لنتعرف على singer 20u43 و ملحقاتها مع ...........سطايفيه - الصفحة 9

latifa98 · 2015-05-10, 13:56

السلام عليكم

بارك الله فيك اختي السطايفية مواضيعك كلها في القمة الله يجازيك كل خير وبعد ماشفت موضوعك قررت باه نكتبلك مشكللتي شريت ماشينة هذه صورتها

وماعرفتش نطرز بها اتمنى من الله تساعديني وشكرا

ام عبد الله2014 · 2015-05-17, 15:28

بارك الله فيك ربي يجزيك ويجعلها في موازين حسناتك

mestghanmiya · 2015-05-25, 13:23

السلام عليكم
عندي مشكل فالمشينة كانت تخيط غاية حتى تكسرت الابرة و كي بقيت نتبع فيها بشويه لقيت فيها خلل من جيهة الكنيطة تتلاقا مع الابرة قبل ما تطلع و تكسرها معرفتش نعبرلكم نتمنى فهمتو الخلل ساعدوني ربي يخليكم كيفاش نصنعها و علاش ولات كيما هاك

dalal 28 · 2015-05-25, 21:42

السلام عليكم اختي السطايفية وربي يجازيك على كل ما تقدمينه

ياريت تعاودي تحملي الصور في ورشاتك اذا لم يكن في الامر كلفة او ازعاج لك

ورشاتك قيمة لكن فقدانها للصور انقص من قيمتها

انا اتعلم الخياطة وراني نتابع في نعليماتك واستفدت منها كثيراا

شكرااااا

stayfiya · 2015-05-26, 20:38

اقتباس:

المشاركة الأصلية كتبت بواسطة **ام هدول**

السلام عليكم

يعطيك الصحة سطوفة ههههههههه ضحكتبيني على صاحبتك ولله غير راهي شادة فيك

ومبغاتش تطلقك كي درتي معها مفاد هههههههه ربي يحفظك ويخليك حبيبتي على كل رد وكل خدمة راكي

تقدميها لنا الله يعطيك ويعلي قدرك اكثر واكثر

ربي يخليك ام هدوول

اقتباس:

المشاركة الأصلية كتبت بواسطة أم آلاء الصغيرة

سلام اختي سطايفية ياريت تساعديني بتفصيل الممل
راني طميت شوية دراهم مانيش حابة نصرفهم في حاجة ماتبانش انا من قبل نحب لخياطو وماما كانت عندها ماشينة تاع البيدال كنت ندخل روحي في الخياطة برك يعني نعرف نمشيها كنت نحب هذي الهواية وذرك راني حابة نشري ماشينة ليا نقدر ندبر روحي بيها يعني نخيط ليا برك وشفت عند حانوت مشينة ماركة تويوتا قالي مليحة مولاها تاع تريسيتي قالي 17500 ونساعدك ياريت تساعديني في مشينة تكون براتيك ومليحة تاع وحدة مبتدئة وتخيط مليح ياريت تساعديني اختي راني نستنا في الجواب اعطيني بالتفصيل باه ندير خطوة مانندمش عليها

بالتوفيق ختي المشينه كاينه سانجال ولا طويوطا مليون و 800 هاذو ملاح و خفاف باش تتعلمي بالتوفيق حبيبتي

اقتباس:

المشاركة الأصلية كتبت بواسطة كتابي انيسي

ماشاء الله بارك الله فيكي اختي
والله في عون العبد مادام العبد في عون اخيه
وانا حبيت نشري مشينه جديده سي ام جي وانا موالفه ب سانجر تاع الفليزة
وحبيت نشري واحده كبيرة مش تاع اتولي لكن نحوس خياطه وزيقزاق
لانها تتحف الخياطه وتتقنها

جيمسي هايله هي نفسها لي راني حاطتها انا اختلاف الاسم برك انا ماندمتش عليها الحمد لله

stayfiya · 2015-05-26, 20:47

اقتباس:

المشاركة الأصلية كتبت بواسطة layn

haba nechri wehda singer jdida bessah mazali debutante fel fsala, est ce que nechri oula mazal?

اشري ياختي باش منين تفصلي تحاولي تدربي و تخيطي بالشوي حتى تتعلمي لفصاله تلقاي روحك مسلكتها في لخياطه

اقتباس:

المشاركة الأصلية كتبت بواسطة latifa98

السلام عليكم

بارك الله فيك اختي السطايفية مواضيعك كلها في القمة الله يجازيك كل خير وبعد ماشفت موضوعك قررت باه نكتبلك مشكللتي شريت ماشينة هذه صورتها

وماعرفتش نطرز بها اتمنى من الله تساعديني وشكرا

هاذ الموضوع يساعدك اكيد باذن الله
https://youtu.be/gLLr-wXnbck

اقتباس:

المشاركة الأصلية كتبت بواسطة ام عبد الله2014

بارك الله فيك ربي يجزيك ويجعلها في موازين حسناتك

اللهم امين بارك الله فيك اختي

اقتباس:

المشاركة الأصلية كتبت بواسطة mestghanmiya

السلام عليكم
عندي مشكل فالمشينة كانت تخيط غاية حتى تكسرت الابرة و كي بقيت نتبع فيها بشويه لقيت فيها خلل من جيهة الكنيطة تتلاقا مع الابرة قبل ما تطلع و تكسرها معرفتش نعبرلكم نتمنى فهمتو الخلل ساعدوني ربي يخليكم كيفاش نصنعها و علاش ولات كيما هاك

شوفي يا ختي راهي كيما تكسرتلك الابره ديكالاتلك البورت كانات لازم الخدام يعاود يردها لبلاصتها و يسيريلها لي فيس تاوعها

اقتباس:

المشاركة الأصلية كتبت بواسطة dalal 28

السلام عليكم اختي السطايفية وربي يجازيك على كل ما تقدمينه

ياريت تعاودي تحملي الصور في ورشاتك اذا لم يكن في الامر كلفة او ازعاج لك

ورشاتك قيمة لكن فقدانها للصور انقص من قيمتها

انا اتعلم الخياطة وراني نتابع في نعليماتك واستفدت منها كثيراا

شكرااااا

ااااااااه. مالقيتش الحل و تغيضني كي ما عنديش الحل

mestghanmiya · 2015-05-26, 21:54

شكرا اختي سطايفية مكانش طريقة نصنعها وحدي خاطر الوالد مزال مانقولو بلي خسرتلي و راني محتاجتها عرسي مور رمضان و راكي تعرفي قش العروسة بزااااف يلا تعرفي طريقة كيفاش نصنعها نحاول وحدي و يلا مكانش نقولو و خلاص

ام كندا · 2015-05-29, 17:19

اليوم طحت في نفس المشكل تاع اختتي مستغانمية ياريت كاين حل سهل

mestghanmiya · 2015-05-30, 13:27

السلام راني صنعت ماشينتي وحدي تبعتها غير بالعقل و لقيت الحل و راهي تخيط يويويويوووووويييييي
اخت ام كندا راني خارجة دروك لعشيا كي نجي نحاول نشرحلك بالصور

ام كندا · 2015-06-01, 22:25

السلام عليكم ياريت الحل بسرعة يااختي مستغانمية راني حاصلة

mestghanmiya · 2015-06-02, 15:27

السلام عليكم سمحيلي اختي طولت عليك راني كل يوم برا راكي عارفة قش التصديرة ما يخلاصش المهم اذا كان عندك نفس المشينة و نفس المشكل تبعي الصور مع الشرح
شوفي اختي هبطي الراس تاع المشينة تلقاي لبوات كانات فيها 3 براغي رخفيهم برك ماتحليهمش قاع راهم يبانو فالصورة
https://www.m5zn.com/newuploads/2015/...5e2334e692.jpg
غادي تولي لبوات كانيت مرخوفة تقدري تتحكمي فيها تطلع و تهود مبعد هبطي الابرة كامل وين يوصل حدها كي تكون فالبوات كي شغل راهي تخيط و دروك لازم غير بالعقل طلعي لبوات كانيت وهاد السنة تجي مور الابرة خاص ماتجي نيشان الابرة تكسرهالك ماتجي بعيدة ماتوليش تخيط
https://www.m5zn.com/newuploads/2015/...4e90de67e1.jpg
و جربيها و تبعيها غير بالعقل غادي تفهميها
و كي تريقليها ردي لبوات شويا قبل الابرة في نفس النيفو و زيري البراغي
نتمنى نكون عاونتك وعندي ملاحظة كي تحبي تسييها ديري حاجز بينك و بين الابرة لتفادي اي خطر اوكي كاش حاجا ولا راني هنا و سمحيلي مرة اخرى

ام كندا · 2015-06-02, 22:19

شكرا لك اختي على الاهتمام اخذت الماشينة للخدام هي الان مضبوطة لكن للاسف اصبحت تمشي شوية ويتقطع الخيط الماشينة تاعي سانجار البيضا وهي قديمة جدا حبيت نسال عن احسن رقم تاع لاطونسيو واللي نخيطو بيه

زوجة على · 2015-06-09, 18:14

جزاك الله خيرا اريد ان اعرف ما الفرق بين ابر الماشينة ؟ماذا اقول للبائع عندما اذهب لاشتري؟ وشكرا

دينى يعلمنى الوفاء · 2015-06-11, 14:39

ماشاء الله عليك اختى السطايفية شرح مفصصصل..انا ايضا عندى نفس الماكنة...وكنت متحيرة كيفاش ننقص من السرعة ربي يحفظك

fedwafifi · 2015-06-15, 23:43

السلام عليكم