اقتباس:
المشاركة الأصلية كتبت بواسطة the traveler
اذا خطبت فتاة و طلبت منها التحدث معا قصد التعارف اما عبر الهاتف او الخروج فرفضت, و من جهة اخرى تتحدث مع الاعضاء في المنتدى تبدي برايها و تناقش و تظهر شخصيتها و تتعرف على الجميع
اما انا الذي يرغب بالزواج بها ترفض ان تتعرف بي او ان اتعرف على شخصيتها!
اهذا منطقي؟؟؟؟
|
و الله عندك الحق .....رانا عايشين في تناقض ....كاين اللي تقوللك حرام نخرج مع خطيبي مي تلقاها مايش مخطوبة و بالاك بعد الخطبة تبدل رايها خاصة بعد الفاتحة ........ و كاين اللي يتعرف و يحب قبل الخطبة اكثر من وحدة و بعد الخطبة يوللي يعللق علا اللي خارجين مع بعض
و لاحضت حاجة ......الغاشي عند روحو اللي خرجت مع خطيبها مرة راهي وصلت لمانعرف واش ..... لا و يهدرو عن اقتناع خايفين بعد العقد يخرجو مع بعض .......يعني قبل الفاتحة علابانا كامل بللي فبها دنوب و حرام مي باه ربي يمدلك الحق و يقوللك حلال و انتا تحرم هديك اللي مافهمتهاش و يقوللك الاعراف و العادات .!!!!!!!!!!!!!!!! ماقلناش يجيبو ولاد قبل الزواج قلنا يتعارفو فقط لا اكثر كيفاه لواحد عندو معرفة بزميلاتو في الخدمة مليح و يعرف يميز بين لمربية و الي قليلة تربية و كي تجي في خطيبتو يبقا مغمض في عينيه .........شوية منطق
الاعراف كي تهضم الحقوق هي اللي توللي تزيد ف الافات تاع المجتمع ..هي اللي زادت في الصحوبية و في الطلاق و ف العنوسة ........ ...الاعراف تاني تحتم على لبنات يشرطو و كيفاه مايشرطوش و العرش تاعهم كامل يشرطو لازم لمحزمة و لمناقش 15 مليون .....العراف .تخلي لبنات مايتعرفوش قبل الزواج بالزوج و كي يطيح الفاس ف الراس يقولولها اصبري طفرت ماعندكش حل .....الاعراف و كلمت العيب اللي مايش ف بلاصتها هي اللي فرضت على الراجل كي يجي من السفر يسلم على والديه و على خواتاتو مي مرتو يحشم هههههههههه .........يعني بالعربية حنا شعب صح مهبول