كعكتي الفخمة بالشكولاطة و البرتقال بمقادير بسيطة

[om kamilia]

السلام عليكم ورحمة الله وبركاته
ان شاء الله نحط لكم لعشية الوصفة و لآ عجتكم طبعا

بما انو لقيت ردودكم دليل انكم حبيتهاو بلا مزية نحطلكم الوصفة


حبيت نقولكم حتى حاجة ماتخلعكم في مخابز و التحليات لي تشوفوها وتشروها باغلى ثمن للقطعة الواحدة ماتشبعش
حقا انا من عاشقات الشكولا وكان عندي بزاف اختبارات في الشكولا حتى نلحق للمراد وقبل ما نلتحق بالمنتدى جربت العديد من الوصفات خرجولي مرضية من اول وهلة و لاانسى فضل المنتدى في العديد من وصفات كنت لا اتقنها شكرا لكن اخواتي.

فعودة لذكريات تجاربي المطبخية جبدت هذه الوصفة في الحقيقة مكانش عندي مقادير مضبوطة ولآ غالية وهكداك جات تذوب ومنسمة .
المقادير
نحتاج 4 بيضات كاس سكر عادي ناقص مغرف
كاس زيت
كاس حليب
كاوكاو اسود3 ملاعق اكل
باكي خميرة كميائية
فرينة ندير كاس الاول ومبعد نضيف حسب الكثافة, دوك نفهملكم
والصح هو المنسمات
زاست البرتقال و الليمون أو احدهما نا درت الاثنين
2 قطرة من عطر الشكولا
فانيليا
نيسكافي ملعقة قهوة
وللتزيين
علبة دانون كريم ديسير شكولا انا كان عندي صومام لون باهت اضفت لها كاوكاو اسود

وللحشو
طبعا انا مدرتلهاش
علبة حليب دانون شكولا مع كمية شانتي نتحصل على كريمة
و الاهم من هذا و حبيتوها تدوها هدية : مكسرات مجروشة
لوز, جوز, بيستاش او زبيب عينة جافة او مشمش جاف نشمخوهم شوية ونرمدوهم في فرينة و تمر مقطع او الكل طبعا بكمشة صغيورة

نطلع البيض مع السكر ونزيد الزيت على شكل سرسوب ونضيف الحليب نخلطو فيه نسكافي وعطر شكولا وفانيليا وزاستووننخل كاس فرينة مع كاكاو بودرة مع خميرةنضيفهم على الخليط بواسطة سباتيلا ونزيد نضيف الفرينة بمغرف اكل حتى نتحصلوا على خليط مش خفيف بزاف مش ثقيل يعني متوسط في هذه المرحلة نضيفو المكسرات المجروشة متوسط ونرشو عليها الماء و نرمدوها في فرينةهكا ما تهبطش فيالخليط وكذلك بالنسبة للفواكة الجافة
نطيبوها في فرن مسخن مسبقا في حرارة150 درجة حتى نشوفو خليط زاد حجمو ونشف في الرف الاوسط
نخلوها تبرد , نقدرو نسقوها بعصير البرتقال( نخلوه يعقد شوية مع نسكافي وعطر شكولا قطرة)
ونغطيها بالقاناش ( علبة دانون كريم ديسير شكولا) او علبة دانون مع شكولا منى السوداء ـأو شكولا مع كريم فريش المهم هذا القاناش يخلي العكة رطبة
ولآ حبيتو تحشوها
نفضل تقسموالخليط الى اثنين وتطيبوه فيي 2 دفعات وتسقوها بسيرو أو عصير البرتقال كما شرحت لكموتضيفو الكريمة الشانتي
وتزينوها بعد الغاناش بلوز ايفلي ولآ مكسرات
بالنسبةللحشو و المكسرات اختياري كل واحد و مقدورو بصح حبيت نفيدكم بوصفاتي بكل اسرارها ماخبيت عليكم والو
وانا درتها بسيطة قطعت 4تمرات رمدتهم فيفرينة مع حبات شكولا كيندر هذا مكان
و الاهم عجبت عائلتي ان شاء الله تعجبكم وتجربوها ونزيد لكم وصفات من الحلو مدامكم تحبوالحلو

نسيت باه نقولكم في الحشو بعد ما تطليو الكريمة قطعو البرتقال لقطع متوسطة ضيفوها





























دعوة لأخي بالشفاء

[أم ياسين الزهراء]

اممممممممممممممم روعة روعة راح نستنى الوصفة

[ام رشدى]

اكيييييد من عندك لاااارم نكون بنينة ماتطوليش بالوصفة

[ارزاق]

رووووعة حطي الوصفة راهي تشهي ويعطيك الصحة

[fadila34]

يمممممممممم خرجتلك 444444444 بصحتكم فى انتضلر الوصفة

[الرجاء الاماني المجد]

روعة ام كامليا حطيلنا المقادير

[ام لجين و فيصل]

الله يبارك هايلة انا نموت على لي تارت او شوكولا و ثاني انتاع القارس ازربي اعطينا الوصفة ههههههههههههههههه راني جيعانة

[safi26]

بارك الله فيك

[Oum Habouba]

روعة يا ام كامي حطي حطي بارك الله فيك

[sofia dj]

مممممممممممممممممم نموت عالشيكولا
يعطيك الصحة

[كوسيم]

ودي عايزة كلام لازم تحطي الوصفة خاطر باينة

بنيـــنـــة

[خوخة02]

هايلة اختي الوصفة ان امكن

[أم شيماءْ]

امممممممممممممممممم يعطيك الصحة

[ام اروى وعاصم]

الوصفة من فضلك

[الأمنيات]

يعطيك الصحه راها تسخف