العيش بالدجاج والخضر خفيييييييف

[ladymillion]

اليوم راح نقدملكم اكلة نحبوها بزاف في منطقنتا لي هي العيش من مطبخي وهذه الوصفة خفيفة وطبعا العيش كاين بطرق مختلفة انا راح نعطيلكم طريقة خفيفة بالدجاج والخضر ان شاء الله تعجبكم ونفيدكم بها

المقادير :

حبة بصل متوسطة + حبة طماطم متوسطة+ 4 سنينات ثوم+ 4 ملاعق كبيرة زيت+ 2 ملاعق صغيرة ملح+ ملعقة فلفل أسود+ 2 ملاعق صغيرة كسبر+ ملعقة صغيرة هريسة+ ملعقة صغيرة فلفل أحمر حار + صدر دجاج + خضر { بطاطا+كوسى+جزر} مقطعين مكعبات صغيرة .

الان بعد تقشير الخضر وغسلها قطعي البصل قطع صغيرة مع الثوم والطماطم وميكسيها بقليل من الماء بالميكسور او روبو حتى تولي رطبة .ضعي القدر على نار متوسطة وحطي 4 ملاعق كبيرة زيت وأضيفي البصل والطماطم وأضيفي التوابل {
ملاعق صغيرة ملح+ ملعقة فلفل أسود+ 2 ملاعق صغيرة كسبر+ ملعقة صغيرة هريسة+ ملعقة صغيرة فلفل أحمر حار }ونقي صدر الدجاج من العظم يعني لوحي غير اللحم فقط وخليهم يتقلاو على نار هادية شوي بعد 5 دقائق

أضيفي الخضر المقطعة وأضيفي حوالي 1 لتر من الماء سخون وأغلقي أنا استعملة طنجرة الضغط اذااستعملت حتى انت طنجرة الضغط خليهم اطيبو نصف ساعة وطفي النار , بعد ما تفتحي أنزعي الدجاج و فتتيه الى قطع صغيرة أضيفي كاس ماء و حبة فلفل حار و خليهم يغليو شوي ورجعي الدجاج المفتت الى الطنجرة
في وعاء آخر حطي الماء و ملعقة صغيرة ملح + ملعقة كبيرة زيت حتى يغلي الماء أضيفي كأس من العيش وخليه يغلي شوي حتى يطيب نصف طياب وصفية في كسكاس
حطي العيش في الطنجرة مع المرق خليهم يغليو حوالي 10 دقايق ويكمل العيش طيابو في المرقة باش ايجي بنين ويتشرب القليل منها وبعد ما تفي النار أضيفي ملعقة صغيرة زبدة أو مارغارين وغطيه وخليه يرتاح 5 دقايق وقدميه حنا نقدموه فس قصعة صغيرة اليكم الصور .
وانشاء الله تجربوه راهو خفيف وبنييييييييييين

[نهى21]

اممممممممم حار و بنين بصحتكم اختي

[ladymillion]

الله يسلمك

[أنواار الإيماان]

امممممممممممممممممممممممممممممممممم مع هذه الامطار لي عندنا اليوم والبرد رااااااااااااااااائع

[ladymillion]

أين الردود

[ام ملاك.]

بصحتكم خرج يشهي

[خربشة ناعمة]

يعطيك الصحة يا الشاطرة
طيبتيه في وقته مع الامطار هادي
انا نحب البركوكس بزاف
بصح نحبوا ناشف مليح حتى يتشرب كامل المرقة

[samar89]

اممممممممممممممم شهيتينا.....باين بنييييييييييين

بصحتكم اختي

[ام ولي]

امممممم هذا ما ينفع في هذا البرد بارك الله فيك

[miimicha]

مممممممممممممممم نموت عليه يعطييييييييييك صحه

[yacef hayet]

yatik essaha ja fi ouaktou

[زين أمين]

السلام عليكم يعطيك الصحة شهتيني راني في وقت ما كليتوش ، أحنا عندنا نسميوه البركوكس و فيه إختلاف بسيط أنو نشمخ العيش كيما تقولولو و نفوروه في كسكاس ثم نضيفوه إلى المرق و نخليوه يطيب

[sa-li]

السلام عليكم

ههه كما نقولو عيش حار وبنين ههه

يصلح في وقت الشتاء والبرد القااااارس

تعودي تاكلي وتدفاي ههه

يعطيك الصحة وصحاليكم

[ilbeldelmondo]

كيجي خفيف خير من تاع خليع

[zoukhasm]

ya3tik saha