الجزء رقم 185 من الكوزينة بالمحبة والابداع نرتقي

[أم فاطمه]

السلام عليكم اخواتي وين راكم كما قالت ام يوسف.

سحابة نهال طالبة طيور ام جوجو ام اسلام حياة بيان وين راكي طلي علينا اوطمنينا عليك امينة ام حمزة عساكم بخير

.

عشاء المقارون بتون وحبات محاجب

[حياة نور الدين]

السلام عليكن خياتي
شفنتوني ملي دخلت الصباح صبحت عليكم من ثم وانا واقفة حتى المغرب والله تعبااااااانة والحمد لله على كل حال

رزيقة ماشاء الله عليك حبيبتي دخلتي دخلة قوية قعت نشوف الله يبارك نسبت العيا وربي يحفظك ويخليك عبلى كلامك لي يطلع المورال ويشجع حبيبتي وسلامي لاختي ام حسام

ريمة اهلااا حبيبتي والبذنجان جاكوتحفففففة الله يبارك وانا راني نلم في النتطبيقات ونديرها موضوع واحد ربي يخليك يا نسمتنا الهادئة

ام فاطمة بصحتكم الكران والبطراف مطرح ما يسري يمري قوليلي الملفاي يتباع هكاك عندكم عجبني هههه

ام يوسف بصحتك الفطير

اموهدول بصحتكم اللوبيا ويا درا واش درتي عشاء هههههه

فطوري اليوم كان سباغيتي بصح مصورتش جبتلكم. من الارشيف ودرت غراتان الشوفلور بطريقة جديدة حطتها اسمهان من يومين في الفايس جربتها وبنيييينة تفضلوا حبيباتي

[طيور الجنان]

سلااام حبيباتي انا المنتدى راهو محاوزني متبدل عليا مافهمتش علاش . نراجع و نرجع.

[طيور الجنان]

ماقدرتش نراجع الكونامسيون ثقيلة اكثر من السلحفاة المهم يعطيكم الصحة جيت نحطلكم بسبوسة درتها ماقدرتش نحطها
قريت غير حيوتة بصحتكم الشيفلور جاك هاايل ان شاء الله نجربو يعطيك الصحة على الوصفة المصورة.
ام يوسف بصحتكم الكسرة و والطعام.
ام فاطمة مولات الكوزينة بصحتطم المقارون و لمحاجب الله الله.
ام هدول بصحتكم اللوبيا اليوم نهارها .
فيفي بصحتكم الغراتان.
عرفت بللي ريمة جربت بريوش بابلي يعطيك الصحة.

[أم فاطمه]

صح عشاك حياة المقرون حتا انا عشيتهم المقرون وأنا ماكلايتش رني مقريبيا

شربت تزانة مع النونخا الملفاي ينبأع على شكل طورطة هديك حجم صغير وكاين لكبيرة

اهلا طيور صح عشاك كل وحدة وزروفها تقلقت عليكم برك الحمد للله كراكي بخير

تصبحو على خير في امان الله

[أم فاطمه]

السلام عليكم اخواتي اصبحنا واصبح الملك للله والحمد للله

تفضلو مسمن خدمته البارح باش تتقهواو

.

[أم فاطمه]

لبنات صباح الخير

[أم فاطمه]

اللهما ما اصبح بي من نعمة او بي احد من خلقك فمنك وحدك لا شريك لك لك الحمد ولك الشكر

[أم فاطمه]

بسم الله مشاء الله عين صابت كزينة ام فاطمة غياب جماعي الله يعاونكم

[وردة الرمال43]

صباح الخير ام فاطمة وكل الاخوات واينكم هذا ولا البرد ماخلاكم ......شوية نشاط شوية تفاعل واش هذ ا خلينا اختنا وامنا ام فاطمة وحدها هلمووووو

[وردة الرمال43]

حبيبتي ام فاطمة راني داخلة باه نطلعلك المورال ونحطلك شوي من ارشيفي وان شاء الله يدخلو البقية وينورونا راكي تعرفي الشتا النهار قصير والامراض تكثر وكل وحدة وظروفها ان شاء الله يكونو كامل بخيييييير

[nihal159]

صباح الخير أم فاطمة و جميع الفحلات؛ الله يبارك كل شهيواتكم تحفة و ماعندي مانقول غير الله يبارك و ربي يزيدكم من خيرو.
أم فاطمة أنتي غالية علينا و أكيد مستحيل نهربو و نخلو الكوزينة؛أنا خلاصلي الأنترنيت تاع الطابليت؛ لكن راني نصوّر في كل تلبازي على قول ملوكة؛ إن شاء الله غدوا مانخدمش و نكونكتي من داري و نحطلكن تشوفو؛ درت تطبيق لكوكا وصفة حيوتة؛ خرجتلي العجينة المورقة من أروع مايكون؛ و درت ثاني شورما و شوية أكلات؛ درك راني بالميكرو تاع الخدمة؛ مانقدرش نخربط فيه بزاف لأنو فيه لوجيسيال تاع بطاقة الشفاء و نخاف نفسدو؛ سلامي لكنّ جميعا كل واحدة بإسمها.

[وردة الرمال43]

للامانة الاخيرة هزيتها من الفيس ههههههه

[Fifilondon]

صباح الخير عليكم كاملين
دخلت على اطايب وردة الله يبارك راكي فوووور كل شيءروعة
حياة راني دايرة شنوووفة كبيرة مراكيش تشوفيني معليش بصحتك واش طيبتي كي العادة كل شيء يشهي ما شاء الله ولا باس عليك من التعب ربي يعينك
ام فاطمة بحتك واش حطيتي كل شي يشهي كي العادة
نيهال اهلا بيك وراني نستنى نشوف طيابك توحشناه وتوحشنا روحك المرحة رري يهنيك
ام هدول اللوبيا واوووو شهاتني توحشتها بلاك هاد الايام نطيبها ان شاء اىىىه
ام يوسف الفطير علامة بصحتك يا الفحلة
سعيدة على سلامتك حنونة

[أم فاطمه]

المشاركة الأصلية كتبت بواسطة وردة الرمال43

حبيبتي ام فاطمة راني داخلة باه نطلعلك المورال ونحطلك شوي من ارشيفي وان شاء الله يدخلو البقية وينورونا راكي تعرفي الشتا النهار قصير والامراض تكثر وكل وحدة وظروفها ان شاء الله يكونو كامل بخيييييير

صباح الخير اختي وردة رني مقريبيا والكحة ومع دالك ندخل ونشارك شكرا حنونة راكي طلعتلي المورال ههههههه