السلام عليكم ..
شكرا لكن يا بنات ولكل من ردت على موضوعي...ربي يحفظكن
بالنسبة للاخت gateau algerien هذا القاطو يطيب بشكل عادي ولكن مكوناته الداخلية هي لي مطيبش...
المهم الوصفة كما يلي:
بالنسبة للعجينة: زبدة 250غ فلوغيال ولا كما تحبوا....
كاس سكر قلاصي + فاني ملعقة صغيرة + شوي خميرة (تحبي متحطيش) ..... نخلطهم...
نضيف 4 بيض ( بيضتين كاملتين + 2 صفار بيض) .....نخلطهم
نضيف كاس مايزينة + فرينة حسب الحاجة ....المهم تضيفوا حتى تلقاو العجينة تلمت...
نطبعهم بالموال الخاص بهم (الا متعرفوهش نوريهلكم ) ...ونحطوهم في الفرن حتى تشوفوهم طابو وخرجوهم...
ملاحظة: متخلوهمش يطيبوا من فوق لازم يبقاو بيض...
بالنسبة للحشو:
كاس ونص كوكاو محمص ومرحي للاخر + كاس ونص قاطو بيمو + نص كاس نواة كوكو + ملعقة كبيرة كاكاو ....نخلطهم
1/3 باكي زبدة + 4 او 5 ملاعق عسل + 2 او 3 ملاعق ماء الزهر ....نخلطهم ونسخنهم قليلا...
ونخلط كل المكونات السابق ذكرها مع بعض....
في الوقت تكون القاطو لي طبعناه وحطيناه يطيب راه طاب نخلوه حتى يبرد ونضع حبة فوق حبة ونضع بينهما الحشو التي اعددناه ونلصقهم مع بعض بالمربى او بالعسل ...الحشو ثاني نطبعوه بالمول لي طبعنا بيه العجينة ...نضع المايزينة لنفد بها الحشو...
وكي نكملو ...نضع فوق كل حبة وردة من عجينة اللوز ...تحبي وردة كحلاء (نضيفولها كاكاو) فوقها وحده بيضاء ...تحبي وردة كحلاء (نضيفولها كاكاو) وتضعي فوقها دائرة صغيرة بيضاء من عجينة اللوز كما هو موضح في الصور في الاعلى...وانا عن نفسي افضل الطريقة الثانية...
اتمنى اني وفقت في شرح الوصفة...
اي استفسار او اي شيء مفهمتوهش قولولي برك....
ملاحظة فقط: انا عن نفسي جربت القاطو بالسمن وصلح نورمال وحاليا راني نطيب بالسمن دائما...
بالنسبة للمايزينة مرة من المرات نسيت باه نضيفها ...لاحظت ان الشكل الوجود على المول ميخرجش مليح ...لكن كي تستعملي المايزينة رايح يخج افضل...
متنسايش باش تخلي العجينة ترتاح من ساعة وما فوق...
تحياتي..
( تقرير عن مشاركة سيئة )، و الموجودة أسفل كل مشاركة .
2012-05-06, 14:20
العرض العادي
