اليوم جبت وصتي المعتمد للمشكلة والتي طلبتها مني الاخت كاميلياس
مشكلة بالمكسرات
المقادير:
بالنسبة للعجينة نحتاج
500غ فرينة من الاحسن "سيم"
125غ زبدة التوريق انا نستعمل "صالحة"
قرصة ملح
نصف كاس نتاع الشاي ماء الزهر
ماء عادي
الحشو:
250غ لوز+250غ جوز+
250غ نوازات -بندق-
250غ بيستاش -فستق-
يمكن نعوضوهم ب 1كغ كوكاو بالقشور نقليه شوية برك ثم نرحيه بالقشور
400غ سكر عادي
مغرف فاني
قشور 3 حبات قارص
3الى 4 حبات بيض
ماء الزهر
اذا استعملنا الكوكاو نستعمل مغرف قهوة عطر اللوز و عطر الجوز و عطر الفستق و البندق
الشاربات:
300غ سكر عادي
1 ل ماء نحطهم على نار هادئة لمدة 20 دقيقة حتى تعقد كي نطيفلها نضبف لها كاس تاي ماء الزهر
و نحتاج ايضا العسل باش نعسلوه في النهاية
والان طريقة التحضير
ناخذ الفرينة + المرغرين تكون جامدة نقطعها بالسكين قطع صغيرة + قرصة ملح و نمحرها جيدا حتى تدخل الزبدة في الفرينة ثم نضيف ماء الزهر و شوية ماء حتى نتحصل على عجينة نعجنخا شوية و نحطها ترتاح نضيف لسطح العمل النشاء باش يسهل العملية نتركها ترتاح 10د
الحشو:ناخذ المكسرات المرحية نضيف لها السكر+ الفاني + الزاست نتاع القارص و نخلط ثم نعمل حفرة في الوسط
و ندير البيض بشوية برك و نخلط نضيف ماء الزهر راح نتحصل على حشو يمكن عجنه لازم يكون يابس باش ميخرجش من العجينة
ناخد طرف من العجينة نبسطه فوق سطح العمل اللي رشيناه بالنشاء ولا نمرره في الالة
تكون العجينة رقيقة نوع ما ناخذ جزء من الحشو نبسطه فوق نسف العجينة و نسويه جيدا ونغلق عليه الجهة الاخرى من العجينة
اذا جاتنا الحلوة طالعة خشينة نزيد نحلها بالرولو ثم نطبع دوائر و ننقشها و نزينها يمكن نقسمها الى اثنين و نزينها باللوز او نتركها دائة و نزينها بالنوازات في الوسط حسب الرغبة نغطسها في بياض البيض لكي تلصق
ملاحظة
البقايا نعاود نحي منها الحشوة و نرجعها على العجنة من فوق و نعاود نحلها بنفس العملية اليابق
نطيبها في فرن مسخن سابقاكي تطيب نغطسها في الشاربات و نقطرها
ثم نعسلها
ونحطها تتقطر ثم
نزينها بالبريون و نقدمها في الكيسات
[IMG]
[/IMG]
[IMG]
[/IMG]
( تقرير عن مشاركة سيئة )، و الموجودة أسفل كل مشاركة .
2014-03-18, 12:57
كاميلياس ارواحييييييييييييييييييييييييي
العرض العادي
