله في وقت واحد
ما عليك الا ان تربي اولادك و تسهري على تعليمهم و ثمرة ما يصيرون اليه هو بفضل الله ثم بفضلك
والله لا يحس بهذا الا من انجب الاولاد و صار يفرح بفرحهم و يحزن بحزنهم
و نحن نصير اطفالا اذا لعبنا مع اولادنا و عندما يحققون نتيجة جيدة في الدراسة نفرح لهم و كاننا نحن الذين نجحنا
الانسان في يوم من الايام كان يحسب بذهنه و اليوم صنع حاسوبا ليحسب له اعقد العمليات فهل هذا فضل للانسان ام فضل للالة التي صنعها الانسان..اعتبروا يا اصحاب العقول!

بارك الله فيك أخي, المرأة خلقت لتعبد الله وتطيع زوجها وتربي أولادها لا أكثر ولا أقل
وإن كانت متعلمة فهذا يفيدها في التعامل مع زوجها وتربية أولادها أحسن تربية

[~ No ONe]

الحكمة تقول أن الزواج ليس عائقا أمام العلم
الحكمة أيضا نقول أن العلم ليس متعلقا بشهادات ورقية
العلم يأتي بالقراءة والمطالعة والاجتهاد
الزواج نصف الديم وأهم لك من البكالوريا والدكتوراه خاصة في بلدنا وجامعات مثل جامعاتنا سمها أي شيء الا مكان لطلب العلم
النساء الفحلات راهم في المدارس القرآنية يحفظن كتاب الله ويتعلمن دينهن وماهمش لاهيين بالبكالوريا والدراسة الأكاديمية التافهة
ربي يوفقك..

لا والله ماهيش تافهه انما قدرة قادر اخي ان تتسع لتُستوعب

المهم العلم الاكاديمي التافهه هذا به طلعت بلاد وهبطت بلاد ...

واسمعني ي اخي لوكان الدين يعلمنا نحفظوا القران ونريحوا في الديار اللهم اني كفرت من الان واشهد اخي

دين عجيب واسلام والله كانه ماهو الاسلام .......




الاخت الي حطت المشكل

مكيش حابه الزواج ارفضي وانتهى والدراسة ماهيش بحاجز او عذر الاهم من كلش انتي حابه تتزوجي ولا لاء ؟
مديريش اسباب في اسباب وغضب والديك مدخوولش هنا موش حابة تتزوجي ارفضي واضغطي وان شاء الله حتى لو تضربي ع الماكله والشراب
هذه دوام موش ليلة ولا شهر

وانظن حتى راجل ما يقدر يفهمني الا القاري

القاري ؟ الشهادة مليحة والقراية مليحة لو تُتَوج بأخلاق ...
وكاين شي قارين مهمشين ومعندهمش شهادات ؟
الافضل ادعي بالرجل الصالح الطيب ...