طريقتي في الاحتفاظ بشحم العيد

رقة زمان · 2015-09-12, 15:32

الشحمه نحتاجوها بزاف في الكوزينه كاين بزاف الي يرموها باش يتهنو من ليدام بالعكس الي تعرف كيفاش تحتافظ بيها رح تستفاد منها .....وباش تبقى عندك مده طويله الشحمه نتاع العيد ديري كيفي والي ماتحبش الشحم ترميها

بالنسبة للشحمة الي راح تبقى من الملفوف اي الردى نحيلها الطراف لغلاض وقطعيها بالمقص وديريها في بلاستيكه وحتافظي بيها فالفريكو تلقايها واجدة.باش ديري دواره اخرى

اما الشحمة الي كتشيط بعد تقطاع الحولي نقيها ملييييح من الجلود والقشره واي حاجة زايدة تم طحنيها في رحاية الكفته تجي هايله ونقيه وبيضه وزعيها في بلاستيكات وديريها فالفريكو تجي مفتفته .
الوقت لي تحتاجيها تلقايها واجده وتتهني من تكرار الخدمه وليدام وغسيل الماعن . انا راجلي يحب المشحمه كل مانحب نديرها نلقاها واجده
ان شاء الله تجربوها .

عيد مبارك للجميع

الزوجه المثاليه · 2015-09-12, 15:47

بارك الله فيك

حياة نور الدين · 2015-09-12, 16:44

اهلااااا اختي نفس طريقتي لكن انا نحي نقسمها نصف نخليه ابيض ونصف نحرجه بالepices. بارك الله فيك

idron0 · 2015-09-12, 18:06

جزاك الله خيرا

lina23 · 2015-09-13, 17:40

فكرة ملاحة . كاين بالاك ناس الغرب يرحيوها ويتفتفوها مليح بالفاحات تولي كيما الزبدة والطعم رووووعة .خسارة ماعرفتش واش يحطولها

fatisousou · 2015-09-13, 20:27

فكرة مليحة مشكورة مع تحياتي

أم محمد تاج · 2015-09-13, 20:31

الله يبارك فيك وصح عيدك

نهلةن · 2015-09-13, 20:44

اقتباس:

المشاركة الأصلية كتبت بواسطة lina23

فكرة ملاحة . كاين بالاك ناس الغرب يرحيوها ويتفتفوها مليح بالفاحات تولي كيما الزبدة والطعم رووووعة .خسارة ماعرفتش واش يحطولها

اختي شوفي اهم شئ الملح حطيلها الملح والكمون والكسبر وفلفل اسود واذا حبيتي راس الحانوت وحطيها في قماش يكون في الثقب
رقيقة كيما الكونبراس وعلقيها في بلاصة مهوية وفيها الشمس وخليها حتى تيبس ومن باعد اطحنيها وديريها كرات وخبيها وين بغيتي
احنا نديرو بيها الكسكسي و العيش الي هو البركوكس دجي روعة واذا بغيتيها للمرقة عادي ديريلها لي سيبيس واطحنيها وخبيها في الكونجيلاتور وعيد مبارك

رقة زمان · 2015-09-13, 20:50

اقتباس:

المشاركة الأصلية كتبت بواسطة نهلةن

اختي شوفي اهم شئ الملح حطيلها الملح والكمون والكسبر وفلفل اسود واذا حبيتي راس الحانوت وحطيها في قماش يكون في الثقب
رقيقة كيما الكونبراس وعلقيها في بلاصة مهوية وفيها الشمس وخليها حتى تيبس ومن باعد اطحنيها وديريها كرات وخبيها وين بغيتي
احنا نديرو بيها الكسكسي و العيش الي هو البركوكس دجي روعة واذا بغيتيها للمرقة عادي ديريلها لي سيبيس واطحنيها وخبيها في الكونجيلاتور وعيد مبارك

بارك الله فيك اختي على اثراء الموضوع ...مع اني من الغرب اول مره نسمع بيها

نهلةن · 2015-09-14, 06:52

اختي رقة زمان انا راني من الشرق واحنا هكا نديروها ومرت خويا من الغرب تاني يديرو هكا وعيدك مبارك وبارك الله فيك على الموضوع

salwa78 · 2015-09-14, 10:20

شكرا يا لميمة

منى27 · 2015-09-14, 10:35

بارك الله فيك

اسمهان79 · 2015-09-14, 20:58

طريقة رااااائعة
بارك الله فيكي حبيبتي

الزوجة البارة · 2015-09-15, 10:34

انا نهار العيد نحطها في الكوكوط بلا منغلق عليها و بلا منغطي الكوكوط خلاص و نقص خلاص النار حوالي 8 سوايع حتى تذوب خلاص تولي سائل و شوية طراف يبقاو نصبها في بلارات و نخليها تبرد بعد منكون نحيت طبعا الطراف الي بقاو كي الجلود و للثلاجة نجيب عام نحي منها كي نحب بلا متفسد

soumia2010 · 2015-09-16, 10:09

بارك الله فيك