طريقتي السهلة في صنع الجينواز و تزيينها رووعة

walido2011 · 2013-03-26, 23:41

اليوم درت جينواز و زينتها و حشيتها بكريمة الزبدة بنينة و طرية خير من لي تتباع فالمحلات

بسم الله
المقادير:
4 بيض
5 ملاعق كبار سكر
ملعقة صغيرة و نصف فانيليا
قرصة ملح
5 ملاعق فرينة
2 ملاعق كاكاو

الحشو: كريمة الزبدة:
كأس زبدة
2 كؤوس سكر بودرة
2 ملاعق كبار حليب
ملعقان نيسكافي
للتزيين :
علبة شوكولا ذائبة في حمام دافئ
التوت المصنوع على شكل حلوى يتباع في المحلات
الطريقة:
نضع البيض والسكر و الملح و الفانيليا في وعاء فوق ماء دافئ (bain marie) و نبدأ في الخلط بالباتور على السرعة المتوسطة

نستمر في الخلط لمدة 6 دقائق فوق الماء الدافئ

ثم ننزعها و نستمر في الخلط على السرعة القسوة لمدة 10 دقائق حتى يبرد الخليط

هنا برد الخليط و راح نبدا نضيف الفرينة و الكاكاو بشويا ماكاش الخميرة الكيميائية لأنو الجينواز في الأصل تجي بلا خميرة

ننخل الفرينة مع الكاكاو بقسمين مشي على خطرة وحدة و نخلط بالحركة المعروفة من التحت للفوق

ندهن مول دائري بالزبدة و نرش عليه فرينة و نحط فيه الخليط

ندخلو لفرن مسخن من قبل 160/180درجة شاعل من الفوق و التحت لأنه مافيهش خميرة يطيب ما بين 20 إلى 30 دقيقة
-نحضر الجينواز الثانية نفس الطريقة تع الأولى فقط نحو 2 ملاعق كاكاو و نبدلوهم ب 2 ملاعق فرينة
-نحضر القطر :
كأس سكر
2 كؤوس ماء
نحطوهم عالنار يغليو مدة 5 دقائق
-نحضر كريمة الزبدة بوضع الزبدة في وعاء و نخفق بالباتور حتى تتنفخ شويا الزبدة وتولي خفيفة نضيف السكر و الحليب و النيسكافي و نواصل الخفق حتى تصبح الكريمة خفيفة وناعمة وصدقوني كريمة الزبدة بالنيسكافي بنينة بزاف أحسن من الفانيليا و نحطها بالثلاجة تبرد شويا
- هنا راهي طابت الجينواز الأولى غير نخرجها من الفرن نسقيها بنصف الكمية تع القطر و ونخلي النصف الثاني للجينواز الثانية

وهنا راهي طابت الجينواز الثانية نسقيها بالقطر المتبقي

طريقة التزيين :
سمحولي لأني ماصورتش الطريقة لكنها سهلة جدا
1-نقسم كل جينواز على إثنين
2-نضع جزء من من الجينواز البيضاء و نضع فوقها كريمة الزبدة ثم نضع فوقها الجينواز بالكاكاو ونكرر العملية حتي تخلاص الجينواز و يجي شكلها جميل بالأسود و الأبيض
3-نذوب الشكولاطة بدون زبدة أو حليب (إختياري) لأني نحب الشكولا تقعد يابسة فوق الكيك ثم نضع حبات حلوة التوت بأي شكل تحبونه ونتركو الجوانب بدون تغليف بش يبان شكلها جميل بالجينوازين ونتمنى أن تنال إعجابكم إنشاءالله

نشالله تنال إعجابكم