بحاجة الى رايكم

[مشكلتي]

خطبني رجل يخدم شهر في فرنسا ويبقى شهر في الجزائر
وشرط مايدينيش معاه
هل نقبل فيه او نرفض؟

[FATIHA131]

الاستخارة يا اختي ثم السؤال عنه و عن اخلاقه وعائلته و واش يخدم في فرنسا
كاين لي متزوج تما ويجي للبلاد يتزوج اخرى
و ربي يسهلك اختي

[kacimo.samy]

سلام
شهر بشهر بزاف
اختي سقسو عليه مليح

[مراد سابقا10]

هذا ليس بزواج

وانا ننصحك متتزوجيش بالمغتربين اغلبهم يقيمون علاقات محرمة في الخارج الا من رحم ربي .

[زبدة ذايبة]

مثلما ذكر من قبلي

استخيري أولا

ثانيا : اللي يعيشوا في الخارج أغلبهم فساق وتاع محرمات هذا إذا ماكانش فيهم اللي مريض بالسيدا

أو أنه متزوج بفرنسية

هذي تاع شهر بشهر فيها نظر

الناس اللي يخدمو في البترول يخدمو شهر بشهر في الجزائر (على حد معلوماتي البسيطة)

واللي خدمو في دول الخليج يخدمو شهرين في الخليج وشهر في الجزائر عطلة

وهذا اللي يخدم في فرنسا شهر بشهر وش يخدم ؟؟؟؟؟؟

وعلاش مايديكش معاه؟؟؟؟؟؟

جاي يخطب وناوي من الأول ماتروحيش لتم علاه ؟؟؟؟؟

من رأيي ما تتسرعيش باش مانقولكش ماتقبليهش

سقسي عليه كيما يلزم الحال

وماديريش التأويلات الحسنة

وتغلطي روحك

لا زم تتأكدي منو مليح

واي غموض يظهر على السطح أرفضي بدون تردد.

[nina hnina]

هذا الزواج فيه نوع من الغموض علاش ميديكش تخافي يكون عندو امراة اخرى هناك وانت هنا استخيري والله يوفقك

[zokhrofa]

ï´؟ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6) ï´¾

( سورة الحجرات)

اختي زبدة ذائمة الآية موجّهة لكي مع كل احتراماتي لشخصك الفاضلة

يعني حتى ولو كان كلامك صحيح لكن الكثير منه خاطئ لذلك ارجو ان تتراجعي عن كلامك المذكور في البند الثاني

[هـــدوء]

مليحة هاذي تع شرط ما يديكش معاه !
الانسان يزوج بش يصون نفسو. النفس عندها شهوات كيفاه ديرولها و نتوما بعاد على بعض شهر كامل؟ علاه تتزوجو مالا ؟ زوجك من حقك عليه يكون معاك و من حقو عليك تكوني معاه بش تصونو بعض .
يعني لو قالك ظرف مؤقت و منبعد يديك و لا يجي و يبقى هنا كنت نقولك فكري في الموضوع بصح طالما هذا شرطو يعني راح تبقاو هك و هنا نقولك ماتقبليش بيه.
يعني مستقر لهيه و يجيك نتي زيارة و هاذي عزيزتي منرضاهالكش.

[ابو سليمان10]

هناك من تتزوج هنا من رجل يغيب شهر و يحضر شهر خاصة الذين يعملون في حاسي مسعود يعني لست الاولى...لاكن اكيد الامر فيه صعوبة على الطرفين
عدم اخذكي معه لا يعني بالضرورة شىء مريب ..ربما فقط لدواعي لوجيستية كالسكن او ماشابه او ربما يرغب في ان يتربى بنوه هنا
صلي الاستخارة و شاوري و تحري امره

ما يثير اهتمامي نوع العمل الذي يتيح لك شهر هنا و شهر هناك

[قدور بن عاشور]

يا دكتورة لا تتسرعي و ترمي التهم جزافا على الملايين من الناس.
باقي كلامك لا غبار عليه.

[رندة.]

صلي صلاة الاستخارة وزيدو سقسو عليه مليح. وحاولي تفهمي علاه مش حاب يديك معاه، الي يتزوج مذابيه تكون مرتو معاه دايما، وتعرفو وش هي طبيعة عملو في الخارج؟ وهل يقدر يديك معاه ولا هو الي مش حاب يديك... أمور كثيرة استفسرو عليها مليح وما تتسرعيش في قرار مصيري كيما هذا.
ربي يوفقك ويرزقك الزوج الصالح ان شاء الله

[sohaibdz]

احسنو الظن يا جماعة الخير
يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ
السيد هذا حاب يكمل نصف دينو كون جا يحوس على الحرام مكانش حاجة اسهل منو في الغربة
ربي يسهل

[كاميلا]

اولا استخيري وتانيا رايي انا منقبلش بهاد الوضعية قبل زواجي رفضت هاد الانواع خاطر مش رح نزوج باش يوكلني ويكسيني الحمد لله لاباس عليا كي كنت في دار الوالد ونقدر نخدم ونوفر كل شي الرجل بالنسبة ليا الامان والسكينة ونربيو ولادنا كيفكيف ونقسموا المسؤولية مش دكر النحل سمحيلي على العبارة

[كاميلا]

المشاركة الأصلية كتبت بواسطة هـــدوء

مليحة هاذي تع شرط ما يديكش معاه !
الانسان يزوج بش يصون نفسو. النفس عندها شهوات كيفاه ديرولها و نتوما بعاد على بعض شهر كامل؟ علاه تتزوجو مالا ؟ زوجك من حقك عليه يكون معاك و من حقو عليك تكوني معاه بش تصونو بعض .
يعني لو قالك ظرف مؤقت و منبعد يديك و لا يجي و يبقى هنا كنت نقولك فكري في الموضوع بصح طالما هذا شرطو يعني راح تبقاو هك و هنا نقولك ماتقبليش بيه.
يعني مستقر لهيه و يجيك نتي زيارة و هاذي عزيزتي منرضاهالكش.

نفس تفكيري

[خالد عنابي]

فكي عليك غير منصوح بهذا الزواج .