حلقة انورمال من مسلسل من السحور للفطور ....هههههه

[نَقَآءْ اَلْسَرِيْرَهـْـ]

مسلسلنا المتواصل بلا فواصل من السحور للفطور رمضان دوار الزهور
و مع طلعة القمر و غزو اهل الدوار لمدة شهر بالكاتب بالمخرج ( مع العلم المخرج هو الكاتب و بطل في المسلسل ) مازالنا غير الصوار و يتم العمل الجبار ......و حتى الممثلين من الفزاعات الى عليبسة و البقرات ( بقرة الجيران ووليدها )
المهم فاقتلهم شركة فضائية بعثتلهم ابو ساطول ( الله غالب الكاتبة عقلها في باب الحارة ) اقصد اسطول جوي باه يهبطوهم

اهل الدوار : آلي آلي يا مركبتي حبة حبة و نجيبوها في الفيني من القمر مقلعين و لدوارنا راجعين
مع العلم هاذي تاع الهبطة عكس تاع الطلعة .......
و بعدما هبطوا رجعوا مشهورين .....واش نقولكم ما كانش تلفزيون ما طلعوش فيه .....ممثلين و مستكشفين الله يبارك
وحد النهار و مع اخر الاخبار اتفرجوا واش صار
قلتلكم ناقصنا غير الصوار ......راه جانا لباب الدار .......
المخرج:يويويويويوووووووووووووووي (اسمحولي ) راني فرحان مانيش عرفان خلاص راح يطلع اسمي في الجرنان
اهل الدوار : رجعوا متكبرين ....ياخي حالة علينا جينا نريحوا شوية ما خلاونا
العمدة : جات و جابها ربي والله توحشت العرضية والله العيشة بلا زردة و عرضية ماهي هنية ......ياهاهاهاهاااااا
قالكم الصوار عقلوا طار قالهم ماني راجع للمدينة نعيش عندكم نخدمكم ليل نهار ....شكون نعملوا دعاية لبخوش الكافار شكون نعملوا دعاية لزيت الصبار .......
و مع هوما يحكيو دخل للاستوديو تاع التصوير ..........شكون ؟؟؟
ياو محاربوا الصحراء .....هههههههههههه
سوما , عدلون , ابو العلال, سعدون : لالالالااااااااا نظن مازلنا فوق القمر هذا حلم و الا علم محاربوا الصحراء ما نسيناهم حتى و رانا في الفضاء
صلحون و سليطنة : طيروا لهيه خليونا نذوقوهم الزلابية بالاك يفرج علينا ربي و نفتحوا شكرة عالمية
الفزاعات الشريرات بلا القطة : خليونا نصوروهم و الاااااااااااااااا
مع العلم القطة غائبة عن العمل ........هههههههههه عييت نكتب و نمثل ياسر عليا
سيدات الدوار بالحجر و المطرقة و القراطوار.... يتقاتلوا على توقيع في كرني عمي رامن تاع الكريدي مسكين خلاهولهم و هرب .........ان كيدهن لعظيم .......لا اله الا الله
بادي : عندنا الماء جاي من البئر نقصد من الجبل صافي و نقي خيرلكم من نيستلي بيور ما نعرف واش ...هههههههه اشهار باغي نخرج من الفقر ........
العمدة : ياو خلااااااااااااااص الحل نعملوا لقاء مع الكابتن رابح لقاء الاحبة كيف تاع عمنا الكامل
و بدا اللقاء .........
العمدة : السلام عليكم خير من بينصوار كاش جديد وين تدور ندوروا معاك
اهل الدوار :معاك يا الخضرة ديري حالة
الكابتن رابح سعدان : يا عمي ما نيش رابح ويكتاه ربحنا من بديتوا تعيطوا غير الخسارة
العمدة : لالالا احنا مع الخضرة خاسرة و الا رابحة واش بيك .....شبيك لبيك تربح و الا تخسر احنا بين يديك
الكابتن رابح سعدان : مع ضحكة خفية .....ما بغى يرد
العمدة : راكم واجدين للكوب ديموند .....علمتنوا الفرنسي و احنا خاطينا ...كلشي عندنا بالعربية تعرف شعارنا الدائم و اللي نعتزوا بيه .....
الكابتن رابح سعدان : يا خويا جونيمار ....واش راكم روطار ....قلتلكم مخي من عقلي طار ....اصبروا عليا راني نخدم ليل نهار ....باغي نكونوا من الكبار ....نطلعوا للقمر و نوليو دي سوبير ستار ...
العمدة : خسارة والله كون سمعت بيك راني طلعتك معانا ....عندنا نهارين من هبطا من لتم .....المهم قولي واش راك فخور بلي جوو و بينا كمشجعين
الكابتن رابح سعدان : لي جوور والله ما لقيتها حتى من جهة خليها على ربي فرات ( يبعد في العين يحسابلنا ماش فايقين بهاذ الخسارة مع الفرق الودية ) ......
كمشجعين نفتخر بيكم يا اهل الدوار ...راكم حسستوني اني بطل مغوار واش نسيتوا قداه عيطتوا نهار ماتش الكوت ديفوار .......ياك بغيتوا تشدوني بالهدرة و نقولكم واش راني مخبي وراء الستار .....ياو الصبر ...ماش طايرة لافيكتوار
العمدة : لازم عليك تعاودهالنا في الكوب ديموند في لافريك ديسود ......
يا شحرر روحي للجزار وصيلنا على اللحم طيري ما نبغي نلقى وراك غير الغبار .....
يا لي كيب ناسيونال راك معروضين وانت يا الصوار اقعد صور حتى يروحوا من الدار .....بالاك ترقد
يا عليبسة ارواحوا عاونوا .....بصح راني خايف نلقاكم رقدتوا فوق الكونتوار .....
هاذي هي حلقتنا ان شاء الله تعجبكم و لانو ما نقدر نحط صور صغار هاذي الصورة الاجمالية للحلقة