هل من فحلة تعلمنا فتيل الطعام

[غزالة الصّحراء]

أم ورود حبيت أنزيد لك بعض النصائح.
- لما أتحبي تشري السميد للفتيل وصّي راجلك ايقول للبائع أعطيني سميد اناع لفتيل ماشي أنتاع لعجين . على خاطر سميد أنتاع لفتيل لازم ايكون اشويا أحرش.
- لازم أتفوري اشويا أنتاع السميد باش يسهل عليك لفتيل. يعني لما قلت لك أنا أنقسم شكارة 25 كلغ إلى 3 أجزاء . كلّ جزء أنفور منو كسكاس مايكونش امعمر بزاف.
- بالنسبة للغرابل . اشري من عند هاذوك ألي يخدموهم. لما اتميدي لهم غربال اقديم يخدموهولك ب100 دج. ولما تشريه من عندهم اجديد مخدوم تشريه ب200 دج,
بالتّوفيق.

[fatijijel]

السلام عليكم
يا ام ورود الفتيل أسهل حاجة
ديري كيما قالوا الحراير و طبقي الطريقة و لازم ما تخافيش لآنوا ماشي انت اللي تفتل السياير هما اللي يفتلوا
و باش نشجعك أول مرة فتلت و أنا عمري 17 سنة و الحمد الله
يالله شمري و بداي

[ام ورود]

المشاركة الأصلية كتبت بواسطة جيجلية

السلام عليكم ورحمة الله وبركاته

واش هذا ام وروود جيجلية وما تعرفيش تفتل الطعام

لازم تتعلمي يا لوكان اجي عندي نعلمك هههههه

الفتيل ساهل تقدري تتعلمي كتكون وليمة او عرس مع الخبيرات وثاني بالفيديو المهم

حطي الماء بالشوية والسميد ومن بعد استعملي السياير ابدا بالخشين ثم اللي تحته ثم اللي تحته وانت كما تحبيه خشين او رقيق

بالتوفيق

سلام جارتى .والله مالقيت ليعلمني وحتى في اللمات عيلتي كسولين كلشي يجيبوه واجد ماكانش ليفتل.اما عايلة زوجي كاينة زوجة سلفي تفتل لكن متبغيش توريني ............الحمد الله كاين ناس الخير.

[ام ورود]

المشاركة الأصلية كتبت بواسطة المنتقبة

السلام عليكم و رحمة الله و بركاته
اختي في الله راه الفتيل صعيب بزاف و لازم تشوف عينك باش تقدري تفتليه ، انا ننصحك غير ما تتعلميش و ما تولفيهش ههههه

صح لازم تشوف قدامك لكن هدا ما يمنعش انك تعرف على الاقل الخطوات و واش لازم.شكرا على المرور

[ام ورود]

المشاركة الأصلية كتبت بواسطة غزالة الصّحراء

أم ورود حبيت أنزيد لك بعض النصائح.
- لما أتحبي تشري السميد للفتيل وصّي راجلك ايقول للبائع أعطيني سميد اناع لفتيل ماشي أنتاع لعجين . على خاطر سميد أنتاع لفتيل لازم ايكون اشويا أحرش.
- لازم أتفوري اشويا أنتاع السميد باش يسهل عليك لفتيل. يعني لما قلت لك أنا أنقسم شكارة 25 كلغ إلى 3 أجزاء . كلّ جزء أنفور منو كسكاس مايكونش امعمر بزاف.
- بالنسبة للغرابل . اشري من عند هاذوك ألي يخدموهم. لما اتميدي لهم غربال اقديم يخدموهولك ب100 دج. ولما تشريه من عندهم اجديد مخدوم تشريه ب200 دج,
بالتّوفيق.

سلام اختى .شكرا على النصيحة نتاع التفوار والسميد.اما بالنسبة الغرابل انا عندى ثلاثة الاول عينو مفتوحة بزاف لنعملو بيه البركوكس
والاخرين اقل منو في الحقيقة شريتهم باش نعمل طعام الزعتر نحن في جيجل نعمل طعام بالزعتر للمراة بعد الولادة صحي كثير ويبدو انو يخصني الغربال الرابع لى عينو رقيقة.

[ام ورود]

المشاركة الأصلية كتبت بواسطة fatijijel

السلام عليكم
يا ام ورود الفتيل أسهل حاجة
ديري كيما قالوا الحراير و طبقي الطريقة و لازم ما تخافيش لآنوا ماشي انت اللي تفتل السياير هما اللي يفتلوا
و باش نشجعك أول مرة فتلت و أنا عمري 17 سنة و الحمد الله
يالله شمري و بداي

ماشاء الله عليك والله يا اختى انا من الناس ليحبو يتعلموا كلشى لكن للاسف مالقيتش في عيلتى ليعلمنى.وراني رايحة نتبع نصائح الاخوات وانشاء الله ننجح.شكرا على المرور

[غزالة الصّحراء]

المشاركة الأصلية كتبت بواسطة ام ورود

سلام اختى .شكرا على النصيحة نتاع التفوار والسميد.اما بالنسبة الغرابل انا عندى ثلاثة الاول عينو مفتوحة بزاف لنعملو بيه البركوكس
والاخرين اقل منو في الحقيقة شريتهم باش نعمل طعام الزعتر نحن في جيجل نعمل طعام بالزعتر للمراة بعد الولادة صحي كثير ويبدو انو يخصني الغربال الرابع لى عينو رقيقة.

يا أهلا ومرحبا بأم ورود. إن شاء اللّه اتكوني استفدتي وأخذتي نظرة خاطفة عن الفتيل. ما يكون غير الخير الأمر بسيط بالبزاف. رحمة ربّي واسعة والنّاس لملاح مازلوا كاينين، والتكنولوجيا راهي ثاني اتعاون في الكلّ.
بصّح يا أختي ام ورود ، أنا نستعمل غير 3 غرابل. واش هي قصّة الغربال الرابع؟؟؟ أحنا الغربال الثالث هو الي عيونو ارقيقة. على خاطر فيه الي اتكون المرحلة النّهائيّة. فيه ألي رايح تتحصّلي على الطعام، ثمّ تنشريه في الدّْرَا.
الغربال الأوّل قلت لك لازم فتحاتو ثاني ايكونوا اصغار اشويا باش ايجيك الطعام ارقيق.
غير ماتقلقيش روحك رايح تتعلمي وتولي سيّدة لفتيل، وكاليوم اتقولي ، واللّه غير غزالة الصّحراء قالت. واش رايك؟

[ام ورود]

المشاركة الأصلية كتبت بواسطة غزالة الصّحراء

يا أهلا ومرحبا بأم ورود. إن شاء اللّه اتكوني استفدتي وأخذتي نظرة خاطفة عن الفتيل. ما يكون غير الخير الأمر بسيط بالبزاف. رحمة ربّي واسعة والنّاس لملاح مازلوا كاينين، والتكنولوجيا راهي ثاني اتعاون في الكلّ.
بصّح يا أختي ام ورود ، أنا نستعمل غير 3 غرابل. واش هي قصّة الغربال الرابع؟؟؟ أحنا الغربال الثالث هو الي عيونو ارقيقة. على خاطر فيه الي اتكون المرحلة النّهائيّة. فيه ألي رايح تتحصّلي على الطعام، ثمّ تنشريه في الدّْرَا.
الغربال الأوّل قلت لك لازم فتحاتو ثاني ايكونوا اصغار اشويا باش ايجيك الطعام ارقيق.
غير ماتقلقيش روحك رايح تتعلمي وتولي سيّدة لفتيل، وكاليوم اتقولي ، واللّه غير غزالة الصّحراء قالت. واش رايك؟

انشاء الله يا اختي .لا انا سالتك برك الا الغرابل كاين 4 والا 3.والله استفدت كثيرا وغدوة انشاء الله نشري السميد نتاع لفتيل ونجرب شوي
يا اختى غرالة الصحراء الله يخليك ديما غرالة عند راجلك ويحفضلك اولادك من كل سوء وشكرا

[غزالة الصّحراء]

المشاركة الأصلية كتبت بواسطة ام ورود

انشاء الله يا اختي .لا انا سالتك برك الا الغرابل كاين 4 والا 3.والله استفدت كثيرا وغدوة انشاء الله نشري السميد نتاع لفتيل ونجرب شوي
يا اختى غرالة الصحراء الله يخليك ديما غرالة عند راجلك ويحفضلك اولادك من كل سوء وشكرا

آمين يا ربّ العالمين. وكلّ أم يحفظها اللّه من كلّ سوء ويحفظ ذريّتها وزوجها. أنتظر تجربتك التّي أتمنّى أن تكون جدّ موفّقة. ولاتنسي الرّد لتفرحي الكلّ وخاصّة أنا. باش أنزوخ بيك. كوني فحلة وشمري على يديك،وفرحي راجلك ، باش ايقول اعليك: انت امرأة ونصّ. الإرادة تذوّب الحديد. وإرادتك في حبّ التعلّم قويّة فإلى الأمام دوما دون تراجع.
أعانك اللّه وكان معك دوما. موفّقة.

[ام ورود]

المشاركة الأصلية كتبت بواسطة غزالة الصّحراء

آمين يا ربّ العالمين. وكلّ أم يحفظها اللّه من كلّ سوء ويحفظ ذريّتها وزوجها. أنتظر تجربتك التّي أتمنّى أن تكون جدّ موفّقة. ولاتنسي الرّد لتفرحي الكلّ وخاصّة أنا. باش أنزوخ بيك. كوني فحلة وشمري على يديك،وفرحي راجلك ، باش ايقول اعليك: انت امرأة ونصّ. الإرادة تذوّب الحديد. وإرادتك في حبّ التعلّم قويّة فإلى الأمام دوما دون تراجع.
أعانك اللّه وكان معك دوما. موفّقة.

امين انشاء الله مشكورة

[روح مراد]

لالا يا أختي تعلمي الفتيل من بعد ماعليش ما تفتليش منا الغدوة يعود عندك بنات باش تعلميهم إنن شاء الله
و الله لوكان جيتي قريبة نعلمك راهو شيء ساهل و مع الممارسة تعودي متمكنة من الفتيل
أنتي بداي غير بشوية بشوية في أوقات الفراغ حتتى تلقاي روحك تعرفي بالتوفيق

[غزالة الصّحراء]

المشاركة الأصلية كتبت بواسطة روح مراد

لالا يا أختي تعلمي الفتيل من بعد ماعليش ما تفتليش منا الغدوة يعود عندك بنات باش تعلميهم إنن شاء الله
و الله لوكان جيتي قريبة نعلمك راهو شيء ساهل و مع الممارسة تعودي متمكنة من الفتيل
أنتي بداي غير بشوية بشوية في أوقات الفراغ حتتى تلقاي روحك تعرفي بالتوفيق

يا أهلا بيك أختي روح مراد على صفحة أم ورود لتعليم الفتل. نصيحتك اكثير قيّمة. حتى ولو الوحدة منا ماعندهاش لبنات رايح تنفع روحها. أنا ثاني علمتني الأم انتاعي اللّه ايطوّل في عمرها. ولما جيت لداري وليت نفتل. دون ماتساعدني أيّة وحدة. تنكلّ على اللّه ونشمر على يديّا ونفتل اطعام انقيّ وناكلوه بالصحّة والهناء. بلا منظل أنحلل.
وصح اكلامك واللّه غير أنا ثاني لوكان جات ام ورود قريبة لوكان علمتها ونتعاونوا باش نفتلوا لها . وتاكلوا بالصحّة عليهم.
يعطيك الصحّة يا أختي روح مراد على زيارتك للصّفحة نوّرتيهابردّك.