باقيلي شعرة ونهبل

[مشكلتي]

عييت وراح نهبل من هدرة ناس
يشوفو فيك اي نقص ويسالوك عليه ويحكولك عنه
يسالوك على حوايج بيد ربي
قسما برب العزة عييت
ماهمش بشر ماكنش رحمة فلعباد
تكوني حيية وتحشمي يضحكو عنك
ماديريش مكياج سقولو كي راجل
طيعي والديك يقولو جايحة
تسكتي ضعيفة تهاوشي واعرة وقبيحة
ماتدخليش فعلاقة محرمة ماكيش قافزة وبايرة
تكوني متربية يقلك تلعبي فيها
حاولت نبعد على المحيط البشري ماطقتش
حسبي علاه ونعم الوكيل
فهمومي كي نديير رحمة على والديكم

[مصطفى_س]

السلام عليكم

كوني قوية و تذكري ان ارضاء الناس غاية لا تدرك
يهمك ارضاء الله ثم الوالدين

عندما يسالك احدهم فلتكوني قوية و تجيبي عادي و لا تتاثري منهم و لا تشغلي بالك بالاسئلة

[فاصلة]

رانا في زمان القابض على دينه كالقابض على الجمر

[محارب الحمق]

انتي مدايرة حساب كبير لهدرة الناس, أنا والله ماعمبالي بواحد والحمد لله هدرة الناس ماوصلتنيش وعصمني ربي منها, ربما السبب أيضا أن المجتمع الذكوري ليس فيه تفاهات المجتمع النسوي وأحاديثهم التافهة عموما

[kacimo.samy]

سلام

لا نجاة من ألسنة الناس !
ومهما بلغت من الصلاح
فلن تبلغ ذرّة مما بلغه رسول الله ‏ﷺ
وقد قالوا عنه : كذاب وساحر ومجنون
وفي حلية الأولياء :
قال موسى لربّه : يا رب أسألك أن لا يذكرني أحد إلا بخير
فقال له الله : يا موسى : ذلك شيء لم أجعله لنفسي أفأجعله لك !

اختي حتى قوم نبي لوط عليه سلام كي ما لقاوش واش يقولو
قالو انه من المتطهرين سبوه بطهارة
امالا ما تدريش عليهم واحد ماهو سالك منهم

[sam2016]

السلام عليكم
المهم يكون الإنسان يخاف الله و يسعى لفعل الخير ويتجنب المنكر وتكون له مبادئ و قناعات متينة حتى تكون لديه ثقة لا تتزعزع
فأنا شخصيا إرضاء الناس لم يكن يوما غاية
اعرف حدودي والحمد لله
مثال بسيط في يوم غائم لا توجد شمس لكني أضع نظارات سوداء البعض يقول راهو يلعب فيها والبعض يقول وشبيه داير نواضر كحولة وهي مغيمة وهناك من يقول هو حر واش دخلكم
المهم هوما قالو وانا درت اللي ريحني ما ضريت حتى واحد
الناس أصناف المهم ان تكوني انت من الصنف الجيد وليس الرديء

[*أم سجى*]

ديري الشي لي يرضي نفسك ومايغضبش ربك أما الباقي خليهم يهدرو كيم قالتها وحدة العام طويل والهدرة باطل

[قدور بن عاشور]

هذو يسموهم صحبة السوء
حان الوقت للقيام بحملة ذات منفعة عامة
أرمي عليك لي يعييك
واختاري من تصاحبين

[زبدة ذايبة]

تكملي هكذا هذيك الشعرة وتروح.

علاه عليك تلبسي لبوس الناس.

شخصيتك وين ؟؟؟؟؟؟؟

ماعندكش عقل تميزي بيه؟؟؟؟؟

كيفاش هذي!!!!!!!!

وين يدوروك دوري!!!!!!!

ماعندك رأي ماعندك شخصية!!!!!!!

المشكلة ماعندكش مرجعية في التصرفات والقرارات.

رأيك وتصرفاتك مبنية على رأي الآخرين.

والآخرين هذو اللي راكي تبعي فيهم.

ماشي واحد ماشي زوج.

اللي يقولك كلمة تبعيه؟؟؟؟؟؟؟

المشكلة فيك ماشي في الناس.

كيما رايحة ترضيهم مايترضاوش.

كاين زوج من الناس لازم ترضيهم.

زوجك أولا إذا كنت متزوجة.

والديك ثانيا.

باقي الناس لعرض الحائط.

تديري وش يرضي رب العالمين

وتعيشي حياتك بالطول والعرض كيما تحبي.

أما تعيشي كيما تحب فلانة وعلانة

وكيما تحب رشيدة وسعيدة وفريدة و.............

والله سيكون ضربا من الغباء.

واحد مايقرر في مكان الثاني

واحد مايعيش في مكان الثاني.

بالتالي أرخفي لحبال اللي ربطتي بيهم روحك.

وماتشدديش على نفسك حتى ماتوصليش للأسوأ بطريقة سريعة.

رب يوفقك ويسهل دروبك.

[رندة.]

أنتي الي حابة توصلّي روحك للهبال هذا، واحد ما يفرض عليك رأيه بالسيف، حاولي ترضي رب العالمين ووالديك وزوجك هاذو هوما الأولى الي تركزّي على رضاهم، من بكري نعرفو ارضاء الناس غاية لا تدرك، وبالتالي حكمّي دينك وعقلك وتصرّفي على أساسهم والي يخرج على فلانة وعلانة مش بالضرورة يخرج عليك أنتي.
أفرضي شخصيتك وحضورك ورأيك وماتخلّي حتى واحد يسيّرك كيما يحب هو.
ربي ينورلك بصيرتك ويوفقك ان شاء الله

[سيرين راجي]

لا يهم ارضاء الناس المهم ارضاء الله
فهم لا يملكون لكي ولا حتى لانفسهم ضرا ولا نفعا

[هـــدوء]

و انت وش راحلك وش يقولو الناس ؟
التاي بروحك و وش تقولي نتي على روحك .

[بسمـة أمل]

يا اختي ماديري حساب لحتى واحد
الناس في كل الحالات يهدرو

انت حاسبي نفسك ...اذا كنت اديري ف حاجة صحيحة و لا تغضب الله ما تخافي هدرة حتى واحد
الصح في رضاية الله سبحانه و رضاية الوالدين و رضاية زوجك ايضا اذا كنت متزوجة

و الباقي زيادة

[oum imane83]

[COLOR="Blue"]ارضاء الناس غاية لا تدرك ..تمتعي بالحياة ..عيشي ..عيشي لنفسك شوفي النعم الي ربي انعمها عليك شكري ربي سبحانه واستغفري تقربي لبه ..غير هو سبحانه الي يغير حالك لاحسن حال ...ربي يفرج عليك ويعطيك ما تتمناي[..لوكان تعاندي الناس تدفني روحك حية /COLOR]

[soz soz]

ارضاء الناس غاية لا تدرك اذن متقيميهمش لكن لا يعني تكوني قبيحة فالرد متهبلي موالو هذا هو هم بعض البشر التدخل في ما لا يعنيه عيشي حياتك خليهم يهدرو حتى يمرضو ديري روحك مسمعتي مشفتي وربي يكون فالعون