قولولي واش ندير لشجرة القارص

[lina18258]

السلام عليكم ورحمة الله وبركاته
قولولي واش ندير لشجرة القارص عندها بزاف ملي غرسناها وماكانتش دير القارص مي السنة الحمد الله دارت بزاف المشكل انوا يطول بزاف باه يثمر

[fifio120]

khasha elhadid

[شهد08899]

المشكل في الشجرة الي غرستيها بالعكس القارص يثمر كيما شجرة تشينة

[جيجلية]

انا عندي عشر سنسن ملي غرستها ادير الزهور ومن بعد تسقط

وهذا العام مرضت بقشرة بيضاء على الاوراق ما عرفتش واش ندرلها

[ناصر زاكي]

بارك الله فيك

[lina18258]

المشاركة الأصلية كتبت بواسطة fifio120

khasha elhadid

يعطيك الصحة الشجرة كان خاصها الحديد درتلها الحديد والسنة الحمد الله تعمرت بالقارص خبينا لينا ومدينا لجوارينا

[ميمي2012]

السلام عليكم
الحمد الله كي لقتي الحل
ولكن اختي مفهمتش ماذا تقصدين بالحديد ، أنا كذلك عندي شجرة قارص حالها مش عجبني
وضحلي اختي وفهمني كيفاه دوويتيها بالحديد
وشكرا مسبقا

[lina18258]

المشاركة الأصلية كتبت بواسطة ميمي2012

السلام عليكم
الحمد الله كي لقتي الحل
ولكن اختي مفهمتش ماذا تقصدين بالحديد ، أنا كذلك عندي شجرة قارص حالها مش عجبني
وضحلي اختي وفهمني كيفاه دوويتيها بالحديد
وشكرا مسبقا

يا اختي شوفي لي يبيع الاسمدة تلقاي الحديد عندوا ولا دري كيما انا كانت عندنا reserve من هادوك تاع الحديد مصدي ايا حطيت فيه الماء ووليت نشرب الشجرة تاع القارص منوا يا اختي ماشاء الله دارت قارص الله يبارك

[ميمي2012]

بارك الله فيك وجزاك كل خير على التوضيح أختي الكريمة

[lina18258]

اتمنى ان اكون افدتك ولو بالقليل

[أم عائشة الجزائرية]

طيبي القهوة اشربيها هاديك التلوة ديريهالها و ادا عندك قط خليه يدير الاوساخ تاعو ثم
بالتوفيق حبيبتي

[أم عائشة الجزائرية]

ماتنسايش تزبريها ...... جيبوا واحد يديرهالكم لازم يكون موالف يزبر بش مايخصرهااش

[ميمي2012]

وعليكم السلام
مشكورة اختي ام عائشة الجزائرية على الإضافة جزاك الله خيرا

[rowaida18]

الحديد توجديه عند اللي يبيع الأدوية الفلاحية أو بائع الزهور و أسمو Fer chélaté بمقدار 2 غرام في 1 لتر من الماء أو تقدر حتى 2 لتر من الماء و تسقي بيه و شجرة الليمون ما تحبش الماء بزاف قبل خروج الثمار حيث تسقى جيدا مرة كل 10 أيام و في الأيام المشمسة مرة كل 7 أيام......و سبب سقوط الأزهار و الثمار هو السقي المفرط.....

[خوخة جوجو]

شكرا على الافادة