البسملة1
جبتلكم وصفة الشريك الي معتمدتها و ديما نديرها و نحب نشكر صاحبة الوصفة و نقولها ربي يعطيك ما تتمناي
و نهديها خص نص لعطور و نهال و نقولهم شكرا على التشجيع
المقادير :
2كأس حليب دافئ
1كأس سكر
1كأس زيت
4 حبات بيض
2 ملاعق اكل خميرة فوريت تاع الخبز
شوية خميرة كيميائية
فانيلا
روح الزهر يعني اكستري
الفرينة
زوج ملاعق زبدة ذايبة
التزيين :
صفار بيضة +القليل من الحليب و زدت شوية نيسكافي لنكهة و قطرات خل للون
و جلجلانية
الطريقة
اضربي البيض مع السكر و الزيت و الفانيلا بالخلاط الكهربائي او بالعجانة و ديريي الكروشي الي نخلطوا بيه الحلويات حتى يتضاعف الحجم و من بعد ضيفي روح الزهر و من جيهة اخرى تكوني حطيتي الخميرة مع كاس شوية حليب تتفاعل و الباقي تاع الحليب ديري فيه الملح
كي يتضاعف حجم خليط البيض بدلي الكروشي ديري تاع العجين او اعجني بيدك زيدي شوية تاع الفرينة مخلطة مع الخميرة الكيمائية و خليط الخميرة الي خلينها تتفاعل و من بعد باقي الحليب و زيدي الفرينة بشوية حتى تتحصلي على عجينة تتلاصق ضيفيلها زوج ملاعق تاع زيدة ذايبة باه تتلم و حطيها تتخمر و من بعد شكليها كريات انا هنا وزنتهم باه يجيو كامل نفس الحجم كل وحدة فيها 80 غ ادهني الصينية بالزيت و حطي كرياتك يزيدو يتخمروا حتى يتضاعف الحجم و ندهنهم بخليط البيض و الحليب و النيسكافيه و الخل و نزينهم بالجلجلانية او حبيبات السكر و نطيبهم في الفرن على درجة 18 الى 200 حتى يتحمروا الفرن نحطو فيه اناء فيه الماء باه يدير طراوة في الفرن
هذو درتهم من قبل
و هذو تاع اليوم
و بصحتكم نتمنى تعجبكم و تجربوها
( تقرير عن مشاركة سيئة )، و الموجودة أسفل كل مشاركة .
2014-08-29, 15:26
شريكي
العرض العادي
