المتاهلات رسميا الى المسابقة.........والانطلاقة السبت مع صاحب الامل سطايفية وفريولة - الصفحة 14

fifiarch · 2014-11-18, 23:01

مساء الخير واش احوالكم

للاسف انشغلت جدا

اعجبني الدرس وبارك الله فيك اخ عمر على التعليقات

نتمنى التوفيق للجميع

انا زهري ماكاش الادوات وين نسكن

مع العمل استحالة نسافر باه نشري من الولاية ...راهم شنقونا

ومالقيتش مام طفلة صغيرة نخيطليها

تخلطتت كامل

نتمنى تتحل ونطبق ونكمل معاكم

تصبحو بالف خير

mimimouni · 2014-11-19, 09:34

خسارة اختي فيفي لوكان جيتي قريبة راني شريتلك معايا والله ما نبخلك
ربي يسهلك وتكملي.
وادعيلي ربي يشفيني و نقدر نخدم
بالتوفيق للجميع

crono · 2014-11-19, 11:22

صباح الانوار عليكم لبنات
كيفاش راكم كامل
واش حوالكم لبنات وراه الحماس
:

اقتباس:

المشاركة الأصلية كتبت بواسطة صاحب الامل

شكرا ليك الاخت كرونو على الموضوع

واكيد راح يفيد الكثير من الاعضاء معنا

الله يسلمك بارك الله فيك

اقتباس:

المشاركة الأصلية كتبت بواسطة موجو جوجو

واااااااااااااااااااااااااااااااااو الاعمال تحف فنية
راني انا مااااا بعد الاخير خلاص
اخي عمر فهمت بلي نخدمو بالعقاش و خلاص و خدمتي زعمة باش نقصو فالحواشي و نحطو في ظهر قندورة زعما زعما مبرج كي التول ترافايي

اختي و استاذتي كرونو بارك الله فيك و جزاك الله خيرا
رووووووعة
دوكا راني مركزة مع الواجب الخامس بصح راني نولي ليك نكاشما مافهمتش فالطريقة تاع تركاب العقاش،اوكي؟

مجو جوجو الوقت لي حصلتي في تركاب العقاش راني هنا

اقتباس:

المشاركة الأصلية كتبت بواسطة fifiarch

مساء الخير واش احوالكم

للاسف انشغلت جدا

اعجبني الدرس وبارك الله فيك اخ عمر على التعليقات

نتمنى التوفيق للجميع

انا زهري ماكاش الادوات وين نسكن

مع العمل استحالة نسافر باه نشري من الولاية ...راهم شنقونا

ومالقيتش مام طفلة صغيرة نخيطليها

تخلطتت كامل

نتمنى تتحل ونطبق ونكمل معاكم

تصبحو بالف خير

أختي فيفي روحي غير بلاعقل ولا مالقيتش طفلة صغيرة خيطي على ببيا

فكرتني في يمات الزمان تاع امسابقات لي شاركنا فيهم:19

اقتباس:

المشاركة الأصلية كتبت بواسطة mimimouni

خسارة اختي فيفي لوكان جيتي قريبة راني شريتلك معايا والله ما نبخلك
ربي يسهلك وتكملي.
وادعيلي ربي يشفيني و نقدر نخدم
بالتوفيق للجميع

أختي mimimouni ربي يجيبلك الشفاء و يعافيك و يهنيك
الخدمة بدات تدخل الله يبارك

هيا بنات شدو الهمة

نتمنى التوفيق للجميع

صاحب الامل · 2014-11-20, 11:15

الليلة قبل 20.00

ينتهي الوقت المخصص للتطبيق الخامس

التطبيق يرسل على الخاص

*************

وسنتعرف بعدها على المتاهلات الى المسابقة

صاحب الامل · 2014-11-20, 15:43

بقي حوالي 02 ساعات

على انتهاء الوقت المخصص

للتطبيق الخامس

************
التطبيق يرسل عبر الخاص
ولا يوضع هنا

موجو جوجو · 2014-11-20, 17:59

السلام عليكم و رحمة الله تعالى و بركاته
واش احوالكم
و التطبيق كيفاش جاكم،؟
عن نفسي استمتعت به خاصة الكورسي عجبني و فرحت كي خدكمتو لانها المرو الاولى ليا نخيط كورسي

حظ موفق للجميع
و متابعة شيقة كيما يقول السي علاء تاع عندي ما نقلك
.
.
.
.
.
.
.
.
.
.
.
.
و يا اسفاه حتى و ان كنت من المتأهلات للمسابقة لن اتابع معكم و هدا لظروفي الخاصة ، المهم دعواتكم لي بالشفاء
و خسارة في الايام القادمة لن اكون معكم لمتابعتكم
خاصة ان المسابقة راح تجرى مع فريولة و سطايفية و خسارة ليا اني ماراحش نستفيد من نصائحهم الذهبية

اكتب هدا و المورال 90 درجة تحت الصفر
سلااام

صاحب الامل · 2014-11-20, 18:05

20.00 ينتهي الوقت المخصص للتطبيق الخامس

وبعده سنتعرف على اسماء المتاهلات معنا

الى

project runway

موجو جوجو · 2014-11-20, 18:21

حظ موفق للجميع

mimimouni · 2014-11-20, 18:35

اقتباس:

المشاركة الأصلية كتبت بواسطة موجو جوجو

السلام عليكم و رحمة الله تعالى و بركاته
واش احوالكم
و التطبيق كيفاش جاكم،؟
عن نفسي استمتعت به خاصة الكورسي عجبني و فرحت كي خدكمتو لانها المرو الاولى ليا نخيط كورسي

حظ موفق للجميع
و متابعة شيقة كيما يقول السي علاء تاع عندي ما نقلك
.
.
.
.
.
.
.
.
.
.
.
.
و يا اسفاه حتى و ان كنت من المتأهلات للمسابقة لن اتابع معكم و هدا لظروفي الخاصة ، المهم دعواتكم لي بالشفاء
و خسارة في الايام القادمة لن اكون معكم لمتابعتكم
خاصة ان المسابقة راح تجرى مع فريولة و سطايفية و خسارة ليا اني ماراحش نستفيد من نصائحهم الذهبية

اكتب هدا و المورال 90 درجة تحت الصفر
سلااام

و عليكم السلام و رحمة الله تعالى و بركاته
اولا ربي يشفيك شفاء عاجلا غير اجلا و يشفي جميع المرضى
يا ختي ربي يرجعك بالف سلامة ، وحتى اذا تطبيقاتنا ماكانتش فالمستوى المهم
تعلمنا و استفدنا وكونا روابط بيناتنا يعني راح نتفقده بعضانا ونسقسيو على بعض
لانو هذا المنتدى وهاذ الورشات لي نشاركو فيها تخلينا نخممو في بعض
ربي يدوم عشرتنا يارب

موجو جوجو · 2014-11-20, 18:37

مشكورة ميمي موني على الكلام الطيب

صاحب الامل · 2014-11-20, 18:38

mimimouni
موجو جوجو

*******
بعد انهاء التطبيق
هل هذا هو الزي اللي كنتو تتخيلوا فيه
وهل اعجبتكم النتيجة اللي تحصلتو عليها ام لا
؟؟؟؟؟

وهل في رايكم راح تكونو من بين المتاهلات

موجو جوجو · 2014-11-20, 18:54

نعم كنت نتوقع يكون كيما هكدا
و النتيجة بصراحة ماعجبنيش الجزء السفلي
كنت نفضل لو فصلت اربع قطع اللجزء السفلي راح يكون احسن
اما القطعة العلوية حاجة روعة

mimimouni · 2014-11-20, 18:56

الحمد لله اني توفقت و كملت قبل الوقت بالرغم من المرض بديت الصباح و كملت و الحمد لله
بالنسبة للزي كيما شفت الدرس كيما دخل راسي و فهمتو وطبقتو
كان برك مشكل فالدنتال تمنيت يكون مشرشف اكثر
وانا راضية على النتيجة بزاف لاني قدرت نطبق الشرح تاع الدرس بالتفصيل
وحاولت نتقن خدمتي قد مانقدر
بالنسبة للتاهل انا نؤمن ب " تفاؤلوا خيرا تجدوه " و " لي يحط هدف امامه راه يوصل
باذن الله "
ما انو البنات لي معان شاطرات ماشاء الله حتى اذا ماتاهلتش ماراحش نزعف
لاني الحمد لله تعلمت بزاف حوايج و عملت مجهودي
شكرا جزيلا لك اخي عمر و ربي يجعلو في ميزان حسناتك

موجو جوجو · 2014-11-20, 18:56

من المتأهلات ربما نعم ربما لا
الله يبارك معانا خياطات فالدومان و انا ما نكون غير خياطة هاوية تخيط بالنفحات هههه بما انه التطبيق الاخير عندو 70 من العلامة
و مع التبهديلة لي درتها فالتطبيق الرابع ؟؟؟؟؟

أم معاذ أم معاذ · 2014-11-20, 19:08

السلام عليكم
بالنسبة ليا لم أقم بالتطبيق لأن المودال غير عملي بالنسبة لي يعني حتى لو خدمتو راح نخسر قماشو و وقتو فقط و راح يتخبى في الخزانة

لذا راح نشوف ترتيبي في المسابقة و إن شاء الله نكون من المتأهلات