اسأل اللي يخطر على بالك math - الصفحة 2

biba 02 · 2014-08-24, 15:00

اقتباس:

المشاركة الأصلية كتبت بواسطة Chaima h

الله يبارك

ممكن سؤال انا ندرس رياضيات و لحد الان لم افهم الوسيط m ممكن شرح مع شوية امثلة و شكرا لك

يبارك فيك

ممكن تحطيلي تمرين مثلا و انا نفهمك فيه

...و هاذا الوسيط انا كي دخلت كنت 0000000000 فيه

و مبعد بديت نلقاه فالتمارين فالمناقشة البيانية

+téléchargiiit وحد الفيشيات ملخصين فيهم كامل الحالات تاع الوسيط و هاذو عاونوني بزززاف

...دوماج ماهمش عندي دوك نسيي مبعد نجيبهم ونحطهم

biba 02 · 2014-08-24, 15:07

اقتباس:

المشاركة الأصلية كتبت بواسطة nour elimane

شكرا على الموضوع
ماهي الدروس المهمة في الرياضيات والزياء

العفوووو

يا اختي السيستام تاع الباك راه باين بمجرد ما تشوفي لي سوجي تفهمي

كل وحدة تقراوها عليها تمرين ..يعنى كلشي مهم... برك كاين مثلا كيما ذوك الزوايا الموجهة دايرينلهم partie وحدهم فالكتاب sin tang cos مي حنا ما قريناهمش حتى لقيناهم داخلين في وحدة وحداخرا ..المهم نتيا تبعي لي سووجي تاع الباك اللي مقبل و السيستام هاذاك هو
بالتوفيييق

ميمي سمية · 2014-08-24, 15:22

شكراااا اختي لانك فتحتينا الموضوع

++++

وش رايك في واحد ماقراش الرياضيات بجدية من الرابعة متوسط

؟؟؟؟؟

أَوْتَآرُ الأَمَلْ · 2014-08-24, 15:52

اقتباس:

المشاركة الأصلية كتبت بواسطة biba 02

و عليكم السلام

نقولك بلي المواد العلمية لازمك تقرايها كل يوم يعني لازم كل حاجة ديروها تكملي معاها في وقتها ,,,,ما تبقايش اسبوع مثلا ما تقرايش علوم لازمك تكوني à jour في هاذ المواد ..صح كاين صوالح ماتفهميهمش ثم ثم مثلا كيما فالعلوم فالمناعة انا كنت كلما نزيد نديرو درس نفهم أكثر و هكذا يعني كي دخلنا فيها المرة الاولى كرهتها و حسيت روحي مانيش رايحة نفهمها أبدا ..و كي ماتفهميش ما تخليش تقولي حتى نكملو و نريفيزي من الاول هاذي أبدا ما ننصحكش بيها باسكو غير تبداي تاخري يروح كلشي ..اما الفيزيك و الرياضيات راهم باينين كل وحدة فيها شحال من درس ..و انا ننصحك باه تستعيني بالكتاب المدرسي في فهم فروع الدرس
أما المواد الادبية كل واحد و كيفاه ...كيما انا حتى للفصل الثاني باه بديت نحفظ مي بديت نفورسي باسكو كنت قابضة روحي فالمواد العلمية و اللي عاونتني هي اني كنت نحفظ بالوحدة

..و كيما الادب حلي لي سوجي هاذا مكان بعد ما تقراي الدرس ...و ما تقرايش 2 مواد علمية مورا بعضاهم
قراي رياضات و مبعد فلسفة مثلا و ما تنسايش pause و خطيك من التلفزيون راه يعييييي بززززاف ما يريحش

ممكن تفيديـآ بالفلاشات لي دكرتيهم سابقا وسامحيني كثرت عليك بزآآآآآآآآآآآف

مشكورة على النصائح الثمينة ساخدهـآ بعين الاعتبار اما بالنسبة للتلفـآز ههههه كوني مهنية لاني منحبوووش خلاااااااص خخ

بارك الله فيك اخيتي

Nour_eldjazair · 2014-08-24, 15:53

شكرا. اخني لوضع هذه الصفحة
الف. مبروك عليك الباك معدلك. رائع
سؤالي. :هل. الدالةقيمة. مطلقة. دالة زوجية

Chaima h · 2014-08-24, 16:52

شكرا لك سأحضر لك تمرين باذن الله

محمدي احمد 1995 · 2014-08-25, 10:57

جزاكي الله خيرا يا اختي حاب نسقيك على برهان العلاقة التالية cos(a+b( وشكرا مسبقا وربي يوفقك

Aymen 87 · 2014-08-26, 00:53

اختي أنا سأجتاز هذه السنة البكالوريا أحرار و أنا ضعيف جدا في مادة الرياضيات هل يمكن للدروس الخصوصية أن تكفيني أختي أتمني أن تنصحيني و تساعدني لأرسم مخطط لدراسة لأكون مستعدا لإجتياز الإمتحان في نهاية السنة أشكرك أختي و لا تبخلني من النصح