مجموعة من المخللات المنوعة اتفضلو ا مرحبا

[ام ساجد]

البسملة1



مساء الخير اخواتي عالم المخللات عالم كبير وفيه الكثير من الانواع والاكثرية تعلمناهم
من امهاتنا وجداتنا ربي يبارك فيهم ،وهادي بعض الوصفات لي حضرتهم. نتمنى تستفادو
منهم ويعجبوكن وتجربوهم واكيد مش راح تندمواااا

1/طماطم خضراء مخللة





حبات طماطم خضراء نغسلها ونقطعها وفلفل احمر وفلفل اخضر نقطعهم شرائح ونعمرهم في بلارات وحبات ثوم نقسم الحبة على اثنان
لتر من الماء المغلي وكاس خل و2ملاعق سكر و2ملاعق ملح نخلطهم جيدا ونصبهم على الطماطم ونغلق جيدا ونحطها في مكان مظلم 10او اسبوعين وراح تكون جاهزة وبعد نحتفظ بيها في الثلاجة




2/خضار مفورة ومخللة









3







]
فلفل حار منزوع البذور مقطع شرائح ونفورو حتى يتغير لونو،جزرمقطع ولوبيا خضرة وجلبانة نفورهم وباذنجان مشوي ونقشرو وثم نقطعو نجمع كل الخضر والفلفل والباذنجان ونضيف زيتون شرائح مغسول فقط مش مغلي ونضيف ثوم مرحي كمية مليحةوملح ونضيف 1او2حبات ليمون مقطعة شرائح ونحطهم في العلبة ونصب كيلة خل و3كيلات زيت انا خلطت زيت عادي وزيت زيتون ونغلق عليها ونحطها في الثلاجة بعد يومين نقدر ناكل منها وهي تعتبر كسلطة او مقبلة وكل ماتقعد وتتخلل يكون طعمها احسن



3/هريسة الفلفل الاحمر1


الهريسة ونحنا نسموها المرذوخ وممكن نستعمل نفس الطريقة مع الفلفل الاخضر







4/هريسة الفلفل الاحمر2




نغسل الفلفل وننزعلو الشابو وننزعلو البذور ونقطعووبعد نفورو ونرحيه في الميكسور او انا رحيتو في رحاية يدوية وبعد زدت رحيتو بالبراميكسور ونحطو في كسرونة ونحطو على النار ونحرك كانش ما فيه ماء باش ينشف وبعدنضيف ثوم مرحي كنية مليحة وملح وتابل وكروية وزيت ونخلطهم مع بعض ونفرغها في بلارات زجاج ونزيد نصب شوي زيت من فوق انا خلطت زيت زيتون وزيت عادي وهادي الهريسة ممكن تستعمليها مباشرة
واذا الكمية كبيرة ممكن بعد ما نرحيه نقسمها في علب بكميات صغيرة ونخبيها في المجمد وكل مانحتاج نجبد علبة وبعد ما ديكونجلى نضيف ليها التوابل والثوم والزيت ونستعملها



5/فلفل مرقد




نغسل الفلفل وننزع ليه الشابو لي من فوق ونعمل
فيه فتحة بالسكين ونخط الفلفل في القارورة حتى
تتعمر ثم نعمل الخليط لي هو
كاس خل و3كيسان ماء وملعقة كبيرة ونصف ملح نخلطهم
جيدا ونفرغ على الفلفل حتى تمتلأ القارورة نغلقها
ونحاول نخلطها جيدا حتى يدخل الخليط في الفلفل
ونزيد نضيف الخليط حتى تتملأ القارورة جيدانغلق
عليها ونخليها في المطبخ راح تكون جاهزة بعد
اسبوع او عشرة ايام ومن الاحسن كي تكونجاهزة
نحطها في الثلاجة باش تقعد اطول وقت ممكن او
ممكن نحطها في مكان مظلم بعيد عن الضوء



6/خضار مخللة





7/سلطة مخللة