لمناسباتكم السعيدة ~~~كفتة الوردة ~~~

[عازفة الناي]

[][/

الحلوى اللي اخترتهالكم هي الكفتة بشكل الوردة
عجينة اللوز بطريقة جديدة .... لاني نجمعها بالشاربات بدل البيض ~~~ العجينة القديمة~~~
وبهذا نقدروا نحتفظوا بيها مدة طويلة مانخافوش تفسد او تخرب
الحشو جديد

اهم النصائح:
* ارحي اللوز جيدا جيدا كل ماكان رقيق يكون افضل
* اعجني العجين جيدا وحاولي تخليه شوي طري باضافة ماء الزهر و شوي شاربات
* دائما حلي كمية قليلة فقط باه ما ينشفش
* غطيه بالنيلون مليح
* اذا نشفلك شوي زيديلو ماء زهر او شاربت
* اذا ماعندكش ميزان ديري كور اكبر شوي من حبة البندق
* ممكن تستغني على البندق

نروحو للمقادير و طريقة التشكيل
[IMG][/IMG]
المقادير:
عجينة اللوز :
500غ لوز
500غ سكر ناعم
ملعقة فاني
50غ زبدة ذائبة
كأس شاي شاربات ( نضع كيلة سكر + كيلة ونص ماء + قطرات قارص على النار يغلي 15د)
ملون غدائي وردي
ماء زهر لطم العجين
الحشو:
520 غ قاطو ماجور ذوق شكولا مرحي
80 غ سكر ناعم
200 غ جوز مرحي خشين شوي
100 غ زبدة ذائبة
3 ملاعق كبار ماء زهر
فاني
شاربات لطم الحشو
حبات بندق محمصين ( اختياري)

التزيين:
لماع غذائي
عقاش فضي

عجينة اللوز :
* نرحي الوز وحدو ملييييييييييييح
* نخلط اللوز مع السكر الناعم ونعاود نرحيه ملييييييييييييييح
* نلمو باليد يتلم كما في الصورة

* نضيف الفاني ، الزبدة ، و الشاربات ونخلط
* نضيف الماء زهر ونبدي نلم العجين
* نعجن مليييييييييييييح كما نديرو للمطلوع
* حتى نتحصل على عجين رطبة وملساء طرية

* نقسمها الى 4 اقسام

* نأخد 3 اقسام و نزيدلهم الملون الغذائي الوردي

* نتحصلو على عجينة وردي و عجين اقل منها ابيض
* نغطيها بكيس بلاستيك ونتركها تريح
الحشو:
نخلط المكونات كلها مع بعض و نلم بواسطة الشاربات

التشكيل :
نأخذ الحشو ونعمل كويرات نوزنها 9 غ

* نحشي فيها حبات بندق ~~~ ممكن نستغني عليها ~~~

*نحل عجينة اللوز الوردي على بلاستيك ، ونقطع دوائر


* نكورها و نعطيها شكل يشبه للاجاص

* نقطع بمول الوردة وبعدها نناخذها بنحطها على الكورة و نضغ في الوسط حبة عقاش



* نحل العجين الابيض نطبع شكل الاوراق
* لكل حبة نحتاج 5 اوراق

* كي نطبع نضغط على الورقة بواسطة ورقة اخرى حتى تطبع عليها الشكل تاع الروق ~~~ حتى وان كانت الورقة اكبر ~~كما في الصورة


* ندوّر راس الاوراق شوي برك حتى نعطيها شكل جميل
* نمسحها بالملمع الغذائي


* هنا عملت الاوراق وردي و الوردة بيضاء

*و هنا غيرت شكل الوردة







وهنا عملتهم بمول السيليكون













وهنا من الداخل

ملاحظة : هذي الكمية قطعتلي تقريبا 60 حبة
نتمنى يعجبكم موضوعي وتقيموه اذا يستاهل
وتجربو الوصفة وتدعولي

اللي عندها اي سؤال انا في خدمتها

[سهيلة2013]

يعطيك الصحة

[قمر 77]

سيمفونيتي يعطيك الصحة روعة رعة و خيتك من جماعة مول السيليكون ما عنديش الصبر و الحشو فكرة هايلة انتظري تطبيقي
مبصح سؤال كي تحطيهم فوق بعضاهم زعما عرس و حبيتي تخبيهم يروح الشكل و الكونجيلاتور يصبرو فيه و لا لا لا و شكرا حبيبتي على مجهوداتك

[أم ياسين الزهراء]

روووووووووووووووووووووعة وروووووووووووووووووووووووعة

[فرح العمر]

فنانة في كل المجالات يعطيك الصحة هاتي ابعثيلي شوية نحطو في النفاس تاعي نزوخ بيه شوية

[عازفة الناي]

المشاركة الأصلية كتبت بواسطة سهيلة2013

يعطيك الصحة

الله يخليك

المشاركة الأصلية كتبت بواسطة قمر 77

سيمفونيتي يعطيك الصحة روعة رعة و خيتك من جماعة مول السيليكون ما عنديش الصبر و الحشو فكرة هايلة انتظري تطبيقي
مبصح سؤال كي تحطيهم فوق بعضاهم زعما عرس و حبيتي تخبيهم يروح الشكل و الكونجيلاتور يصبرو فيه و لا لا لا و شكرا حبيبتي على مجهوداتك

تسلميلي ياغالية
هو فعلا يحب صبر خاصة فتركيب الاوراق لكن نتيجته هايلة ههههههه .... لذلك حاولت نعمل مجموعة بالسيليكون كتغيير
الحشو طعمه رهيب و هايل جربيه
صراحة مالازمش يتحط فوق بعضاه يتكسرو الاوراق
خبيه عااااااااااااااااادي جدا لانه ما فيهش بيض باه يخرب
انتظر تطبيقك الرائع

المشاركة الأصلية كتبت بواسطة أم ياسين الزهراء

روووووووووووووووووووووعة وروووووووووووووووووووووووعة

انت الاروع ياغالية

[عازفة الناي]

المشاركة الأصلية كتبت بواسطة فرح العمر

فنانة في كل المجالات يعطيك الصحة هاتي ابعثيلي شوية نحطو في النفاس تاعي نزوخ بيه شوية

نبعث لحبيبتي تستاهلي كل خير
ربي يعطيك وقفة ساهلة يارب

[ام الهضاب]

يعطيك الصحة خرجووووووو ففففففففنننننننن

[أم محمد تاج]

أكيد أكيد من عندي احلى واغلى تقيييم ليك يا مبدعة رووووووعة روووووووووووووووووووعة

[omomnia15]

يعطيك الف عافية فحلة ونص

[زينب 83]

اولا شكرًا جزيلا عازفة لانك سهرتي علاجالي باه تحطي لي الموضوع ربي يجازيك كل خير يا غالية

اما الحلوة اكيد من يدين فنانة مثلك راح تكون تحفة ، و فكرة الشرابات رايعة غير من البيض خاصة في فصل الصيف ، دمت متألقة غاليتي و اكيد تقييمي

[عازفة الناي]

المشاركة الأصلية كتبت بواسطة ام الهضاب

يعطيك الصحة خرجووووووو ففففففففنننننننن

الله يخليك يا طيبة

المشاركة الأصلية كتبت بواسطة أم محمد تاج

أكيد أكيد من عندي احلى واغلى تقيييم ليك يا مبدعة رووووووعة روووووووووووووووووووعة

تسلمي حبيبتي على التقييم
هذا من ذوقك العالي
الله يسرلك ولادتك يارب

المشاركة الأصلية كتبت بواسطة omomnia15

يعطيك الف عافية فحلة ونص

ربي يعيشك ويحفظك

المشاركة الأصلية كتبت بواسطة زينب 83

اولا شكرًا جزيلا عازفة لانك سهرتي علاجالي باه تحطي لي الموضوع ربي يجازيك كل خير يا غالية

اما الحلوة اكيد من يدين فنانة مثلك راح تكون تحفة ، و فكرة الشرابات رايعة غير من البيض خاصة في فصل الصيف ، دمت متألقة غاليتي و اكيد تقييمي

العفو حبيبتي
ان شاء الله تكون الخطوات واضحة
وننتظر تطبيقك على احر من الجمر هههههههههههههههه
وشكرا لتقييمك

[رنيم مهدي]

يعطيك الصحة هايلة

[انتصار فاطنة]

دائما متالقة بوصفاتك

[oum islem]

ما شاء الله عليك
فن وابداع واتقان
دمت بعافية يا معطاءة
سلمت من كل سوء