المحاجب - الصفحة 2

روعة القمر~ · 2014-01-23, 18:55

اقتباس:

المشاركة الأصلية كتبت بواسطة خربشة ناعمة

يعطي الصحة اختي على الشرح و الصور
يبانوا يشهيوا
بصح احنا فالوسط المحاجب ما نحطولهمش الشحم..

شكرا لمرورك اختي راهم خفاف بزاف بصحتكم
احنا في الشرق و خصوصا في المكان الي نعيش فيه لو ما نحط الشحم فيها ما ياكلوهاش و ما يسموهاش محاجب بالنسبة لينا هاذي سندويتش بالشكشوكة لا اكثر الشحم عندنا مهم كي تذوب و تتصفى تجمد و تبان كي الزبدة البيضاء تحتفظي بيها في مكان جاف و بعيد عن الضوء تبقى لسنوات من دون ما يتغير حتى لونها تبقى كيما هي نستعملوها حتى في البركوكش فقط قطعة صغيرة على راس المغرف تعطيك بنة و لا اروع و ايضا كاين ناس ما يحبوش ياكلوا الكسكسي بالخضرة او بالحليب و السكر ياخذوا الحليب و شوية ملح و على راس المغرفة راس الحانوت و هريسة للي يحب الحار و على راس المغرف قطعة صغيرة من الشحم للنكهة تحطيهم على النار حتى يغلى و من بعد تسقي بيه الكسكسي يجي بنين لو كان ما تحطيش الشحم فيه تلاحظي الفرق