الجزء 142 من واش طيبتي اليوم - الصفحة 3

ام عبدو و ملاك · 2015-09-03, 08:48

انا غدايا اليوم في الطريق راني نوجد في روحي نهبط لدارنا و نهار السبت ان شاء الله نرجع بالاكم تنساوني

omjoujou · 2015-09-03, 08:51

طريق السلامة معلمة الجديدة سلمي على داركم

ام سارة18 · 2015-09-03, 08:55

صباح الخير للحاضرات والغايبات والملتحقات بعدي
الريفية مبروك افتتاح الكوزينة ان شاء الله تكون فال خير عليك وعلينا ويرجعوا كامل الغايبات
اطباقك تحفة ربي يبارك وكوزينتك تهبل
ام اسلام كوزينتك كانت روعة وزيد مع النشاط ورجوع بعض الغايبات
انا غدايا جاج مع البطاطا مبعد نحط الصورة كي يطيب

هدا باروكي قديم مبعد نحط الجديد

ام عبدو و ملاك · 2015-09-03, 09:05

اقتباس:

المشاركة الأصلية كتبت بواسطة omjoujou

طريق السلامة معلمة الجديدة سلمي على داركم

تعيشي ام جوجو

ام و ابنة · 2015-09-03, 09:06

صباح النور جميعا

الريفية مبروك الكوزينة
كوزينتك تهبل الله يبارك و كيفاش تقولي ما راكيش مبدعة راكي مبدعة و نص

البنات اللي حطو الباروك يعطيكم الصحة كلش شباب انا باروكي العشية ان شاء اللة كش ما نلبز

المعلمة الجديدة ما شاء الله تبارك الله على وليداتك ربي يحفظهم و يحميهم و طريق السلامة ربي يرجعكم على خير

الرجاء صباح النور صح فقتو بيا ما نضتش بكري اليوم ضربني شويا الهواء البارح في البحر و في الليل قاعدة تروح التريسيتي تطفالي المروحة و انا ما نقدرش نرقد بلا بيها خخخخ

lyzzabel · 2015-09-03, 09:29

صبااااح الأنوااااار حبييباااتي و نهااركم طييب ياارب

حبييبتي الرييفية ألف مبرووووووك الكوزيينة الجدييدة غااليتتي و ان شااء الله تكوون فاال خيير عليينا كااامل و تكثر فييها الوصفاات الطيبة و النصاائح المطبخية و العطااء كما تعودنا داايماا و مااشاااء الله كوزيينتك تهبل ربي يهنيييك فييهاا ،، كما ان طيابااتك يفتحوو النفس رااكي مبدعة يا متواااضعة

من بعد بإذن الله نجييبلك البارووك غااليتيي

المعلمة الجدييدة ولا نقوولك ام ملااك بسم الله ماشاااء الله على وليدااتك ربي يحفظهك و يسترهم مالعيين يهبلوو ،، ربي يبااركلك فييهم و يفرحك بييهم يااارب و طرييق السلاامة حنووونة

ام سااارة قتلتييييني بالصاابلي على الصبااح و انا مازاال ما شربتش الحلييب رااني مييتة بالضرسة شوية هااكا نرووح عند الدوونتييست واااااااااعتييييين

الرجااء صبااحك فل حبييبتي ما تخدمييش اليووم ??

داائمة الحمد و ام جووجوو ممممم المحااجب بصحتكم و كااووكاا و قااااع لي دخلوو صبااحكم مسك شفت غيير الصفحة الأولى و الأخييرة خخخخخ

نرووح ندبر على الفطوور قداام لا نرووح للبوشي قصدي الدونتييست

سلااااااام للي يدخلوو من بعديييي

الرجاء الاماني المجد · 2015-09-03, 09:34

صباح الفل والياسمين ازبيل طهورا ان شاء الله نخدم يوم الاحد ان شاء الله المعلمة الجديدة طريق السلامة

أم ملك · 2015-09-03, 09:42

صباح الخير عليكم كامل
ألف مبروك الريفية الكوزينة و الله يبارك أكلك تحفة و الحوزينة هايلة تتهني فيها
المعلمة طريق السلامة و وليداتك تبارك الرحمن الله يحفظهم من كل سوء و أولاد المؤمنين جميعا
ليزا ربي يشفيك
الرجاء أم و إبنة دائمة إسمهان سارة أم جوجو صباح اﻷنوار و يومكن موفق جميعا بدون إستثناء
اللهم أعنا و لا تعن علينا
أستغفر الله العظيم

زهرة الريف* · 2015-09-03, 09:58

منورين حباباتي ومكانش كوزينة بلابيكم يااعز رفقة ربي يحفضلكم كل عزيز و غالي ويبارك لكم في رزقكم
أم إسلام. ...كلامك منشبعوش واطباقك تحف ربي يجيبلك الشفاء ليك ولكل مرضى المسلمين
أم كامليا...نتمنى تكوني بخير وربي فرج عليك والله يسلمك لعزيزة وبصحتك العشاء ولعقوبة اليوم لغدا
Yaswes....أهلا وسهلا بك اختي راح تستمتعي معنا وربي يكملك ويسعدك
دائمة الحمد. ...كوزينتي حلات كي شرفتيها وبالتوفيق للجميع في كل المجالات
فضيلة. ....طلتك توحي بالهدوء ربي يبارك فيك ويحفضلك وليداتك ومبروك عليك التوقيع
اسمهان. .....أنت هي الروعة والجمال والإبداع منك ومن الأخوات لي مثلك نستفيد ربي يجيب لك الشفاء ويسعدك دنيا وآخر ة
أم جوجو. ....يسعد ايامك وبصحتك العرس ومتنسايش الصور وربي يكثر علينا الأفراح ألف شكر حبيبتي راني نستنى المحاجب هذا لامعندكتش شهيتيني فيهم
الرجاء الأماني المجد .......راني سميت اميراتك في ثلاثة وربي يرزقك واش في بالك والفنا طلتك علينا متحرميناش منها كي تبداي تخدمي
المعلمة الجديدة. ....شكرآ أختي وطريق السلامة إن شاءالله توصلي بخير وسطيف ينور متنسايش تخبرينا كي تلحقي
امينة....راكي أنت الأصل ويبارك فيك يارب وربي يهنينا كامل بسترو وخيرو
أم سارة. ....صباحك مسك ونضم صوتي لصوتك وإن شاءالله ترجع الغايبات وينورو مكانهم ويعطيك الصحة على الصابلي هاذاك مانبغي

زهرة الريف* · 2015-09-03, 10:10

أم وابنة. .....ربي يعلي شانك والله طلعتيلي المورال كانش أفكار اتحفينا بيهم وشراهي ختك وليدك دخل ولامزال
ليزا.......هذا تواضع منك وين نجي قدامك الله يبارك والله خجلتيني ربي يفرحك واش راكي من ضرستك إن شاءالله تكوني ريحتي وبتي راقدة
أم ملك. ......فرحت كي شفت طلتك علينا على خاطر عارفة عندك مشكل في عينيك واش ريحتي منهم ولا مزال يارب وتكوني بريتي
البنات نخليكم في أمان الله وربي يوفقنا جميع
غدايا مازلت ماخممتش واش درت نحطولكم

الرجاء الاماني المجد · 2015-09-03, 10:11

ام ملك صباح الفل عزيزتي الريفية الولف صعيب منقدرش نستغنى عليكم

دائمة الحمد · 2015-09-03, 10:13

احلى صباح لكل الملتحقات
ايزابيل ربي يكون معاك هههههههه
غدايا دوبارة قفلت عليها وخلاص راح ندوش ونحضر روحي عندي عرس العشية
لبنات لي يعرفوا لهنا موكا حبيبتنا الغالية راهي تسلم عليكم كامل ومتوحشتكم ياسر كانت لاتية مع عرس خليل ربي يهنيه تريح من التعب وترجع تنور الكوزينة
والي ما يعرفوهاش ثاني راهي تسلم عليكم

طير الرحمة · 2015-09-03, 10:16

صبااااااااااااحكم فل وياسمين بنااااااااااااااااااااااااااات
مبروووووووووووك الكوزينة الجديدة احتى الريفية وعودة قوية ونوفقة ان شاء الله
طيابك يشهي يعطيك الصحة
اليوم درت الرقاق نتاع شخشوخة هدا وين كملت مع السخانة وليت ندووووووووووووب
لحلوة المساء عملت الصباح بكري بسبوسة والعشية نزينها بالكرام شونتي

طير الرحمة · 2015-09-03, 10:18

طرق السلامة اختى المعلمة
ليزا على سلامتك واش بيك راكي مع طبيب الاسنان شحال نكره نروووح ليه
ا ملوووووووكة واش اخبارك ان شاء الله ريحتي شوي
هدا واش تفكرت
سامحوني

دائمة الشكر · 2015-09-03, 10:19

صباح الخير عليكم اخواتي الحبيبات
الريفية مبروك عليك افتتاح الكوزينة جعلها فاتحة خير علينا وعليكي اختي اطباقك تشهي تسلم إيدك