° قَلبْ اللوز لفآرس جيدي خيْر من إنتآع برآ بــ 1000 مرة °

-نور الايمان- · 2014-07-10, 23:42

اليومْ حبيتْ نشآركُم بوصفــة جربتهآ هد الاسبوع إنتاع قلب اللوز لفارس جيدي شفتها في سميرة وعجبتني وقلت نجربها وهي تقريبآ مشابهة لنتآع الاخت ليليآ30 وجآت هبآل ومساوية في السكر وبنتها هبال على ضمآنتي جربوهآ وردولي بالخبر أحسن من نتاع برآ المهم منطولش عليكم تفضلوا الوصفة للاسف مصورتش الخطوات محسبتهاش تجي مليحة هاك بصح سهلة وبمقادير بسيطة تفصلوآ

* المـــقآديـــــر :
- 6 كيلآت دشيشـــة إنتاع قلب اللوة ماشي الغليطـــة تكون متوسطـــة وهدا على سب البلا انتاعك
- 3 كيلات سكر
- كيلة لبن
- كيلة ماء الزهر
- كيلة زيت
- والشاربات ديري 6 كيلات ماء مع 3 كيلات سكر وقطرات ليمون وخليها كي تبدي تغلي حسبيلها 15 د طفي وزيدها كاس ماء الزهر
* طريقة التحضير :
ديري الدشيشة وزيديلها السكر زدخليهم في بعضهم مليح وممبعد زيدي الزيت ودخلي كامل هديك الدشيشة مع السكر فيه وممبعد زيدي اللبن وحاولي تواصلي بنفس الطريقة وتدخلي الدشيشة في اللبن وزيدي ماء الزهر راح تجيك مطلوقة (سايحة ) نورمال وحكمي دوبي الزبدة ودهني البلا انتاعك بيها وحطي الخليط ومتضغطيش عليه وحاولي تسرحيه بظهر ملعقة والتزيين انتي ودوقك انا درت كاوكاو ودخليه لفرن مسخن من قبل نقصي لفوقاني والتحتاني خليه على نار متوسطة باه يجي طياب لفوقاني مع التحتاني كيف كيف ومين تتخمر خرجيها وشربيها مليح وعاودي دخليها للفرن مدة دقيقتين لا اكثر ونحيها وخليها تبات من الاحسن والله بنة ولااا اروع تفصلو بعض الصور بعد ماطابت

- هدآ الكآس لي كيلت بيه :

أسفــة على قلــة الصور إن شاءء الله قدرت نوصلكم الفكرة والله غير طبقوها في هدا شهر رمضان روعـــــة حقآآ دآرنا مآمنوش بلي مخدومــة في الدآر ياك يقولك خسارة العجين ولا خسارة اليدين

إنتوما جربوها وردولي بالخبر

- تقبلوا مروري * نور الهدى *

ام الهضاب · 2014-07-10, 23:51

يعطيك الصحة أختي لكن هي نفسها انتاع ليليا و صورتها ام اماني بالخطوات و اليوم فقط عملتها و خرجت تهببببل و لكن بالتشيشة الخشينة بارك الله فيك

-نور الايمان- · 2014-07-11, 00:07

اقتباس:

المشاركة الأصلية كتبت بواسطة ام الهضاب

يعطيك الصحة أختي لكن هي نفسها انتاع ليليا و صورتها ام اماني بالخطوات و اليوم فقط عملتها و خرجت تهببببل و لكن بالتشيشة الخشينة بارك الله فيك

بوركت على الرد ،،
إيه قلت تشبهلها في بعض الخطوات وه\ي مقاديرها سهلة وزيد متخليهاش نصف ساعة كيما انتاع ليليا وبالاضافة تجي سايحة مين تديرها في البلا ماشي كيما انتاع ليليا لاني جربتها وعجينتها تجي متمسكة برك ماشي سايحة
نورتي موضوعي

mariaanfel · 2014-07-14, 10:23

صحيح اختي هدا هو الفرق بينتهم و انا تلع ليليا كي طابت جاتنيمتماسكة قلت وقيلة المشكل في السميد المتوسط

idron0 · 2014-07-11, 11:09

يعطيك الصحة
اختي لاكان عندك رابط الفديو الخاص بالوصفة في youtub

oum anas 69 · 2014-07-11, 12:35

اقتباس:

المشاركة الأصلية كتبت بواسطة idron0

يعطيك الصحة
اختي لاكان عندك رابط الفديو الخاص بالوصفة في youtub

https://www.youtube.com/watch?v=Lzvizv_3Jcc

idron0 · 2014-07-12, 20:04

اقتباس:

المشاركة الأصلية كتبت بواسطة oum anas 69

https://www.youtube.com/watch?v=lzvizv_3jcc

بارك الله فيك اختي

أم إناس · 2014-07-11, 11:45

بارك الله فيك

ام انس15 · 2014-07-11, 12:06

يعيطك الصحة ولكن اعتقد انو هو حط 4 كيلات سكر في العجين راني مسجلتها

madie · 2014-07-11, 13:08

allah atik essaha bravooooo

ام ايمان16 · 2014-07-11, 13:37

يعطيك الصحة
يعني ماخليتيهاش ترتاح خلاص ؟وجدتيها وطيبتيها طول وماتخرجش معجنة؟

khadidja50 · 2014-07-11, 13:54

4444444444444444444444444444'''

maram mery1 · 2014-07-11, 14:10

بارك الله فيك اختي راكي سهلتيها خلاص عندي مدة و انا حابة انجربها و ماعنديش الكوراج خفت تخسرلي.....لكن عندي سؤال الدشيشة هي السميد الخشن؟؟؟؟ من فضلك جاوبيني,,,,,راني حابة اندير كوراج و انجربها

-نور الايمان- · 2014-07-11, 14:44

اقتباس:

المشاركة الأصلية كتبت بواسطة تفاحة12

يعطيك الصحة
يعني ماخليتيهاش ترتاح خلاص ؟وجدتيها وطيبتيها طول وماتخرجش معجنة؟

[color="rgb(65, 105, 225)"][color="rgb(65, 105, 225)"]السلام عليكم ،، لا اختي خرجتلي هبال قتلك خير من نتاع الحانوت تجي بنينة خلاص ومليحة
نورتي الموضوع بردك
[/color][/color]

اقتباس:

المشاركة الأصلية كتبت بواسطة maram mery1

بارك الله فيك اختي راكي سهلتيها خلاص عندي مدة و انا حابة انجربها و ماعنديش الكوراج خفت تخسرلي.....لكن عندي سؤال الدشيشة هي السميد الخشن؟؟؟؟ من فضلك جاوبيني,,,,,راني حابة اندير كوراج و انجربها

السلام عليكم ،، ايه مقاديرها ساهلة وتوجد بالخف والله غير جربيها وان شاءء الله راح تصلحلك وتجيك بنينة ايه الدشيشة هي السميد بصح لازم تكون متوسطة ماشي الخشينة وتكون وحدها يعني مافيهاش الدقيق لرطب ادا مفهمتيش راح نصورلك الدشيشة لي درت بيها وانا هدا وين خدمت واحدة ثانية وخرجتلي مليحة ان شاءء الله تنجحلك التجربة
نورتي االموضوع بردك

razika rock · 2014-07-11, 14:21